地產論壇
登入名稱
密碼
頁數:
IMF暗示香港可以撤招
瀏覽人次:27243    回應:19

IMF暗示香港可以撤招

 

湯文亮博士

紀惠集團行政總裁
2017年12月29日

  一向以來,國際貨幣基金組織IMF評論香港樓市,都是非常負面,樓價沒有最高,只有更高,政府出招沒有最辣,只有更辣,在IMF的暗示下,香港政府要不斷出招來壓抑樓市,除了SSD,BSD,DSD之外,甚至連金管局亦要推出逆週期措施,老實說,現在連政府都唔知道幾時或者在怎樣的情況下可以撤招,在大約一個月前IMF所發表的報告,首次提及撤招可能性,就算未有一個確實日期或者撤招條件,但我相信,IMF基本上不反對香港撤招,不過,即使IMF不反對,撤招仍然是很大學問以及要冒上一定的風險,撤招的大前提是供應充足以及樓價下跌,但樓價如果急速下跌是會令香港經濟受到損害,畢竟現在太多人倚賴樓價上升用作消費,所以,即使IMF不反對,香港政府到現在都不敢明確表示幾時會撤招。

  IMF關注香港樓價多年,最終亦了解到,辣招以及逆週期措施令到樓市流轉量偏低,令到樓價雖然波幅很少但不斷向上攀升,由於波幅少,樓市似乎很健康,但其實是暗藏殺機,因為樓市總會有一日掉頭向下,到那時候,大家才會發現樓市的承托力不足,跌勢將會很急速,所以,IMF認為香港政府現在應該考慮在什麼的情況下撤招,首先是要撤哪一招,IMF認為,首先取消BSD以及DSD是最好方法,雖然IMF並没有特別聲明應該首先撤BSD或者DSD,但我認為,當樓價下跌,撤DSD的作用不大,不少有能力買多一個物業的香港人早已借了人頭買樓,父幹就是其中一種,剩餘購買力實在不多,不如撤BSD,令到國內人可以免付買家印花稅,只需要付DSD買樓,購買力增加,希望可以減慢樓市下降的速度,與此同時,IMF亦應該同意香港放寬逆週期措施,令到持有物業的業主可以釋放更多購買力,將樓價穩定在某一個水平,這才是政府應該做的工作,而非強行以辣招來壓抑樓市,美其名是穩定樓市,但其實令未來樓市出現更大波幅,IMF今次打開口牌,香港政府就可以根據市場可以承受的風險而逐步撤招,或者,撤招只是一個夢,不會在現實生活中出現。

IMF暗示香港可以撤招
3. 市場機制
2017-12-29 11:47
政府一日不撤招令市場機制回到正常軌道,香港樓價想跌都難。淡淡及租奴們支持政府出辣招,結果害了自己,真是自己攞來衰。
4. 真真薯片
2017-12-29 12:10
將來香港樓市出果出現明顯調整, 一定唔係正苦既供應到位, 而係大陸經濟出問題, 股匯債市出問題, 呼吸plan出問題, 正苦有如天文台, 只可以報導情況, 同掛風球叫人唔好出現街, 但係個天要打風, 天文台做唔到任何野

如果大陸經濟出問題導致樓市大調整, 恐怕到時連深圳上海一線盤自己都賣唔出, 取消bsd作用不大, 反而唔受經濟影響既巨富就可以黎香港免稅掃豪宅, 不過, 大陸唔可以比樓市崩盤, 否則亡黨亡國, 所以樓市一出事內銀肯定出力印錢, 調高估值免費壓測去庫存, 如果取消bsd撞正去庫存, 咁樓價最少又要升返3成
5. 凝風
2017-12-29 13:26
辣招要撤,就現在撤!
現在不撤,當整體下行時千萬不要全撤,仲要最好加SSD到5年!

