地產論壇
登入名稱
密碼
頁數:
葉劉不用報警話受到恐嚇
瀏覽人次:25756    回應:8

葉劉不用報警話受到恐嚇

 

湯文亮博士

紀惠集團行政總裁
2017年12月7日

  葉劉生性耿直,不畏強權,連日來在專欄以及在立法會批評領展,我實在替她擔心,果然不出所料,領展搵人同佢講數,後來又改為是大家誤會,CEO話要擺和頭酒,搞到好似無間道情節,有人勸葉劉報警,葉劉話未驚過,其實,現在是不用報警,只要在Facebook 寫一篇文章,警方自然會找上門,效果比報警大得多,現在事情鬧大了,雙方想轉軚都不可以,大家唯有頂硬上,狹路相逢勇者勝,大家剝花生睇戲好了。

  今次獅子山學會無端端被牽涉在其中,其實,獅子山學會是一個商業與學術組織,小弟有幸曾經替獅子山學會做過一次演講,而過往的演講嘉賓大多數是財爺,今年由金管局總裁陳德霖負責,一篇以金管局對銀行監管為題講詞,相當有水準,但在葉劉今次點名之後,以後要搵猛人演講就有多少困難。

  葉劉話領展CEO攞了一個最佳企業家獎,今次真的是害了安永,估計即使葉劉唔報警,警方亦會接手調查,萬一發覺真的是有一些不法行為,安永方面一定會被人問,點解在頒獎之前不作出盡職調查,現在希望各方面可以冷靜下來,以和為貴,大事化小,小事化無,但結果無論是什麼,領展以後很難再可以出售任何公屋商場。

葉劉不用報警話受到恐嚇
2. Ben
2017-12-07 09:23
領展底死!多年前已聽過前輩說領展有政治風險、不宜投資。另一方面,領展的工作是幫以往經營不善的屋邨商場改善營通,從中賺取合理利潤。但現在他們以買買賣賣取代他們應做的工作、出售香港人的資產去賺錢就是不義!
4. 真真薯片
2017-12-07 09:49
支持葉劉, 根正苗紅, 為23條擲頭顱既前保安局長, 其實佢有資格做突手

不過呢件事亦睇到, 領展高層係如何目中無人, 我行我素, 以為自己大晒, 阿爺最唔鍾意就係呢種生意人
5. 雷打不動
2017-12-07 10:37
不要忘記當年係政府回歸後出現財赤,要賣家產來維生!你肯賣我願買是正常商業行為,至於日後買家做善事抑或牟利歛財,只要不違法就可以。順帶一提當年領匯上市不久升至十多元,有電視觀眾打電話給財演輪傻念問錢情,是否可以沽出他已獲利一倍的股票,但又怕該股會再升,因為有朋友對他說會升到三十元,輪傻念當時大聲回應:『三十元?發夢無咁早喇!』,利益申報:本人從沒持有過 823。
6. 引刀一快
2017-12-07 11:16
唔報警分分鐘仲大鑊,李先生唔報警,大富豪死得更慘。
7. 真真薯片
2017-12-07 12:22
正苦當年賣資商場成立領匯, 其實有好多可以做得更好既地方, 例如唔係賣比一間, 係兩三間, 又或者唔好賣斷全部商鋪, 留返兩成比房署租比小商戶, 保留一線生機

當年大把人比意見正苦, 結果正苦同依家一樣, 乜意見都唔聽, 只得一個選擇, 反對者就係拉布, 為反而反, 結果炮製左呢隻史前最強壟斷怪獸, 怪獸出世後全力趕盡殺絕, 殺到正苦都冇聲出, 正苦用公權力, 公有資產制造壟斷刴削市民, 領匯就係最佳代表作, 就算依家林鄭話領匯係三座大山, 正苦又做過d咩去解決問題? 到目前只見到領匯越食越深, 連前保安局局長都夠膽郁, 擺明唔放官府在眼內
8. 香港土著
2017-12-07 13:48
又是語言含糊化

照葉劉見解,全世界所有下屬都日日無間斷被上級恐嚇囉!"你不XYZ, 年尾就無$$$"

所以業主都中 - "你再多多要求,租約完就唔再租比你!"

恐嚇案件是否要關係人身安全先成立呢…...
9. 真真薯片
2017-12-07 14:24
葉劉講得好清楚, 領匯要“搞佢d區議員”, 方法真係唔續租, 呵呵
11. 快子
2017-12-09 00:10
我幾鐘意葉劉 似番香港人 呢個女人叻過好多高官男人
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。