地產論壇
登入名稱
密碼
頁數:
內地資金入侵財仔業界
瀏覽人次:26709    回應:16

內地資金入侵財仔業界

 

湯文亮博士

紀惠集團行政總裁
2017年12月28日

  在聖誕節期間,與一班老友在遊艇會午餐,其中一人是經營財務公司,他突然搖頭嘆息話,現在經營財務公司很艱難,並不是債仔無錢還,又不是政府打壓,甚至與我的爆煲論無關,而是內地資金入侵財仔業界,當初那些資金是借給他們經營財務公司,現在那些資金大多數已經被收回,那些內地放貸人自己經營財務公司,香港經營財務公司的人面對資金短缺,生意又被昔日拍檔蠶食,正是滾水淥豬腸兩頭縮,對於那些用物業扺押借錢的人來說是好事,對於他們是慘事,香港人經營財務公司將會愈來愈困難。

  在我發表「細價樓爆煲論」的時候,亦是財務公司最好景的時候,由於銀行的按揭成數非常低,財仔以二按形式多貸出樓價兩三成亦非常安全,變相是有抵押的私人貸款,不但利息高,而且風險很低,在爆煲論發表之後,金管局收緊銀行貸款守則,規定所貸出按揭不能夠有二按,結果,令到不少有在財務公司借二按的業主要將銀行的按揭移至財務公司,令到財務公司的資金需求大增,於是財仔以大約年息7至8%引進內地資金,然後再將那些資金以年息12至15%貸出,香港財仔經營的是無本生意兼非常安全,反而國內資金有危險,他們所借出的資金可能會因為香港財仔結業而受到損失,於是,不少內地財團在貸出款項到期後便陸陸續續收回,反而自己設立財務公司做按揭生意,所收的利息與借給香港財仔的一樣,大約是年息7至8%,而且聘請專業銀行家經營有關業務,結果當然是搶走香港財仔不少生意,現在,如果香港財仔要維持收取高息的話,只能做國內財仔二按,他們亦知道如果樓市形勢逆轉,便會遭受重大損失,但唔做又唔得,所以,不少香港財仔陷入一個兩難階段,對於向財務公司借錢的業主是一件好事,不過,最好的都是要回歸至銀行體系,未必可以安寢無憂,但起碼都可以安心一些。

內地資金入侵財仔業界
1. 真真薯片
2017-12-28 10:44
大陸人做生意遠比香港人有大志, 佢做你上家, 你係下家, 佢會諗辦法食埋你下家黎做, 呢個現象係所有同大陸合作既行業都普遍出現

另外, 大陸人做生意夠狠, 好似樂視同共享單車咁, 擺明燒錢, 最後公司執粒, 消費者得益

問題係如果有一日大陸財仔火燒後欄(唔一定係生意有問題, 可能只係企錯邊), 到時香港債仔洗唔洗還錢? 定係好似大陸d民間債咁, 將債務炒來炒去, 最後都唔知要還錢比邊個, 但係好多人黎問債仔還錢?
2. 無奈
2017-12-28 13:32
大趨勢下內地資本包括國企、民企、民眾會全面進佔香港。無可抗拒!
香港不是塘水滾塘魚,任何忽略這個因素的經濟、樓市的分析都會經不起時間的考驗。
租金為何會升?過去幾年都不斷有新同事來自國內,不走了。

3. 真真薯片
2017-12-28 15:03
香港同大陸一線樓市比, 最大分別係大陸城市可以擴充到十個環, 而香港頂多只有唔夠兩個環, 而且唔準擴充! 咁你話大唔大鑊?
4. 向飯民說不
2017-12-28 15:39
薯片,香港可以填海,不过比你好朋友饭民阻止住咯。
5. 真真薯片
2017-12-28 15:46
在下相信建制都唔想填海, 一講到地霸同錢, 根本冇黃藍之分, 全部一家親, 上次通過辣招同政改已經照晒d妖怪出黎
6. 向飯民說不
2017-12-28 16:09
薯片,回归以后,大家都见到是饭民拉布,抗议,令到填海难以实行。

最近深圳话要大幅填海,如果香港仍然墨守成规,迟早被深圳兼并。
7. 向飯民說不
2017-12-28 16:14
薯片,一山不能藏二虎本人相信香港和深圳迟早会完全融合,但是最终是香港兼并深圳,或者深圳兼并香港,最重要的是看经济,看人口,看有多少土地。

深圳盐田港已经超越了香港货柜码头。很多行业会慢慢被超越。你话点办。难道靠金融旅游吗?

