地產論壇
登入名稱
密碼
頁數:
茶餐廳亂話(213)請繼續猶疑不决
瀏覽人次:24557    回應:5

茶餐廳亂話(213)請繼續猶疑不决

 

湯文亮博士

紀惠集團行政總裁
2017年11月9日

  今日去到茶餐廳,有位客人突然行過嚟,老闆想阻止都來不及,客人話有事請教,他租樓多年,見樓市只升不跌,租金也是一樣,不過利息就長時間處於低水平,於是打算買樓,但始終未能下定決心,於是冒昧問我現在是否買樓好時機,如果是,點解?如果不是,又點解?

  我老實回答,如果是自住又有能力付首期,又可以供得起,現在買樓也可以,因為美聯儲局主席換了新人,鮑威爾表面上非鷹非鴿,其實比鴿還鴿,加息速度可能比耶倫還要慢,現在買樓,還有一段時間可以享受低息,那位客人不同意,他認為加息已迫在眉睫,有專家話加息1%,樓價跌一成,現在不是買樓的好時機,我想擺脫那位客人的糾纏,於是同意他的說法,覆述一次話現在的確不是買樓好時機,但那位客人又不同意,他說有專家話,未來半年,樓價會升一至兩成,另外一個專家話五年後樓價升五成,所以應該買樓,不同專家分析,令到他在買樓上多年來都猶疑不決,所以請教我,我的答案強化了他對買樓的決定,我請他繼續猶疑不決。

茶餐廳亂話(213)請繼續猶疑不决
1. 香港土著
2017-11-09 10:03
海嘯至今八年,樓價升幅大概每年10%。如果一個人過去八年投資跑贏樓市,基本上唔需要問哩個買樓問題。以80/20定律估計,有八成人投資能力不足,對於哩類人,買樓就係成世人最大成就,千萬唔可以勸阻!

講到尾,投資股樓債係智慧角力,弱者就要輸。
2. 十一哥
2017-11-09 13:19
中美唔會打交、香港冇洗擔心啦!買咗貴口嘢…捱下囉 、冇咁多人貢獻…點嚟咁多有錢佬呢 。

一向認為儍侵係詐儍扮懵馬、夠儍先得人怕、冇人敢溜打、遇着習大大就唔係格食格…係好合拍! 儍侵…抛浪頭隨口噏…冇有怕醜、習大…friend就同你夾band…打就企定等你、以為會硬碰時…傻侵又會同你㩜頭㩜頸、生意佬…有so就得…冇博命本質、相互睇通…蜜月可期、最閉翳就係頭馬、馬係要嚟跑嘅、騎師傾計…冇得馬搭咀。




3. Bos Fan
2017-11-09 13:42
其實呢位仁兄要問黃大仙。
4. 黃老闆個仔仔
2017-11-09 13:45
博士!

或者這樣回報也不錯:『其他蛋散不足信,要信就信最有錢的李首富,自住樓有首期有需要有能力就不怕買。』
5. 真真薯片
2017-11-09 17:06
呢個問題可以引用任總名句, 係香港有一層自住樓, 係平倉, 多過一層樓, 係買升, 一層都冇, 係沽空

有呢個前設去思考買唔買樓, 思路會清晰好多
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。