地產論壇
登入名稱
密碼
頁數:
2018年樓市十大預測
瀏覽人次:32138    回應:21

2018年樓市十大預測

 

湯文亮博士

紀惠集團行政總裁
2018年1月2日

  在2017年底,例牌有很多人問我對2018年樓市預測,不過,當中亦有人提醒我對2017年樓市預測是絕對失誤,甚至比不上一個年輕物業代理,我本來不打算對2018年對樓市作出任何預測,但有老友同我講,如果我不再做預測,即是永遠冇得翻身,做一個真真正正的樓屎專家,老友的說話不無道理,不過,我會做少少修改,不是預測升跌那麼簡單,而是對樓市作出十大預測,我有信心最少有八項預測準確,不過,如果第一項不準確,其他全部準確都沒有用,都是預測錯誤。

  1. 雖然香港差不多所有專家都話2018年樓市有10%以上升幅,但我認為樓市會下跌10%,跌幅集中在下半年。

  2. 政府不會再出招壓抑樓市,包括暱稱辣招的特別印花稅以及逆週期措施。

  3. 政府會放寛首次上車人士的按揭貸款成數,幾多我就不敢評估。

  4. 雖然新樓暢銷,2017年賣出超過二萬個單位,創十年新高,而2018年有二萬七千個單位供應,但我認為新樓銷售量將低於2017年。

  5. 2017年,香港地產商賣樓絕不手軟,十二月仍然有新樓推出,耗盡所有購買力,所以,我估計在春節後不會有小陽春。

  6. 銀主盤會大幅增加,將會是雙倍於今年的數量。

  7. 政府將會提供多於兩萬個單位,最少有一萬個是由地產商補地價得來。

  8. 美國在2018年加息三次差不多已成定局,但在有不少專家認為香港只需加一次,即是0.25%,但我認為最少加四次,或者1%。

  9. 雖然銀行家話同業拆息Hibor 在春節後會回落,但他們可能忘記2018年香港要遵守巴素利3協議,就算過了春節,Hibor 都不會回落。

  10. 銀行估價轉趨審慎,但仍然樂觀,大部分估價將會低於成交價。
2018年樓市十大預測
1. 真真薯片
2018-01-02 09:28
博士有guts! 在下支持!!
2. 引刀一快
2018-01-02 09:53
不過,如果第一項不準確,其他全部準確都沒有用,都是預測錯誤。

呢D就係風度加公道加氣度。

100個like!


3. 效應
2018-01-02 10:21
2018港股好大機會升穿3萬5千點,所以中原指數在2018年有升冇跌。今年是港股大時代,博士的十大預測不應該不提港股。股市的升跌產生好大的財富效應。
4. 中原指數
2018-01-02 10:25
我估CCL年底升到180,高博士估150。落差是30點。今年年底就見真章。博士輸的機會是7成,
5. 支持
2018-01-02 10:45
博士今次確是令人另眼相看!做一個估錯樓市的真君子,好過那些輸打贏要的偽專家!
6. 十一哥
2018-01-02 10:47
上海游蕩返歸、感覺香港樓冇得跌、但實體一定好難揾食、衹有…財資賭場角色…先係出路、股樓高位運行冇懸念。

高樓價…首置托咁重上膊…升一成好難卸膊、升得慢…生活就日日都係壓力、份工就好易幻得幻失…人多少會有D神經質、放寬首置底part…壓測點計算 ? 實引多咗唔夠力嘅上車…供唔掂時…? ? ?


7. 劉翁
2018-01-02 11:03
本人認同湯博士的估計,2018年應會出現供過於求,而供應量除私樓的二萬七仟外,還有政府出售資助房屋的單位未計。不知博士可否提供累計銀主盤的數目作參考,這是一個極其重要的樓市指標,亦可印証博士的估計是否正確?
8. 十郎
2018-01-02 11:39


      十一哥---------新年進步 !

