地產論壇
登入名稱
密碼
頁數:
茶餐廳日誌(241)租樓的人去了旅行
瀏覽人次:25000    回應:14

茶餐廳日誌(241)租樓的人去了旅行

 

湯文亮博士

紀惠集團行政總裁
2017年12月27日

一個月Hibor 1.21063(創新高)

  今早去到茶餐廳,見到幫襯的人不多,我沒有覺得奇怪,因為在今次聖誕節假期,如果公司許可的話,只要攞多三日,可以自製一個10天長假期,而茶餐廳所屬地段是中產階級生活區,不少打工的中產人士離港旅遊,所以光顧茶餐廳的人減少亦是正常,不過,老闆話茶餐廳減少的熟客,大多數是他的租客,而仍然光顧茶餐廳的人,大多數是業主,不但有自住單位,甚至有樓收租,令到他覺得很奇怪。

  現在有樓收租的業主有多少唔抵,明明是業主,點解租客可以去旅行,他們反而唔可以,其實,最主要原因是銀行不斷收緊按揭,他們即使有租金補貼,但供樓也供得很辛苦,在以往,業主供樓供了大約三年之後,只要樓價沒有下跌,他們可以向銀行加按,最少可以取得大約是樓價一成貸款,從此,他們供樓便會很輕鬆,消費力自然會加強,出國旅遊亦是他們的節目之一,現在,雖然業主在買樓時借錢不多,但要加按物業變現是非常困難,業主不能利用加按所得來繼續供樓,故此,他們唯有減低消費,旅遊可免則免,租客雖然是要付租金,但相比供樓支出仍然是少了一大截,所以,租客可以去旅行,租樓給他們的業主就不能,是不是一個怪現象,我又唔覺得,只不過是食得咸魚抵得渴。

茶餐廳日誌(241)租樓的人去了旅行
1. 真真薯片
2017-12-27 16:44
呢個其實睇業主比幾多首期, 層樓幾錢買, 同有冇升幅/幾大升幅, 冇得一慨而論

如果1000萬呼吸plan買一房放租, 業主唔止冇得去旅行, 直頭要返多份part time
2. Luguo
2017-12-27 16:58
我觉得这个是两组人对钱的使用习惯不一样
3. 博士粉絲
2017-12-27 17:03
1000萬呼吸plan買一房收租, 扣埋新樓極高管理費,地租同agent搵租客佣金後,每月淨袋唔知有無2萬?

如果借500萬,分30年,2.5%,岩岩月供唔使2萬。

如果借850萬,分30年,2.5%,每月供3.4萬。
5. CD ROM
2017-12-27 18:40
二萬? 張租约就有gae, 7除8扣就。。。

不過10m 1房d盤大多未收樓,應該乾供。。。
6. 博士粉絲
2017-12-27 19:16
1000萬,毛租金得2萬,即係2.4%一年,買黎收租真係唔多值
仲諗住正常1000萬二手樓,點都租到2.5至3萬添
7. 儍牛
2017-12-27 19:44
薯片兄,一千萬一房極端D,呼吸plan又再極端D,買得呢D,都係對景觀坐向情有獨鍾,自住心頭好
8. 引刀一快
2017-12-29 01:51
買大灣區,日日坐高鐵去唔同嘅地方lunch都得,供得又輕鬆,駛乜咁辛苦。

不過話時話,依傢有D地方,今年升咗一倍,越來越唔筍。
9. 真真薯片
2017-12-29 12:19
引刀兄,

阿爺上年已經話要調控樓市, 但係大灣區仲升一倍, 聽其言觀其行, 阿爺調控樓市都係得個講字?
10. 引刀一快
2018-01-01 02:31
真真薯片兄

部分地區,真係一個double,控唔到升,潛台詞就係救唔到跌,如果唔係中港兩地巨大差價,我都唔會咁推薦大灣區。
11. 追落後
2018-01-01 08:05
如果刀兄講的是真的,大灣區可以一年升一倍,咁香港今年2018年應該可以升三成追下落後。怪不得最近由豪宅到公屋都破頂不绝。
12. 引刀一快
2018-01-02 03:45
有D地方升一倍,不過真係唔少。
13. 引刀一快
2018-01-02 04:14
今年升一倍,唔代表明年又升一倍,或者明年跌呢?
14. O了
2018-01-02 07:30
孟波兄
難怪你唔知
實情係咁嘅
中山一帶嘅樓一年前約七八千一方,樓高兩米六至三米二不等,年尾前有新推樓盘開萬五六一方,樓高三米八至四米六都有,號稱買一間送一層。
於是有人投射落自已啲空中樓閣就升咗一倍囉。
15. 引刀一快
2018-01-02 13:20
白癡
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。