地產論壇
登入名稱
密碼
頁數:
茶餐廳亂話(207)由奢入儉易
瀏覽人次:26020    回應:21

茶餐廳亂話(207)由奢入儉易

 

湯文亮博士

紀惠集團行政總裁
2017年10月29日

  今日去到茶餐廳,老闆話有一個熟客移民,要請全部人食早餐,仲話要去的地方是世外桃園,用香港帶過去的錢買間屋,所剩的夠用過世,我多口問是要去那裡,老闆話那位熟客是要移居泰國,不是曼谷,是巴提雅,我話,泰國是香港人的麥城,如果不是潰敗,就不會移居去泰國,當日聯交所李福兆決定停市四日之後,最後都去了泰國,移民去泰國不值得開心,不過,開始時的確幾開心,因為由奢入儉易。

  老闆話我講錯,應該是由儉入奢易,由奢入儉難,我話正常就是,但是移民去泰國,生活指數低,開始時的確很開心,但過了不久,他們就會發覺離不開巴提雅甚至泰國,因為返嚟香港一次,夠成年生活費,去歐美周遊一個月夠買間屋,所以,以後什麼地方也不用去,不過又不能在那裡終老,因為,泰國醫療與香港相差甚遠,如果不是本土泰國人,是否可以享受與本土人一樣的醫療服務,我真的不知道,但如果不能,任何地方的醫療費用都是很昂貴,老闆記起,李福兆當日也在養和終老,所以,移居那些樓價很便宜,生活指數很低地方的人就要注意,由奢入儉易,很難返轉頭。

茶餐廳亂話(207)由奢入儉易
1. 肥佬
2017-10-29 09:40
日活指數➡生活指數
週遊一個月➡旅遊一個月?
2. 浪子心聲
2017-10-29 09:55
3. 望東樓
2017-10-29 11:18
基本上同意博士嘅觀點。不過泰國搞旅遊醫療事業似乎唔錯。有一次不幸食物中毒入咗曼谷市中心一間醫院嘅out-p,唔駛排隊等你幾粒鐘,專科醫生應診都係收我四舊水。抵到無朋友。以細佬觀察,嗰間醫院似乎主業係整容。據聞德國佬飛去泰國整牙兼玩兩個星期仲平過係德國醫。不過效果如何就無可奉告拉。
4. 引刀一快
2017-10-29 12:21
浪子兄

大灣區好唔好過泰國就見仁見智,不過兩者有根本區別,就係大灣區對香港人嚟講係拓濶生活空間,而去泰國就近乎移民。

如果唔買香港細價樓而改買大灣區,每年供樓開銷可以少好多好多,夠你自由行去泰國、日本、玩到飽
5. 引刀一快
2017-10-29 12:25
東樓兄

我十幾年前有個同學喺德國留學,佢話德國有統計,每年有兩百德國人死喺泰國,大部份都係馬上風。
6. 自我陶醉
2017-10-29 12:31
博士嘅講法有一個盲點,就係錯誤地從一個窮人角度去睇移民,如果有錢的話去邊度退休都可以係天堂,對於博士講嗰啲冇錢到要靠公共醫療過活嘅人,講咩移民呀, 去到邊都一樣,不如留番香港吧啦!冇錢什麼地方生活都同樣係地獄,唔信可以去睇下要靠執紙皮維生嘅人!  

要比較兩地醫療的話,應該從真正有能力移民的中產角度去看,若然你有一個全球醫療保障,同一保額,最少可以由香港的中等房,轉到泰國的私家病房,若然你在香港要去養和療養,在曼谷可以入住一級醫院,再請多兩個私家看護,都唔洗咁貴,而曼谷私家醫院嘅設備同醫療質素亦唔會比香港差。

至於番一次香港貴唔貴,就要看個人價值觀了,值的話幾多都唔貴,睇下每年香港有幾多泰國遊客嚟就知道,真係咁貴點解仲有人嚟旅遊? 最終都係睇值唔值!  不過,要去到巴提雅住就真係有啲保留, 除非好嚮往陽光與海灘嘅生活,否則一定係住曼谷好得多。

引刀兄,其實我對長居大陸,一直都有保留,最近一次番大陸的經驗,令人十分慨嘆,莫講話Gmail, Facebook,Youtube同Google Map 全部用唔到,這次就倒退到連WhatsApp都收唔到,在大灣區投資還可以,如果住的話真係隨時準備斷六親。哈哈!

如果香港只是50年不變,之後又會點? 以前間中都會去吓尖沙咀、旺角走走,現在想到那裡的擠迫法,冇事真係唔想去嗰頭,感覺在香港的生活空間已經越縮越細,真係唔覺得有咩咁吸引,有長假期都寧願離港外遊。

7. 真真薯片
2017-10-29 12:46
聽醫生朋友講, 外科手術係最難學既醫術, 一班醫生同學入面得幾個可以做到外科醫生

泰國既外科手術質素, 從人妖外表既質素黎睇, 應該唔差, 所以在下估計泰國既醫療水平應該都唔會太差

另外在下亦識得好多有錢人會專程去泰國打抗衰老針同驗身, 泰國高端醫療服務應該有返咁上下
8. 引刀一快
2017-10-29 12:56
自我陶醉兄

網禁呢樣嘢對好多香港人嚟講都係好痛苦嘅事情,不過作爲香港人,返到香港就自然乜都可以繼續用,又唔至于斷六親嘅,再唔係就用埋微信囉。正因爲大陸有網禁,香港人某些方面依然存在多少優勢。