本人相信港英时期的有竞争就有进步,对饭民日日散步负能量,非常反感和讨厌。
8. 浪子心聲
2017-12-28 17:10
終於有一次認同向飯的觀點,所謂「中國好、香港更好」,從來沒在歷史上出現過,香港好的時候都是內地亂的時期,現實是「中國好、香港的優勢和功能就會消失」。

如果你看好「大灣區」的發展,你應觸覺到香港的優勢和各種的政治/經濟功能必然慢慢退減,未來大灣區的「領頭羊」多是「深圳」或「廣州」,長遠來說香港在多方面沒法和深圳或廣州比,尤其是中央已改為以「全面管治」模式管治香港,中央不會讓香港做領頭羊,現在大家可能感覺不到,十年後就會明顯得多,到時你可能發覺香港在多方落後深圳,尤如現今兩地在使用Alipay或微信支付的差距。
9. 真真薯片
2017-12-28 17:43
向飯, 犯民依家心人DQ左一大堆, 超級剪布工具亦已經整好, 根據閣下邏輯, 犯民大弱勢, 香港理應一凡風順, 惦過碌蔗, 不妨比幾年時間, 睇下林鄭帶領+犯民大弱勢呢個天錫良機之下香港可以好到咩地步?

在下就冇咁樂觀, 因為在下一直認為, 犯民同建制, 尤其係打劫市民方面, 其實係同一陣線, 只係黑面白面而已, 相反. 冇左白面, 黑面都會越黎越冇存在感, 變成邊個做都得, 可有可冇, 或者阿爺就係想咁
10. 向飯民說不
2017-12-28 20:09
浪子,做人不要太自私,成日期望大陆内乱,香港可以独善其身。
仲有你明白什么叫离大陆太。离上帝太近吗?最好的例子就是墨西哥,无聊墨西哥想独立或者自由贸易,但是在强大的美国之下 只有沦为美国的cheap labor。
今日大陆已经崛起,不可改变,企图玩本土,只会慢慢被淘汰,可以做的就是好像你好朋友引刀那样,努力和大陆融合,点解香港无办法建立类似腾讯或者顺丰呢?不要在玩自闭啦。在一国之下,中央原本想比更多特权比香港,问题是香港人巴L闭,连港毒都玩埋,叫啊爷点解要比着数你啊。
11. 引刀一快
2017-12-28 21:34
向飯,咪傻喇,深圳無法兼幷香港,香港無法兼幷大陸任何一個地方,呢個係硬底綫。

遠交廣佛,係香港最大前途所在,黐深圳必死無疑。


12. 引刀一快
2017-12-28 21:39
真真薯片兄

慢慢,閙緊泛民嘅人,就會意識到泛民嘅真正存在意義。

早早大灣區,生活包冇衰。
13. 引刀一快
2017-12-28 21:45
浪子心聲兄

香港雖然唔係領頭羊,不過係領銜主演,其實都幾受氣。
14. 真真薯片
2017-12-28 22:00
引刀兄,

在下估犯民大弱勢, 最驚既人其實係建制, 可能有d低級建制未知咩事, 但係建制高層已經開始收聲唔鬧犯民, 下届垃圾會建制隨時驚到了要棄席或者幫犯民助選, 因為冇左先知冇佢唔得, 不過到時已經太遲, 新建制將會取代舊建制同犯民, 呵呵
15. 向飯民說不
2017-12-29 10:18
引刀又是口里说不 身体最诚实的饭民作方。因为香港黄丝不愿融合,所以引刀用身体,用行动去实行,就是植跟大湾区。作融合的榜样。
16. 引刀一快
2017-12-30 06:14
真真薯片兄

咁又唔會喎,上面一定係要泛民處于弱勢,而唔係消滅,總之就係想泛民有聲出,冇計出,一直保持香港民主制度,但係有大事就只能聞主。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。