地產論壇
登入名稱
密碼
頁數:
不要讓樓市取得主動權
瀏覽人次:23177    回應:4

不要讓樓市取得主動權

 

湯文亮博士

紀惠集團行政總裁
2017年10月15日

  我唔記得幾時同一個年輕人講過,買樓是自己事,應該自己採取主動權,如果是能力許可的話,幾時買樓都可以,不過,如果要獲得最大利潤,就要了解樓市走勢,否則的話,即使有利潤都只是付出大而收獲少。

  在2015年初,雖然我寫了「細價樓爆煲論」,但仍然強調,如果有能力買樓是可以買,不過,在樓市上升期間,就算用創新高價亦未必可以買到靚單位,如果財力稍遜,不如等樓價下跌時才再考慮,屆時,不但可以少付樓價,甚至可以買到比較優質單位,一年之後,有部份細價樓樓價比高峯時下跌超過兩成,當時有不少年輕人上車,比我預期的還要多出很多,有當時上車的年輕人解釋,他們買樓是根據自己個人能力,與市況無關,當時樓市已經下跌兩成,以一個500萬單位為例,樓價下跌了100萬,打算買樓的年輕人可以少付40萬首期,而供款亦由月供12,500元降至一萬元,他們覺得負擔得起,所以便買樓,就算明知樓市會繼續下跌,都不會改變他們買樓的決心,換句話說,他們要掌握樓市主動權,如果由樓市主動,便會聽從分析員意見,擔心樓價會繼續下跌而不敢買樓,很可能一世都買不到自住單位,年輕人的意見相當有見地,買樓的人幾時都要掌握主動權。

  現在買樓的年輕人,大多數擔心日後樓價會繼續上升而買樓,地產商有見及此,便推出高成數按揭協助那些打算買樓人士,在這個情況下,買樓人士其實是相當被動,忘記了自己是否有能力買樓,最不幸的事是樓市上升,買樓的人因為能力所限而被迫放棄買入的單位而遭受損失,而點解會出現這種情況,歸根究底就是買樓的人讓樓市掌握了主動權。

不要讓樓市取得主動權
1. 螳臂擋車
2017-10-15 12:35
麼樣才能不讓樓市主動,買樓只能按照個人的財力及心態才去決定買還是不買,樓價不是個人意願去定價,而是按照市況決定,所以不能像博士說讓樓市掌握了主動權。
2. 真真薯片
2017-10-15 22:28
如果淨係睇買唔買得起, 好易就會買左納米單位, 一樣唔惦
3. LC
2017-10-16 07:56
其實香港對外型經濟,要把握自已既需買力,其實算連醫生律師都未必知道,所以成日聽到,做醫生都買唔到樓,其實佢買唔到樓,係講緊佢買唔到心目中大細既樓,而細價樓就係一班好知自己既位置,知道自己應該買唔到樓既人,如果唔借錢買既話,成世都買唔到樓既人,成世黎講係樓市既上升周期,一般比人感覺都有十年八年之前,即係人生有幾多個十年,30歲當婚年紀你唔買,噤下個周期就係 40 歲,由其係好多基層既人工升覆係無可能追得到樓市既上升周期,細價樓就係比E D 基層 "上車"既機會, 所以E三五年真係有幾多賣幾多。情況又似D 港男做士兵噤,家陣你買多D 野,請行街睇戲食飯的話就有機會追到女神,你比左錢係唔係代表你機會高D,大家都心知肚明,根本如果你夠料追女神,又洗乜借錢亂洗先追到女神丫。結果三數年後借左錢去溝女既港男知道令野既時間,就己經太遲,後悔莫及(講緊就算層樓你買左,其實張契都係唔係你,法律上你只係租借人,要配合你有借款能黎講你先係業主)。講到尾,香港人都係中意以少駁大,睇馬會有幾多人就知,同埋越級挑戰,即係,我三年班同人講睇五年班既書,睇唔睇得明,講出黎就己經夠晒威。實在入馬會輸錢既人,你唔會可憐佢,做士兵借錢溝女既港男,你會覺得佢唔生性,越級挑戰又唔夠班就係不自量力。都無謂教精E班友喇。
4. kkf
2017-10-16 09:56
?? 最不幸的事是樓市上升,買樓的人因為能力所限而...
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。