個人睇法,大灣區最大意義係交通方便,樓價單價相對地非常低,組織未來生活有豐富嘅可能性,最重點係大陸一樣會進步,會前進,當短處改善到香港人可以接受嘅時候,長處可能令你無限驚喜。
9. 引刀一快
2017-10-29 12:57
真真薯片兄

人妖手術,係咪引刀成一快?哈哈哈哈
10. Admin 2
2017-10-29 13:28

謝1樓, 已更正

日活指數➡生活指數

週遊一個月➡周遊一個月


「周遊 」原於 「周遊列國」

周遊:全都走到,遊遍。 原指孔丘帶著他的學生周遊當時的許多地方,希望得到重用,以便推行儒傢的政治主張。 


11. 自我陶醉
2017-10-29 13:31
引刀兄,

身為一個良好市民,做咩都要像監犯一樣被監視被限制,無法過正常生活,實在令人難受。

薯片兄,

泰國的視力矯正眼科手術,廿年前已經與養和齊名。

12. 引刀一快
2017-10-29 14:25
自我陶醉兄

喺大陸,咩野要小心、咩野可以比香港隨便,返多D自然會拿捏,如果只針對一點去評大陸嘅生活優劣,我覺得唔全面。

最重要嘅係,中港兩邊生活比重可以自己調配,習慣就唔係問題。
13. 向引刀‧土著‧自醉‧浪子‧阿井 說不
2017-10-29 18:14
嗱,嗱,嗱,自醉兄今天間接承認了,香港在自由資本主義環境下,港樓宇價格絕對值得咁嘅價值,傻燦,以後考慮問題全面D。

下次去廣州記得住花園酒店啦… 三星期前,Gmail, YouTube, WhatsApp 好似香港咁,暢通無阻,唔好住埋晒 D 雞酒店啦!梗係封鎖你...
14. 打工仔 Andy
2017-10-29 18:54
每個月可以離港十日八日旅行已不錯, 移民就要想清楚 !
15. 引刀一快
2017-10-30 01:06
說不女

如果香港D細價樓值得咁嘅價,即係大灣區有好大上升空間喇,咁邊個值博呀?

少量地方冇網禁係正常嘅,俾外賓使用,全部經過嗮公安局D監察服務器,你D嫖客信息已經俾人睇過嗮,不過放心,人地淨係反恐同維穩,唔用嚟掃黃嘅。
16. 自我陶醉
2017-10-30 08:13
引刀兄,

間中住幾日當避靜當然冇問題,間中有幾日唔方便 ...“收email 同 WhatsApp", 可以接受,若然長住日日都唔方便就要諗清楚了,現在除咗國內VPN 定為非法行為外,國外VPN都開始封殺。

說不仔,

你嘅理解能力依然係咁差,都係繼續copy and paste 吧! 我幾時講過住酒店?幾時講過去廣州? 

我唔喜歡上去住代表唔去投資? 代表唔會升? 你覺得我唔鐘意做工廠,係咪代表我唔買工業股?

傻傻哋!  大陸GDP增長係幾多,香港又係幾多? 大陸中產階層每年會增加幾多你知唔知? 論投資價值和潛在升幅,港樓同大陸樓冇得比。論實用價值,亦唔見得港樓高好多,而且香港競爭力仍在每況愈下中,你以後考慮問題要全面D就真。

BTW, 你番廣州係咪行路? 哈哈哈!
17. 占士
2017-10-30 10:48
18. 自我陶醉
2017-10-30 11:38
占士兄,

良禽擇木而棲,唔係每一種木都適合每一種禽, 況且香港嘅土壤九七年之後已經變咗質,同以前完全唔同,有啲人無法適應而作出改變,一啲都唔出奇。拼命靠貶低別人,抬高自己,一啲意義都冇。 

有人會覺得搵錢就係一切,但亦有人會覺得自由同生活質素先係最緊要, 每一個決定都有利弊,每個人都要衡量自己嘅條件同要求,然後作出取捨,唔見得留喺香港一定係最好嘅決定,亦唔覺得移民就唔可以喺香港繼續搵錢。不過,如果每一個人都到咗眼裡只有錢而冇其他考量嘅地步,做決定當然就簡單得多,但亦都係最可悲,一切以金錢、利益衡量,世界上唔會再有公義,亦唔會有不自由毋寧死呢句話,因為自由有價。

BTW, 千祈唔好高估香港人嘅創富能力,現今創富能力最高嘅人,佢駐喺矽谷、住喺大陸,至於香港? 就連韓國都比不上。 哈哈!

19. 引刀一快
2017-10-30 12:44
自我陶醉兄

呢個係習慣同心態問題,我長住大陸,但係唔會有束縛感,因為返香港好簡單,大陸越係禁閉,香港人喺大陸就可以保持優越性越長久,呢種好處雖然唔係咩好事,但係好實質,而呢種優越性,同當地足夠交往親和就會凸顯出嚟。

VPN封咗一排,估計將來會開返,呢D的確係國情。
20. 向引刀‧土著‧自醉‧浪子‧阿井 說不
2017-10-30 17:33
傻燦:<香港人喺大陸就可以保持優越性越長久>,都唔知放緊咩野屁?

自醉兄:真係唔好意思,用自己在內地遊戲的經歷,強姦於你既親身體驗上,而嚴重高估租樓日日賺的儲首期人士旅遊消費食力,要在各方面努力慳D,慳D,再慳D既生活方式,好似冇飯食,叫人食雞腿充飢一樣離地,介紹人哋住5星級大酒店一樣不知所謂。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。