地產論壇
登入名稱
密碼
頁數:
不能夠將私人土地變公屋用地
瀏覽人次:23816    回應:11

不能夠將私人土地變公屋用地

 

湯文亮博士

紀惠集團行政總裁
2017年12月22日

  我很多時都不同意搵地小組主席黃遠輝的意見,尤其是首置上車盤計劃,公私營合作方案最後會公私不分,甚至會出現官商勾結危機,既然有此憂慮,又何必公私合作,簡直是誘人犯罪。

  但我非常同意主席話不能夠將私人土地變作公屋用地,私人土地暫時來說是儲備土地,供應量應該是集中在地產商的補地價土地,倘若地產商減少補地價,政府就要動用私人土地來達到每年興建單位的目標,如果沒有儲備土地,政府可能要接受地產商的低於市價的補地價,又會有可能被有心人士話官商勾結,再者,公屋居民亦應該有拓荒者精神,住離市區稍遠的新開發用地亦是合情合理,冇理由要俾錢的就住到冇雷公咁遠,而在市區興建公屋,今次主席咁大膽得罪公屋居民,莫不是看透世情,不再以公屋居民為重。

不能夠將私人土地變公屋用地
1. 2011年開始
2017-12-22 13:03
公屋居民亦應該有拓荒者精神,住離市區稍遠的新開發用地亦是合情合理,冇理由要俾錢的就住到冇雷公咁遠,而在市區興建公屋

同意博士,福利太好亦另人失去向上流決心,80年代初期我父母就是認為屯門公屋太遠而決心上車,到退休可以有樓收租過活。
2. 博士粉絲
2017-12-22 13:30
我覺得最荒謬係油塘油麗邨,地鐵站一出就係,仲要有海景,肯定可以高價賣比發展商,以賣靚地庫房所得走入去入少少既地方起大量公屋,先係正常規劃啦。

油塘私樓鯉灣天下,嘉賢居啲私樓仲無油麗邨方便,政府啲規劃真係荒謬之極,納稅人交一大筆稅仲要勁貴去買山卡啦私樓,包括而家啲元朗,屯門新盤。低收入人士唔使點交稅仲有機會住地鐵上蓋,遲下政府可能又玩租者置其屋,公屋租戶做埋地鐵上蓋業主,層樓分分鐘貴過你啲山卡啦私樓,咁對納稅人點會公平呢?

政府應該將地鐵附近公屋用地作私樓出發售,偏遠既私樓用地調轉起公屋,庫房多收既用黎減納稅人的稅,咁先合理架。
3. 笠臣
2017-12-22 13:31
同意1的說法。
家陣公屋環境好過我三十幾年前那時,小弟知道世界會前進,但這樣就寵壞了公屋居民向上流決心。
4. Bos fan
2017-12-22 13:46
南昌兩皮一呎做埋南亞人,on 居
6. 香港土著
2017-12-22 16:20
受支助就住得遠少少,政府只提供安全網比市民,本來就係理想政策方向,唔會好似傻鬼社會,福利主義養懶人。董梁二特就係唔明,一味婦人之仁,結果搞到件事不倫不類。
7. 真真薯片
2017-12-22 16:43
十年公屋建屋目標出現大缺口, 代表正苦冇地, 為左保護地霸利益, 正苦唔敢收地霸既地, 繼續由佢曬太陽, 地霸將新界地囤而不用, 令租金樓價高企, 先可以賺到最盡, 正苦依家仲要搞咨詢, 搵“共識”排除官商勾結, 再去跪求地霸放地起公屋居屋, 真係又要做雞, 又要攞貞節牌坊, 老婆同個女可唔可以同老公開會, 咨詢全家, 達成“共識”, 然後出去做雞就冇問題?
8. 鳥5
2017-12-22 18:05
林太吹到行話包底war!揾地乜5係揾新地咩?好似偷换概念war!黃主席好似好講到自己係土地分配既野war!似濕9怱悠war。。搵地同分配土地係2件事黎war
9. 舍神
2017-12-22 20:38
世事就係咁: 你就佢,以為佢地會感激你的德政?其實不然,
事實係佢地囉了著數後,更睇你唔起!
10. 舍神
2017-12-22 20:42
仲記得赤柱起居屋。當年政府中仲有人話人人平等係半山起公屋也無不可!
11. X
2017-12-22 21:55
退咗休D公務員都要住,有得揀緊係揀市區公屋好D。 
12. x
2018-03-10 21:41
事實上係調返轉,公屋就經常起到山卡啦無雷公咁遠,私樓就MTR上蓋。睇下近十年八年既沙田,私樓就有名城、溱八、御龍山、起緊既大圍站上蓋,全部MTR上蓋;相反公屋如美田、水仔、起緊既火炭桂地街,全部偏遠。

如果黃埔、海怡是公屋,還會興建MTR嗎?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。