地產論壇
登入名稱
密碼
頁數:
1987股災是因為走唔到
瀏覽人次:25917    回應:13

1987股災是因為走唔到

 

湯文亮博士

紀惠集團行政總裁
2017年10月23日

  不少人曾經問過,SSD,BSD,DSD三款辣招之中,哪一款最辣最邪惡,我話SSD,不少人唔同意,認為SSD唔准賣樓,簡直是迫他們發達,我話的確沒有錯,如果樓市只升不跌,但如果下跌,SSD令到不少業主不能夠及時賣走他們的物業,導致他們要承受不能負擔的損失,這是不合理以及非常危險,其實,樓市上升根本毋須設置禁售期,只要加重入場費,例如開徵BSD,DSD就可以,從政府推出SSD開始,樓市只是作出過有限度調整,所以,一般人不會領略到SSD邪惡之處,不過,設置禁售期又絕非新鮮事物,三十年前香港股票市場就曾經嘗試過,只是四天禁售期,不但令到不少人損失慘重,更導致聯合交易所人事變遷,政府監管,當日的錯反而令到日後股票市場更加健康,但點解政府可以重蹈覆轍,在樓市設置SSD禁售期。

  1987年10月19日,恒生指數大跌400點,聯交所主席李福兆得到當時財政司允許,股市停止交易四日,美其名是冷靜期,其實是禁售期,禁止散戶出貨,因為聯交所雖然停止運作,但仍然有交易在私底下進行,四日之後,股市重開,恒生指數大跌1,100點,不少散戶未能走避,被銀行及證券行斬倉,如果不是停市四日,他們有機會出貨而減少損失,我認為對小散戶不公平,事件亦導致李福兆後來移民泰國,香港政府亦成交證監會,而事件最關鍵的並不是股市急跌,而是聯交所停市四日,出現突如其來的禁售期。

  SSD雖然不是突如其來,但長達三年禁售期殺傷力亦非同小可,當樓市轉勢,小業主為了避免繳付SSD,可能要等三年才可以將買入的住宅單位出售,如果樓市跌勢加劇,他們便會遭受到不能承受的損失,甚至變成是一個負資產者,不過,很多人認為我杞人憂天,樓市根本沒有機會下跌,只不過是間中升勢放緩而已,當大部分人失去了警覺性,樓市的確有危險。

1987股災是因為走唔到
1. 肥佬
2017-10-23 09:24
編輯
1987, 不是2017
2. Admin
2017-10-23 10:22
謝謝1樓指正, 文章已修改。
3. 真真薯片
2017-10-23 10:36
SSD既重點係阻止d人摸貨, 如果冇SSD, 在下肯定用家冇辦法直接從發展商手上買到一手盤, 地代同炒家會圍起晒所有新盤, 再加價賣比用家, 好似演唱會飛既黃牛黨一樣

不過SSD的確唔需要3年, 2年就夠晒, 只要SSD足夠長到買家要先比足印花稅, 冇得玩空手道就是ok
4. 香港土著
2017-10-23 11:09
87停市係突然推出,散戶冇機會應變,絕對係一個人為失誤。

現在樓市SSD係透視裝人人知咩事,同87停市比,性質不同。SSD完全唔邪惡。

買樓自住供得起就ok,用家唔怕跌,SSD完全唔係問題。
5. CCL
2017-10-23 11:19
土兄竟然明白買樓自住唔怕跌這道理,難道已經上返車,恭喜晒!
CCL在160已經整固完成,開始左向上爆啦!
6. 鳥5.
2017-10-23 14:12
同意博士,D果本質係減供應呀!利升。。。同樣,淢ssd.就係利淡。。。而林鄭農地加上限。。本質係就双反加供應。。利淡。。5早出溢價貴。。。想-想。。
7. 香港土著
2017-10-23 15:28
多謝5樓提示...

更正: (認為)買樓自住供得起就ok(的人),(既然)用家唔怕跌,SSD完全唔係問題。
8. 占士
2017-10-23 16:50
9. 向飯民說不
2017-10-23 19:18
李福兆证明了港英政府掌握了很多富商的犯罪记录,听话的话,就安心的赚钱,不听话就坐牢去。
他老人家先坐牢,在去泰国。
10. 申士
2017-10-23 19:23
我有樓,但都希望樓價下跌,想買多層,但貴到飛曬起
11. 向飯民說不
2017-10-23 21:06
10楼,有你呢d实力买家 楼点跌啊。
12. Bos fan
2017-10-23 22:41
冇税我都買多層
13. Mo
2017-11-08 03:22
SSD 沒有硬性規定不能賣
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。