有一個小弟生活小故事:
話說11&12月天氣變化得好快,小弟早排天氣熱,關左成缸熱帶魚仔支暖管,早兩星期突然轉冷又無左件事,又以為開左。
到我久唔久行去欣賞下佢地,發覺有3條上左天,檢查下發現溫度低,仲唔記得開暖管。
唉~好耐無去買魚,最衰自己大意,去旺角魚街行下啦。

行左一陣買左袋魚,點知尼檔魚姐交俾我收錢,發現包個魚袋得咁少水,打氣又唔係好夠。
問佢加多少少水同氣啦,我要好遠車,唔夠水路途會好顛簸,D魚會辛苦。
魚姐話:得架啦!唔會死架啦~ (我心想:原來唔死就等於無事,長知識了!)

我望左個魚袋足足兩分鐘,街邊有個陌生人講緊樓,仲聽到咩辣招...(其實無心聽到,只係好清楚聽到辣招兩個字)。
小弟靈機一觸!水就無得加架啦,問魚姐俾兩、三條象筋應該無問題,多謝"正苦",小弟要出辣招了!
第一下就扎魚袋下面,魚袋窄左,即時水漲"魚"高。再扎多條係袋中間,水位仲創埋新高再扎最後一條,直頭KO!
魚仔舒服回家。
~完~

有D野收窄左,創新高本來就好正常。(媒體郤燒爆竹開慶典咁......)
一句為左維持穩定及控制安全風險,擺龍門加大上車首期,將最多既人排除出市場就唔會有風險!(長知識了!)
其實!D官知唔知自己做緊乜!?
7. 無奈
2017-12-29 14:40
凝風好比喻,見到頗用心,笑了。

辣椒是要撤的,此時不撤,更待何時。


8. 浪子心聲
2017-12-29 15:14
減辣和放寬逆週確實是能令香港樓市回到正常運作的一種手段,但現實是當一個人病嗰時用錯藥醫,中醫叫「誤治」,就不能用原本的方劑去醫,要睇病人誤治後的病情,從新考慮最佳的治療方法。

香港樓市在辣招誤治多年,真係唔可以隨便撒招,現階段撒招或減辣只會先誤導市場,樓價好大機會急速上升兩三成,從政治角度分析誰能負擔得起這後果,最麻煩係急升後好大機會來個急跌,這個調整有機會大到你想唔到,林太無咁蠢掛,咁都唔知,所以湯博士最後嗰句就講得啱喇,「撤招只是一個夢,不會在現實生活中出現」。


9. 不撤招的後果
2017-12-29 15:34
不徹招,要樓價自行乖乖下跌,何賞又不是一個夢。不徹招,政府也是向市民發出一個強烈訊息:政府肯定樓價有上升空間。不徹招,甚至加辣,破頂潮會一浪接一浪。
11. 凝風
2017-12-29 16:14
浪子兄~
做官當然有做官的考量~
政治代價及政治風險永遠一個包袱!所以好多野公營既野做唔好,一變左私營就高下立見。

作為一個打工小市民或者從商人士,政治代價及政治風險根本唔可能係我地考慮之列,我們先不談政治,只講政策。
其實有些事簡單問題複雜化,因為怕這樣,怕那樣,有些事因為怕,所兜個圈去做。
而我認同撤招只是一個夢,我只是表達旁觀者角度,俾大家多一個角度去睇個市場。
現在唔撤招是一定,但我希望"正苦"唔好經濟時下行撤招全撤,留返一招SSD永久化,再由3年加到5年。
其實我認同林鄭,最好全民做業主,正因為咁,更想佢還原市場正常化。

恕我直言,樓係一件超長線既野,應該一步一腳印
只可惜近10年,被扭曲成為一件致富工具
永久加左SSD到5年,又可以減返印花稅,會幫到起碼90%通過壓測既小業主,防止佢地財富心態出左問題被震走。
個市升跌都好,起碼迫佢地供左5年,儲左5年錢,好過"強迫金"供5年。
點都好過而家收緊按揭,提高首期,排除基層上游。而家直頭將個市場送俾有資產既一小班有錢人買賣。

