地產論壇
登入名稱
密碼
頁數:
特朗普耀「母」揚威
瀏覽人次:21973    回應:11

特朗普耀「母」揚威

 

湯文亮博士

紀惠集團行政總裁
2017年11月15日

  特朗普在中國簽了2,500億出售合約,一下子將中美逆差大幅減少一半,在美國的民主黨人士十分擔心,認為特朗普成功減少逆差,一定得到不少美國人歡心,而事實上一個預算有1,000人參加的反特朗普聚會,最後只得20人參加,他們擔心特朗普可以成功連任,民主黨就會處於下風,雖然大選之事現在言之尚早,但擔心又不無道理,民主黨派人士不明白特朗普點解可以這樣成功,而中國又如此順攤,莫非是三支航空母艦戰鬥群效果,令到特朗普可以耀「母」揚威,早知如此,當日奧巴馬到中國國事訪問時就應該出動,如果能夠降低中美貿易逆差,就應該是希拉里當選美國總統,幾時輪到特朗普。

  民主黨派人士的想法太過單純,三支航空母艦戰鬥群並不能阻止肥仔恩亂說話,又如何能夠降低中美逆差,其實,中美逆差最關鍵的是美國究竟可以賣什麼給中國,如果是中國加工生產的產品,中國當然沒有興趣,但如果是高科技,原材料,不動產,甚至是美國企業,中國是十分有興趣,那些是奧巴馬不會隨便賣給中國,所以雙方貿易逆差就愈來愈大,但特朗普是生意人,他當然知道就算美國唔賣,兜兜轉轉,其他國家也會將美國高科技賣給中國,何不學馬雲一樣,搞一個直銷,美國不但可以降低逆差,還可以得到最大利益,雖然特朗普耀「母」揚威對中國及北韓的效果不大,但對南韓及日本就起到有效作用,今後那兩個國家應該自動自覺多交保護費,今次特朗普亞洲之旅,可以說是相當成功,回到美國,特朗普的確可以耀武揚威。

特朗普耀「母」揚威
1. 十一哥
2017-11-15 09:33
呢十年8年…中國人潜力…正嘢買唔到…就自己諗掂佢、生意人就有就食咗先、客觀有兩個效果、有生意做…揾到銀又可以有本錢精進快D、另方面對手研發又行慢D…一石2鳥、但中國呢代人唔同本質、貴D唔肉赤…學費好捨得、今日益你…弟日賺番哂。



2. 真真薯片
2017-11-15 09:53
美國成日整埋晒d貿易管制法例, 一大堆野唔可以賣比呢個國家, 果個國家, 實情果d法例只管到個人同小企業, 國家級買手莫講話中國, 肥仔金想買都係輕而易舉, 有報導指北韓飛彈殘骸被打撈分析, 發現零件全部係鬼佬名牌, 美國果d管制法例其實多舊魚, 佢一係完全唔好輸出, 又要行銷世界, 又要指明唔賣比某d人, 邊有咁樣既事
3. 十一哥
2017-11-15 09:53
.老湯   以前一出即見,而家要每次向你申冤先蒲到頭?


4. 十郎
2017-11-15 09:57


      中國有d野已經趕過美國 , 有賣趁手。

5. 博士
2017-11-15 10:55
Admin
十一哥的文章不要刪除,謝謝。
6. Admin
2017-11-15 11:22
明白
7. 博士粉絲
2017-11-15 12:31
博士,admins, 多重身份搞到我好混亂😅😅😅
9. ..博士..
2017-11-15 13:50
Admin
要刪除十一哥的文章,謝謝。
10. CD ROM
2017-11-15 15:03
Haha, 博士用直銷呢個term實在太貼切了~~~
11. 十一哥
2017-11-15 15:19
咁大個人、處男喊申冤…就得喺度呢兩次、好彩有老湯座鎮…主持公道、呢度冇老湯…散咗檔啦!

人一有權…總係喜歡弄權、肥仔金就係咁練成嘅 !  開得壇…唔啱聽可以tell番轉頭…但不能封人聲音、呢點…陳增濤 …就可敬嘞 !


12. 無言
2017-11-15 18:15
咁即係其他人講嘅野就可以刪除...
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。