地產論壇
登入名稱
密碼
頁數:
創新高其實是節節敗退訊號
瀏覽人次:24454    回應:15

創新高其實是節節敗退訊號

 

湯文亮博士

紀惠集團行政總裁
2017年12月6日

  一向以來,物業代理向傳媒發放的消息就是某些公屋居屋以創新高價出售,令到不少人以為那些資助房屋業主是生意奇才,好似領展一樣,可以以低價買入,高價賣出,符合市場上高沽低吸的大原則,其實,這是錯覺,他們只不過是攞政府著數,可以以低價從政府手上取得物業資產,而再將那些物業以他們以為的高價出售,其實售出價與市價仍然有一段距離,不過,與較早前早已將公屋居屋出售的人來說,現在的售出價的確是創新高,但我始終不明白,點解那些業主要出售他們的資助房屋,售出之後他們又何去何從,有傳媒從來沒報導的消息指出,那些曾經是資助房屋業主最初是租樓,環境與面積都比以往的公屋為佳,後來愈住愈細,最後要露宿街頭,所以,我認為那些創新高並不是好消息,而是節節敗退訊號,不少人將壞消息演繹成利好消費,亦有不少人吶喊助威,這點我更加不明白。

  在1998年亞洲金融風暴之後,香港樓市大跌七成,不少業主要被迫出售他們的資產給予外資基金,當時的報導是有不少外資基金投資香港,他們真金白銀買香港物業,在不明內情的人來說,有外資財團投資香港,這是一個非常利好消息,但香港業主知道,這是一個節節敗退,割地求和訊號,悲慘的號角警剔了香港業主的心,以後投資物業,必定要量力而為,所以,物業投資者才可以避過2008年環球金融海嘯,有人認為這只不過是物業投資者有多少運氣,其實並不是,是他們痛定思痛,才可以避過一劫。

  在過去幾年,不少小業主以高於市價賣樓之後向我炫耀,我反問他們點解要賣樓,雖然我寫細價樓爆煲論之後比較睇淡樓市,但仍然不主張賣樓,尤其是自住單位,他們向我炫耀其實是對我說正在敗退,就好似今日的公屋業主一樣,我希望傳媒可以訪問那些將公屋賣走的業主,他們現在身處何方,住在什麼地方,真正答案一定會警剔一些打算賣公屋的業主。

創新高其實是節節敗退訊號
2. 红眼症
2017-12-06 10:43
明白的,邊個賭仔唔係姓賴同鐘意跌落地拿番渣沙?lol

輸赢好閒,最重要唔好輸風度…
3. 鳥5
2017-12-06 10:47
居屋如未補價,未經房暑批准,係5可以加按,是故好多財仔埋手。。。冇事冇旱就5會賣左轉租,因為業權部份政府,居住權就百份百。。
4. 鳥5
2017-12-06 12:40
賣就(綠表價),之後就租市價,。。。所以冇事冇早就5賣。。不過除左財務因素。當中亦5少分身家因素既。。。
6. 引刀一快
2017-12-06 13:23
癲價賣港樓,筍價搵間大灣區,似退實進。


7. 真真薯片
2017-12-06 14:15
簡單講, 係香港冇資助房又冇私樓, 就輸了, 原因係租金太貴, 越住越細

無論幾高價賣出公屋, 一樣符合呢個定律
8. 十一哥
2017-12-06 16:40
應哂題啦!7靈靈真係要等下一個輪廻、早輪搭個鷄棚、炒科技…光學…電車…萍果…芝麻開門、拆完又拆一味lP0、托到個市癲癲凸凸、全民玩概念…梗有人歡喜…多數人吊頸、而家興玩BB-coin…咁似玩鬱金香嘅 ? 世間事就係咁得意…明知衰硬都係會歴史重演、人類基本都係自負…總以為自己醒目過人…過程中執到又實走得甩嘅、本地有錢佬股等收息…蠢人玩意 !

PPHP
9. 十郎
2017-12-06 16:56


      今日既title應晒節喇。岩岩財經節目  , 有人問七靈靈 , 幾多錢入得 ?


10. 向引刀‧土著‧自醉‧浪子‧阿井 說不
2017-12-06 17:33
香港不是大灣區中的首善之都嗎?

鎮日係度大浪黎,大灣去,好似在藥鋪門口賣假春藥咁戇居,只有厚顏無恥的大陸佬傻燦先做得出!
11. 十郎
2017-12-06 18:21


      我希望有人話我知  , 究竟430蚊賣700既師兄蠢 , 定係430蚊買700既師兄苯 ? 一定有一個人中的。

12. 引刀一快
2017-12-06 22:47
說不女唔識字嘅。
13. 十一哥
2017-12-06 22:47
十哥
問佢想贏幾多先、就攞想贏嘅注碼…過大海起個孖寶…贏面可能高D。


14. 七十後
2017-12-07 06:36
博士苦口婆心,功德無量。
15. 自我陶醉
2017-12-07 08:37
11樓 十郎兄,

等我試下答你嘅問題喇。

從賭徒行入賭場的那一刻,無論最後贏定輸,都同樣係愚蠢行為,因為長賭必輸係定律。投資風險從來都唔在於持有咩資產,而在於咩價位持有,就算買賣垃圾嘅人,都一樣可以賺大錢。

散仔同大鱷最大分別,係在個市跌到仆時大戶博命掃,散仔永遠唔敢買,大升市人人賺錢時散仔先會出手,而且越高越買,越買越高,咁點會唔死? 當你三、四百蚊人人賺錢先衝入去買,440賣同440唔賣,都唔見得佢有幾醒。 就算440賣咗,到個市繼續升時,呢啲人又會用460,480,500去買番440賣咗嘅貨,而且會買得更多,咁你話邊個笨啲? 哈哈哈!

16. 十郎
2017-12-07 09:22


      同意 , 高人! 我交左幾多學費。👍👍👍👍
17. 史路比
2017-12-07 11:10
雖然小弟並無柒靈靈,但人家年初買入,今日就算350沽出,都是翻倍吖。
如果年初買入那些收息股,除了收取果5%股息外,有邊只賬面上是財色利潤高過柒靈靈的,唉,相煎何太急。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。