好多人一定話加SSD到5年,即係唔俾人換樓!
正常人結婚上車也好,中年儲夠錢上車自住也好,我唔係好信首置上車,3年就夠錢換樓,5年會影響換樓,過份咩?
好多3年SSD解左即賣,又話賺左幾多。
我認為:SSD唔應該對上車自住人士有影響,只對投資者有影響。

對投資者黎講,加長SSD,投資住宅吸引力會大大下降。
投資計數,只計到systematic risk,計唔到unsystematic risk。
5年投資uncertainty很高,要投資會流返去工商市場。
正常租盤會大量減少,租金上升,人就寧願供樓,又會令置業需求上升,只要有足夠供應量,就可以有能力加SSD。
加SSD起碼要行5年,先見到成效,市場會更加穩定。
12. 1842香港
2017-12-29 16:26
撤招?庫房豈不是少了收入?應該再加辣才對,是不是?
13. 浪子心聲
2017-12-29 16:30
9樓,

現時香港樓市處於加辣與減辣都是對樓市有正面的情況,所以政府唔減辣又唔加辣係好正常啫。

現時樓價還在地產商新盤主導,但他們已要用到「超低首期」賣樓,吸完這班高收入中產,購買力用到盡後,貨尾又多,納米樓又入伙時,就自自然然要減價㗎啦!政府有曬數據,供應幾時到位地產商同政府都知道,為何要在未到位前多做多錯呢?


14. 浪子心聲
2017-12-29 17:15
先畀個贊凝風兄先,近日多篇理性留言確令論壇增加氣氛不少。

我都認同政府遲早都會減辣和放寬逆週,但當然不是現在啦。當樓價有適當調整後,如何減辣就變數太多了,無法估計。撒DSD、BSD、定SSD先真係好難估,要先清楚林太的新房策的細節,要我估我就估政府會先放逆週穩定市場,因為逆週可以好靈活,放完隨時可以收,又有量的控制,至於減辣或撒招,改完好難加得番, 真係有機會無得撒都未定或減得好輕微,要睇到時樓價跌幾多同政治形勢!
15. 太多人睇淡
2017-12-29 20:17
06年至17(第二季),租住私人樓宇的家庭,增加了15.9萬個,至50.9萬個,增加了45%。在同一時期,購買私人樓宇的家庭只增加了3.1萬個,至86.7萬個,只增加了3.7%。數字顯示,在私人市場每7個人之中,就有6個人選擇租樓(可能是被迫的),只有一個人選擇買樓。

十年来累积了太多租客或等跌才買的淡友,樓價点可能唔升?
16. 錯錯
2017-12-29 21:06
用政治手段去解决經濟同題,一定會以失敗告終。完全睇唔到林太首任期內大多數港人會feel到有上車的希望。可以想像,林太好快也會學CY,最快會在2018年下半年加辣。結果更加刺激港人上車的欲望同步伐。香港樓市已陷入冇得救的怪圈。
17. IMF靠害
2017-12-29 21:17
IMF已多年來警告話香港樓市快崩潰。結果信佢的人依家心理已崩潰咗。哈哈😄😀😀
18. 引刀一快
2017-12-30 03:27
其實依傢撤招唔撤招,従大陸嘅政治、經濟、利害角度去睇就最正確,講乜太物太都係假,有可能會引發鏈鎖反應令大陸崩盤嘅一切舉措,都係不可能實行,有可能都唔得。
19. 無奈
2017-12-30 07:51
18刀兄:同意。維穩至上,官者思維。
20. Mr Ko
2017-12-30 09:28
我真不明白金管局在做什麼? 現在因為向銀行借錢困難、任由發展商用超高於市場價賣樓如扑傻瓜用什麼呼吸plan 透支購買力,對此視而不見,只懂用不做不錯的思维口口聲聲保護銀行用超保守,阿媽是女人的人所共知的廢話"利息只會只升不跌"等等,作為一個賺年收入過千萬的官員是嚴重不合格、難度市民因住的需要被逼用發展商的呼吸Plan就不會造成負資產?
還要特首出來教導他誰是話事人、看來林鄭真的需要看清楚官員是否稱職。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。