地產論壇
登入名稱
密碼
頁數:
香港點解可以唔跟美國加息
瀏覽人次:29420    回應:25

香港點解可以唔跟美國加息

 

湯文亮博士

紀惠集團行政總裁
2017年10月4日

  有一件事,香港人非常自豪,就是美國加息,香港都可以唔跟隨,而事實上香港已經4次沒有跟美國加息,問任何人點解香港可以唔跟美國加息,答案都只得一個,就是停泊在香港而又唔願離開的熱錢太多,其實,我唔認為這是一個正確答案,或者這只是答案一部份,而我認為香港唔加息原因就是存款借唔出,有太多熱錢積聚,加息即是搵自己笨,點解借唔出,就是金管局的逆週期措施,在過去幾年,金管局推出了8次逆週期措施,將按掲成數愈收愈緊,銀行大把錢,又放唔出,點解要加息,減息爭生意就差不多,所以,現在享受低息的客戶應該多謝金管局,如果不是出了8次逆週期措施,存在銀行的錢可以正常貸放出去,他們現在最少要多付1%,不過,無論如何,雖然有很多銀行家話到2018年底,香港只需要加0.25%,但我並不認同他們說法,到今年底,如果美國加0.25%,香港就要加0.5%,因為香港要追加。

  上星期金管局陳總話如果確認樓市下跌,就會放寛逆週期措施,我估計在利息上升,供應量增加,購買力減弱的情況下,樓市很快會作出合理調整,當樓價下跌之後,金管局就要履行承諾放寛逆週期措施,在放寬之後,銀行存款有出路,就不需要低息搶客,其實,採用Hibor 的客戶已經加了息,平均已經比正常時候多了0.25%,現在距離封頂位只有0.18%,只要一到達封頂位,就算金管局在今年內沒有放寬逆週期措施,美國唔加息,香港在今年底都有機會加0.25%。

香港點解可以唔跟美國加息
1. 真真薯片
2017-10-04 10:01
美元跌到咁低, 反彈浪應該會黎, 唔係話佢會轉勢, 如果美元用一年半戴時間彈返上110, 都夠香港樓市跌兩成
2. Carson
2017-10-04 10:34
係咪因為美國最後幾次減息香港冇跟?
4. 真真薯片
2017-10-04 11:19
通常美元升, 同港股跌, 人仔跌, 資金流走, 加息, 係一齊發生
5. 香港土著
2017-10-04 11:21
其實大部分人都嚴重低估美國佬吸水能力,縮表加息已經有足夠誘因慢慢改變將全球流動性方向,如果稅改通過,吸水力就會更強...
6. 十一哥
2017-10-04 11:44
過去開庒開閒…由美佬話事、冇得揰彩、而家阿爺就專睇空位食到佢應、美佬衹有懷念good old days、人仔點到市場話事、收放…繡花又得…大腳又得…想郁就郁…冇路你捉、大鱷要捉阿爺用神…就住阿爺旋律…點敢對賭、我地老散…諗多棧腦痛、唔洗扮專業跟傳統、阿爺當老行…跟住行啦!




7. 向引刀‧土著‧自醉‧浪子‧阿井 說不
2017-10-04 11:57
5樓土著就是迷信美國神話,低估中國食力的一群,所以輸到攤攤腰,運自住樓都輸埋。
8. 香港土著
2017-10-04 12:13
哈哈… 又一個強國思維自卑邊自大實例。
9. 十一哥
2017-10-04 12:17
自大好過做契弟 !
10. 真真薯片
2017-10-04 12:21
其實美元升只係正常普通投資周期, 已經重複玩左好多年, 只係強國人將美元升同“美帝亡我之心不死”聯想埋一齊, 人地東南亞貨幣已經跌完升返再跌過又再升, 美國冇打劫, 東南亞亦冇人亡國, 淨係強國人自己諗多左
11. 十一哥
2017-10-04 12:24
陀地   阿爺寸得起…為乜咁頂氣?照下鏡睇下自己乜膚色 ? 再睇下自己寫嘅係乜文字 ?





12. 十一哥
2017-10-04 12:34
真哥    自己話事有問題咩?點解係要跟人支旗行呢?亡你之心 ?…原來連弱肉强食…物競天擇都唔識…出家啦!


