地產論壇
登入名稱
密碼
頁數:
從小食店爭生意看經濟環境
瀏覽人次:24121    回應:14

從小食店爭生意看經濟環境

 

湯文亮博士

紀惠集團行政總裁
2017年12月25日

  在聖誕節假期,手機不斷出現一些短訊,話有一些住宅單位成交,業主持貨廿幾年賺了幾百萬,似乎是十分利好消息,但亦有可能是一宗落錯車例子,其實是否是利好消息我也不能確定,在辣招之下,持有物業業主根本沒有必要賣樓,如果是唯一自住單位,更加不能夠賣,所以,如非業主有須要,根本不可能在聖誕節期間賣樓,換句話說,這根本不是一個好消息,最低限度對業主不是好消息。

  在聖誕節有消息報導說銅鑼灣兩間小食店爭生意而降價,一間魚蛋每串六元,買一送一,另一間只賣五元,亦都是賣一送一,是否很便宜我真的不知道,我今日去了現場,見到那些工作人員個個都口黑面黑,即使減價,生意亦不太好,報導指其中一位老闆為了鬥氣才減價,這句說話對於那些不是做生意的人來說,似乎是合情合理,但做生意人有一句名言,殺人的生意有人做,蝕本的生意無人會做,由此可見,老闆是講大話,減價並不是為了鬥氣,而是為了爭生意,做生意,幾時都希望成行成市,例如銅鑼灣登龍街,唔知有幾多間拉麵店,又唔見那些生意比較差少少的拉麵店大幅減價,他們會想辦法提升品質及服務,爭取更多生意,生意人知道割喉式減價是結業先兆,影響樓市的因素除了供應以及利息之外,經濟環境亦非常重要,經濟理想大家都可以承受比較高樓價,但經濟轉壞,一定會有部份業主賣樓求生,我只是想了解,點解那些業主要賣樓,在聖誕節賣樓,大多數不是好事,除非是換樓,移民等,我不會視那些被認為是高價賣樓的消息是好消息。

從小食店爭生意看經濟環境
1. 引刀一快
2017-12-26 07:01
經濟轉壞之外,仲有一個潛在因素,就係政治氣候轉壞。

今年大陸打聖誕,平安夜嚇我一跳,本來最有聖誕氣氛嘅天河,非常平淡,戲院全線冇西片,起碼冇大西片,全部放“芳華”,講解放軍文工團,有D“陽光燦爛的日子”嘅味道,戲院幾乎可以打關斗!

咁嘅世道,香港唔會獨善其身,早早大灣區,包你唔會衰!
2. 儍牛
2017-12-26 09:38
引刀的邏輯總是很難理解,大概是,大陸不好,香港將受影響,所以大家返大陸住啦🤔
3. 本港經濟增3.7%十年最佳 邱騰華冀持續
2017-12-26 09:39
2017年頭三季香港經濟增長有3.7%,十年最佳。股樓𣈱旺,失業率今年跌到得3.1%,近全民就業。
4. 香港人太有錢,人均出境遊支出全球第一
2017-12-26 09:46

香港文匯報訊(記者 殷翔)香港雖是彈丸之地,卻是全球出境旅遊消費十大之一,人均消費更高居世界第一、約2.56萬港元,大幅拋離排名第二的澳洲(約0.81萬港元)。會展中心的香港國際旅遊展即將開鑼,世界五大洲56個國家及地區派團來港參展,「出盡法寶」展示當地美景、美食和風俗民情,並舉辦系列優惠活動,希望招徠「香港大豪客」。

據世界旅遊組織今年3月的統計顯示,2016年香港出境旅遊總支出達241億美元,世界排名第十、亞洲排名第三,人均出境遊開支3,280美元,世界排名第一。

6. 真真薯片
2017-12-26 12:04
問題係果d魚旦根本冇辦法鬥質素, 唯有鬥價錢

其實有心做既話, 魚旦都可以有質素, 佐敦有間魚旦又大粒又彈牙, 雖然貴但係都成日要排隊
7. 無奈
2017-12-26 13:19
刀兄,這個政治氣候已經幾年,當大局已定,勢必重拾昔日光輝,不遠了。

不要忘記『中國夢』
8. Johnny
2017-12-26 14:30
5蚊兩串魚蛋?Is it real?
9. 引刀一快
2017-12-26 14:34
無奈兄

你睇好,但係我唔睇好,早早大灣區嘅意思係早日適應同投入大陸模式而已。

幾年前已經開始,但係近一兩年緊得好緊要,如果真係冇危機,駛乜咁揸法呢。
10. 引刀一快
2017-12-26 17:02
真真薯片兄

可否講講位置?
11. 真真薯片
2017-12-26 19:18
白加士街
12. 真真薯片
2017-12-26 19:22
刀兄,

閣下係大陸生活多, 可能feel得更直接

在下都發現, 大陸近排成日有種“草木皆兵”feel, 一方面大權在握, 同時又草木皆兵, 搞到在下都好confused, 唔知係咪大難臨頭冇人知
13. 大陸唔掂香港反而有運行
2017-12-26 21:26
A股今年半死不活,今年港股反而升咗34%。明年實行同股不同權,A股資金會被港股吸乾。如果人仔狂貶,大陸土豪啲錢更會湧入香港。

香港一向都是對衝大陸政治同經濟風險的地方。
14. 引刀一快
2017-12-29 01:07
樓上

咁沙士你又點睇呀?
15. 引刀一快
2017-12-29 01:36
真真薯片兄

大陸經濟學有兩個泰斗,一好一淡,厲以寧与吳敬璉,你睇睇厲以寧講嘅中國面臨嘅十個經濟難題,有興趣再睇埋佢D“好文”,睇完若果好奇大陸人點睇淡,咁就睇睇吳敬璉喇,我唔會叫你睇牛刀、黃生之類嘅。

大陸政治摣得緊,唔係呢排嘅事,不過你都好有觸覺,近排直情做到出嗮面,如果用比較簡單比喻去解釋,槍裏面有幾多粒子彈,只有自己知,但係従開槍方式,就多少可以估到。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。