地產論壇
登入名稱
密碼
頁數:
茶餐廳亂話(197)教仔第一戒
瀏覽人次:21858    回應:5

茶餐廳亂話(197)教仔第一戒

 

湯文亮博士

紀惠集團行政總裁
2017年10月16日

  以往很多人都會說,打風不成三日雨,不過,如果打得成風,唔需要一日就會放晴,昨日不知道是否算是打風,今早仍然下雨,但我返工前先去茶餐廳,打算飲一杯靚咖啡,不過唔去好過去,入到茶餐廳之後,見到兩母子嘈交,隱約聽到阿媽話阿仔點解冇隔離黃太個仔咁叻,佢考一,個仔只能考第十,真的是冇晒面,兒子聽完之後嘈了幾句,連早餐都唔食就走了。

  那名母親可能認得我,叫我評下道理,再問我點教仔,我話我連自己都教唔掂,唔敢教仔,更加唔敢教人教仔,我在小時候與你兒子差不多,成績中上,但有好成績學生母親教我阿媽怎樣教我,我阿媽會話我資質差,已經得到最好成績,那位母親聽到之後就悻悻然離開,我知道阿媽心意,他不想將我同其他人比較,因為人比人比死人,後來,大家一齊到香港考大學,我考到,那位母親的兒子考唔到,我阿媽話乜仇都報晒,不過,那位母親又改變說法,她認為學問不是最重要,人生還有很多其他比學問重要,我阿媽當然被她吹脹,不過,那位母親說得沒有錯。

  教仔第一戒,不要將自己的兒女同其他人比較,否則,有可能做成兒女傲慢不羈,亦有可能令到兒女放棄,我們只記著,比上不足比下有餘,做一個開心快活人就可以。

茶餐廳亂話(197)教仔第一戒
1. Bos fan
2017-10-16 18:36
絕對正確,如果唔係第時你個仔比老豆,問老豆點解你唔係李嘉誠或者博士。
2. 引刀一快
2017-10-17 04:51
學問的確唔係最重要,最重要係人品,教細路唯一值得攀比嘅,就係人品。人品係一生中無止境嘅追求,品高自然貴氣。學問、財富都受制於天賦与際遇,唯獨人品隨心。
3. 望東樓
2017-10-17 09:50
查實好多家長將子女成績表、就讀學校當做自己成績表同炫耀嘅素材。變成強迫子女完成不可能完成嘅任務。相信好多學童自殺個案如此發生。咁當然虎媽熊爸一定譴責香港教育制度害死佢哋嘅細路。有啲白痴仲走出嚟搞最高學習時間。OMG。
4. MMC
2017-10-17 15:08
同意人品第一! 另外我覺得適當的紀律及壓力可以培養責任感。
5. CD ROM
2017-10-17 15:20
同意東樓兄所言, 香港乜都鬥, 後生手錶手袋, 再大d就仔女CV...........


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。