|
淘寶成功的原因
|
|
|
|
|
淘寶成功的原因
湯文亮博士
紀惠集團行政總裁
2017年12月31日
現在不少人買日常用品，或者一些比較實用貨品，都會上淘寶網找尋，不但種類繁多，而且價錢平上一大截，有很多人不明白，淘寶只是提供了一個平台，點解可以將零售業打殘，其實，淘寶並没有打殘零售業，而是零售業自己打殘自己，因為不少零售商除了壓價之外，還積壓廠商資金，甚至唔找數，因為零售商可以搵過另外 一個生產商，所以，當淘寶提供了一個平台給廠商，他們趨之若鶩，雖然生意額可能減少，但利潤增加，又不會有壞帳，說到底，零售業枯萎是當零售商的信用有關，失了信用的零售業做成淘寶成功最大的原因。
或者很多人都不知道，出廠價大約是零售價20%，但這是合理，因為由生產商去到零售商，要經過重重關卡，例如批發，分銷等，又要揹起產品滯銷的風險，不過，有很多零售商在正常情況下，無理扣壓生產商資金，做成生產商資金流轉有問題，不但要向銀行舉債，甚至會有機會結業，淘寶出現，基本上是救了不少中小型生產商，現在要睇生產商是否能夠把握機會，如果有生產商認為已經收妥貨款，就算送出一些次貨也沒有問題，這便是自尋死路，但淘寶不會滅亡，一個生產商消失，代之而起的又會是另外一個生產商。
|
|
淘寶成功的原因
|
|
零售成本，最主要是商鋪極高的租金。網購避開了商鋪租金，自然平得多。至於網購所需的物流系統，隨著科技進步，只會越來越平。
|
|
|
|
淘寶買d用完就掉既消耗品, 唔見左寄失左都冇所謂既野就好, 對品質有追求既話一定唔會淘寶
好多野既質感冇辦法係圖片上睇到, 淘寶d野又冇牌子, 所以冇得去鋪頭搵實物睇, 零售商如果主打質量, 幫客人搵最優質既產品, 其實有得做, 不過優質產品太耐用又係問題, 買一把刀用10年, 賣刀果個就死得, 所以iphone都要整慢你部機, 反而好似淘寶商家咁賣d平價劣質野, 用兩野就壞跟住又買過, 先可以長做長有
|
|
|
|
真真薯片兄
我估計你係淘寶嘅❤❤買家，你不但用得唔多，而且對大陸有強烈偏見，淘寶完全唔係你所諗嘅不濟，反而，我認為中國嘅淘寶等價於美國嘅YouTube，一樣令你大開眼界。我喺淘寶，淨係老鏡頭都買過十幾廿萬，我識得個朋友，直情淘寶買數碼哈蘇，淘寶上面嘅貨品涉獵之廣，有時可以喺上面查資料、學新嘢，好多嘢係上咗淘寶先至知道自己落伍。除咗生活用品，各個範疇嘅嘢都有，巨細無遺，喺大陸淘，D郵費好平，至於俾人偷貨，我淨係試過一次，係京東，買千幾次嘢，總有意外，依家大陸到處都有蜜蜂箱、菜鳥驛站，基本上唔使擔心。
|
|
|
|
刀兄,
在此下其實係淘寶常客, 淘寶店家都分好多種, 在下特別鐘意幫襯一d sell技術手工既個體戶, 大陸有好多神人賣家整d神奇產品, 百度吧有專頁討論, 不過果d係小眾, 在下講既不良品係果d中型廠, 或者廠家執粒貨, 幾個店家係附近同廠攞左貨就放上淘寶賣, 通常係家品, 衫之類, 店家入貨係以斤計, 品質非常差, 例如甩色既衫, 洗衫會甩色都算正常, 唔洗都甩色既衫你見過未?
|
|
|
|
|
|
|
真真薯片兄
淘寶咁大，有衰嘢好正常，甩色褲我買過一次，其實淘寶買衫褲有門路，問問D女人就知。淘寶嘅天貓，衰嘢少D，好多嘢，睇過淘寶就知道超市揾笨，所以去超市買嘢真係少咗，網購生鮮嘢，一般靚過超市。
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論；
- 禁止以名稱/暱稱/綽號/同音字等批評或映射任何人士、機構、公司；
- 禁止發佈有關招聘、推銷、廣告等內容；
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供，大部份回應/留言是即時上載，少部份未註冊為會員的回應/留言會經我們的系統過濾，所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限，故不能完全監察
所有留言，若讀者及用戶發現有留言出現問題，歡迎以留言或電郵方式與我們聯絡(admin@property.hk)，我們有權刪除/堵截任何留言 （刪除/堵截留言前不會作事先警告及通知）， 如有任何爭議，本網站管理員擁有最終的詮釋權 。
|
|
App下載
