地產論壇
登入名稱
密碼
頁數:
買騰訊好過買樓?
瀏覽人次:20123    回應:18

買騰訊好過買樓?

 

何熊輝

2017年11月12日

  樓價指數又破頂,各區屋苑新高價成交頻傳新高,買樓舉措,隱約成為一種有賺無蝕的投資行為。不過現樓價之高,確實對樓價有畏高症的朋友,帶来了莫大的煩惱。不買樓,買入股王騰訊,去年就爆升近信。未来又這樣做,是否又可避免高追一二手屋苑所帶来急跌的風險。

  樓價年初至今,平均約升了一成。騰訊過去一年,升了九成多,倘早知今日,買騰訊所能帶來的利潤,數倍多於樓價的升幅,誰都可能買騰訊不買樓。明年樓價大升機會不高,但維持約一成的升幅,機會仍存有。 騰訊方面, 來年再升一倍的機會, 機會可能不大, 但保持一個可觀的升幅, 又是一個合理的期望。

  倘上面的假設成立, 投資者以同一金額 ,購買騰訊的賺幅率, 仍會高於買樓。 不過以買樓的首期投資於騰訊, 數額太大, 絕大多數人都不會這樣做。 一般人仍會認為, 買樓升幅少, 但總比買騰訊安全得多, 所以不買樓,以百萬計金額投資於於騰訊的小投資者,是絕對的小數。

  香港樓價高, 但買樓投資自用, 早已成為社會共識, 買股票投資, 就算投資於股王身上, 仍會被認為是高風險投資, 所以要買樓的就繼續買樓。 買騰訊的,就一手起兩手止,三手大不了的行為。 倘明年騰訊年底有大升幅, 有關人士又會自己笑自己,如果年初…..

買騰訊好過買樓?
1. 引刀一快
2017-11-12 15:04
梗係買樓好喇,馬化騰都係瞓橋底之嘛!
2. 引刀,香港樓價貴得有道理
2017-11-12 21:56
馬化騰身為大灣區首富,寧可在香港瞓天橋底,誓要做港人,也不寧意住大灣區豪宅。難怪你這個大灣AA日日冇單開。真是陰公!
3. 自我陶醉
2017-11-13 11:39
成日話股票冇槓桿唔買嘅人,除咗證明他們對股票毫無認識,就連做生意係點做都唔知! 上市公司中有幾多係零負債?就算騰訊咁有錢,都一樣會借。 借錢做生意本身已經係槓桿,到底識唔識? 唔想太集中一隻股票,有恒指ETF, 買哂所有成分股,最高去到三倍槓桿,唔洗俾息,唔會call loan,唔會賣唔出,冇辣稅,冇禁售期,唔洗搵租客,唔洗維修,唔洗免租期,唔洗交差管,唔洗俾佣搵租客,亦唔會變凶宅。 連基本認識都冇就講槓桿嘅人,基本上唔算係投資,只是賭徒一個, 要賭有大把途徑加槓桿,分期供股、孖展買賣、牛熊證、窩輪、期權任你選,槓到你唔槓,零成本即日鮮都仲得,問題只係你輸唔輸得起。 

恒指從低位一萬八千幾已上升一萬多點,而樓市只係升兩成幾,莫非作者以為只得騰訊跑贏樓市? 跑贏樓價嘅股票多到數唔晒,其中一隻汽車股,一年升咗十倍都有,為讀者著想,建議作者講股市前還是先惡補一下吧。


4. 買騰訊赢買樓成條街
2017-11-13 13:05
股王騰訊(00700)將於周三(15日)公布截至今年9月底止第三季業績,綜合多間券商預測,騰訊第三季盈利料按年升33%至45%,介乎141.83億元(人民幣.下同)至154.05億元。有基金經理表示,騰訊的利好消息大部分已反映,加上11月為基金經理年結高峰期,騰訊的業績隨時成為影響港股走勢的「籌碼」。
5. 儍牛
2017-11-13 16:50
買六合彩贏騰訊九條街呀!