      供應逐漸到位 , 每年新樓二萬 , 希望租金可以支持喇。感染中國的繁榮  , 真係冇得跌 , 亦唔想跌。觀閣下留言內容 , 現在入市 , 升得慢d都有危險 , 賭仔話 " 輸少當贏 " , 現今就是 " 升少當跌 " 了。

10. 真真薯片
2018-01-02 12:16
在下同意樓市會跌, 不過理由係加息/股市/匯市波動, 但係“買得到既供應”就唔會增加, 理由非常簡單 :


http://ps.hket.com/article/14245/2013年全港可供發售新盤單位總數約29019個

http://ps.hket.com/article/41490/預計2014年全港可供發售新盤單位總數約31236個

http://ps.hket.com/article/510265/2015年供應收成期%20新盤百花齊放

http://ps.hket.com/article/1128754/2016新盤陸續有來%20逾3‧8萬伙供應壓境

http://ps.hket.com/article/1614471/【專題報導】2017新盤各具特色%20逾3.3萬個一手供應大放送

http://ps.hket.com/article/1977940/全新盤明年2.7萬伙%20新界成供應重鎮

11. 在下
2018-01-02 12:36
博士敢擔當,唔會寫d虛無飄渺嘅嘢,話十個巴仙就十個巴仙,佩服佩服!老老實實好多乜行分析完預測完幾個月後几個月後當冇事。我亦認為博士去年分析準確!
數學上若升跌為加減30%,真正升10%即命中機會得1/60, 1.7%!就當升8-12%都中,機會都只係8.3%。呢個就係我過去七年,每日必閲博士所有一至三篇文章的原因!
新年快樂!
12. 十一哥
2018-01-02 13:11
十哥__祝各位…開心快活·嘆世界  !  抝頸唔好頂心口。

俗語冇咁大個頭…咪戴咁大頂帽、冇風都要扶住…舉手耐咗就好惡頂、投資…眼光係第二位、持貨能力至係勝負最關鍵。


13. 開門紅
2018-01-02 14:56
港股今天開門紅,港樓今年勢如虹。
14. 十一哥
2018-01-02 15:59
外資低位唔敢大食、高位空親都比人挾、衹能乖乖跟行…揾餐食、興風作浪已經冇能力、個人目前就識買唔識賣。


15. 牛氣冲天
2018-01-02 19:29
2018果然是個好年,開局開得好靚仔,內房隻隻都升到巔。股市今年巔起上未真是有可能撲四萬點。樓價會升到冇眼睇。林鄭頭痕!
16. 博士加油
2018-01-02 19:33
在如此環境下,博士居然敢睇淡,勇氣可嘉。撐住呀!頂得幾耐得幾耐。
17. 升到你唔信
2018-01-02 21:42
今年香港樓市同股市一樣,升到你唔信。北水南下搶貨,先搶股,然後搶樓。恆指開年升幅冠全球,拉開了大升浪的序幕。今年唔睇好都不要做淡,挟都挟死你,今朝有板你睇。
18. 鐖鍏
2018-01-02 22:05
樓市十大願望
19. 單邊主義
2018-01-02 22:46

名家搶先睇】單邊提示可能累死人

(汪敦敬)

多謝蘋果日報編輯部邀請筆者撰寫「真心真話」專欄,並表示可包容不同聲音的評論,我一向支持政府不少政策,也因支持不時也會批評官方應該改變的措施,希望以上兩種真心話,也能在專欄暢所欲言!

怎樣的才算是「真話」?除了是真心的說話外,更要能配合市場,「唔好買樓住,遲下樓價一定跌!」這等說話過去八年不斷有人說,但結果是好心做了壞事,誤了不少人!

另外,讀者普遍期望評論員言行一致,自己投資應該配合自己言論才對!

筆者的市場理論較多人知道的是「買有風險!不買也有風險!」為何不買樓會有風險?甚至近年不買樓風險遠比買樓更高?正正因為住屋是基本需求,「住」是需要成本維持的空間,自然會產生「價」,若你在需要買樓的情形下選擇了租樓去等樓價跌的話,當樓價升了你就是輸了!

2017年11月和2009年1月比較: 全港租金上升96%!全港樓價上升224%,無買樓除了失去升幅外,更輸掉了租金,並正愈輸愈多!在09年環球量化貨幣的大局下,當你決定不買樓的時候,你極可能是進行著一場豪賭!也當你給意見別人不要買樓時,你有機會會誤了人一世。

買樓的風險其實長期低於不買的風險。故除長輩外,高官奉獻市民小心樓價太高的同時,不應該只「單邊提示」,否則同樣可能「累死人」!


20. 汪總救了不少人
2018-01-03 00:32
謝19樓,汪總乃真正樓市專家!分析全憑數據,不憑感覺,從不亂估!

細價樓業住能力低所以就守吾住?入得場過到壓測就不是弱者!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。