你問下身邊人,
買樓十個有九個執最少幾球,
買股十個有九個輸,

陶醉兄繼續陶醉

6. 引刀一快
2017-11-13 17:41
你今年有冇買樓呀?傻牛。
7. 自我陶醉
2017-11-13 23:24
5樓 傻牛,

講得冇錯,我又真係冇見過傻嘅可以在股票市場賺到錢喎! 有point呀,你都係買樓好喇!  哈哈哈!

8. 引刀一快
2017-11-14 10:09
五樓 傻牛

依家買樓仲望執幾舊?咪傻喇
9. law
2017-11-14 14:14
大家好 : I m Law 其實投資樓宇 , 股票都冇問題. 只是時間及環境的不同,適合不同的投資者,因為社會制度的改變, 資本主義的本質就是貨幣貶值, 所以投資樓宇其實好簡單, 所以適合一些不需要很懂投資的人, 很多不讀書的人都會賺很多錢, 很多時候他們都不知道為何如何賺錢, 但是其貶值的風,誰也會賺到飛起. 但投資股票不同, 因為市場的效率極高, 賺錢的人極少, 可能只有千分之二, 需要的技術亦非常高, 不是每個人可以做到. 所以投資股票或者買樓都要視乎個人而定, 作者只是太年青才有這個問題. 
10. 引刀一快
2017-11-14 15:37
股票賺錢嘅人只有千分之二?

仲有人玩?
11. 始終買樓好
2017-11-14 23:58
新盤熱賣刺激二手市場氣氛,部分快有新盤開售的地區新近更頻錄二手破頂個案。受惠於北角新盤海璇1B期快將推售,區內和富中心一個海景戶新近以每方呎約2.16萬元沽出,為屋苑入伙約35年來首宗呎價升穿2.1萬元個案。
12. 淡淡們
2017-11-16 11:29
信置(00083)與會德豐地產等五家發展商組成的財團,以破盡本港賣地表住宅地造價紀錄的172.88億元投得,每方呎樓面地價(下稱樓面呎價)約1.75萬元,貼近市場預期上限,而這「麵粉價」更貴過同區二手成交呎價。新住宅地王誕生消息一出,九龍區二手市場迅即湧現封盤加價,長沙灣「西九四小龍」屋苑(宇晴軒、泓景臺、昇悅居和碧海藍天),最少錄得4宗封盤個案
13. 穿雲價
2017-11-17 13:23
騰讯升穿400文,淡友即死。
14. 東施
2017-11-17 19:03
港股連跌兩日後企穩,昨甫開市已迅即重上29000點水平,其後曾回順至28877點,下午再發力攀上29095點,收市競價時段(U盤)被嘜低至29018點,恒指全日升167點(0.58%),55%股份下跌,成交額略減至1138億元,仍連續第9個交易日錄得超過千億交投,為2015年7月以來最長時間。
15. 自我陶醉
2017-11-17 22:40
13樓在說那些上年棄股換樓嘅聰明人嗎?雖然升得慢,都唔洗死嘅! 若然冧市走唔到呢,就好難講喇! 哈哈哈!

16. 跌市明燈
2017-11-18 08:04
跌市明燈,去片

https://youtu.be/CRwIpladPxE
17. 不斷轉軚
2017-11-18 08:17
股王騰訊(00700)股價終於升穿400元大關!受到季績理想及多家大行調高目標價刺激,騰訊周五最高見405元的歷史紀錄,收市報403.4元,升11.6元(近3%),創收市新高。如果把2014年股份一拆五「還原」,現時股價相當於2017元,較2004年上市招股價3.7元勁飆544倍。騰訊最新市值躍升至逾3.83萬億元,再度超越阿里巴巴,主席馬化騰身家進賬豐厚,持股市值已超過3300億元。
18. CCL
2017-11-18 10:46
回16樓

其實除了曾生外 好多人都仲係用緊舊有經濟模式睇樓市。 

如果多看汪敦敬文章就會知道美國已無能力剪羊毛了!一個無泡沫既市場根本無爆破既可能!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。