13. 香港土著
2017-10-04 12:49
衰11,自大好過契弟,但你係自大的契弟。
14. 向飯民說不
2017-10-04 13:54
土著,the good old day已经过去啦。08年中美都qe,你美爹就将钱比金融佬,结果大慈善加巴菲特和金融佬就发达。而中国QE就是搞实体经济,比如高铁,科技产业,10年有目共睹,中国越来越强大。
连你老友都叫你去住大湾区。
又是哪一句,香港人凭什么可以,pride and prejudice。连你英爹都吾敢啦。
15. 十一哥
2017-10-04 14:05
陀地    自大係做唔到契弟嘅、估妳係乸嚟嘅。


16. 奇景
2017-10-04 15:08
香港竟然有班友睇唔得自己國家好,奇景也
17. 真真薯片
2017-10-04 15:26
在下認為美元只係同其他資產一樣有周期, 跌到咁上下就升, 升到咁上下就跌, 而美元升跌會引起資金流出, 遲d升完跌返就流入, 有如春夏秋冬季節變更, 同是否自己話事, 或者美國或者中國是否強大, 毫無關係, 分析市況最忌感情用事
18. 向引刀‧土著‧自醉‧浪子‧阿井 說不
2017-10-04 15:52
轉載自2017年09月20日的大公報

如果只有美國在縮表,其他國家繼續量化的話,美元在世界的持份及影響力就急跌,我認為美元真的縮表反而是其他國家透過量化擺脫美國的控制的契機。

更加重要的是,美國負債已太多,如果說債券及貨幣有如一個國家的股票的話,能影響美債價格/供求的國家不單只美國還有其他買美債的國家,當然包括我們中國,當美國縮表行動不符合其他國家的經濟利益的時候,持有高美債的國家都能夠透過繼續買美債或者賣出美債而左右美匯及美債價格及成交量,嚴格來說民間愈不依賴美債,其他國家的政府就愈能夠左右美元的經濟步伐,美國將不可以透過縮表來再向其他國家「剪羊毛」,反而容易被剪羊毛。


19. 真真薯片
2017-10-04 18:45
在下仍然認為, 美國加息美元升, 港樓會有一輪調整, 可達兩成以上, 但調整後假如正苦既樓市政策同今日一樣仲係停留係做樣比人睇既marketing功課, 港樓跌夠兩成左右後就會大反彈, 好似上年同今年咁
20. 博士粉絲
2017-10-04 18:52
轉載今日蘋果,如果今日唔夠錢上會,三年後儲到錢上到會既機會幾乎係零。如果今日夠錢上會,康城11000以下一定搵到二手樓盤,個盤可能仲近地鐵站啲,現樓又可以慳最少2年租,但個新盤開到14000 up,我想像唔到買既係咩人,就係貪個海景?定係貪唔夠錢都可以上會?

【名家搶先睇】樓價3年睇升25%(Melody)

樓價貴,遲買更貴是常識吧!700萬2房更加為窮人恩物,俾唔起首期都要買定先,自住唔怕跌,非常合理。是故個多月前某鐵路上蓋推售,超過7成買家選用發展商一按買樓,開心上車。不過個幾星期前發生買家指責經紀誤導,以爲幾年之後實可以轉按銀行享平息,誰是誰非在此不深究。不過都可以計下數,發展商一按係咪咁著數,借左冇煩惱。

以借發展商8成一按買700萬樓分期30年,首3年通常息P-2.5厘到,之後全期P計算,貸款額560萬,首3年還款接近80萬。3年後要避免捱貴息,就必需轉按銀行。不過,600萬以上物業銀行最多只可以按6成。

所以3年後劇本會咁:3年過後還左80萬,當中有一半40萬係還本金,你仲爭發展商520萬,當樓價冇升跌,700萬樓,銀行最多借420萬俾你。冇錯,係樓價冇升跌既情況下你要抬100萬上會。

不過我地係樓市大好友,雖然話自住,買樓唔睇升不如唔好買,係咪?我地目標係唔駛補錢就可以轉按銀行上會!其實真係唔難,以上700萬樓只需要升少少到860萬,升25%就可以啦,銀行會借500萬過你,盡享低息!樓升唔到咁多?冇問題,金管局只要突然放寬按揭成數,一樣一個仙都唔駛補,輕鬆轉按!

如果真係咁不幸地以上兩樣都冇發生,唔緊要,我相信大家俾完百幾萬首期,會預鬆少少,有多百幾萬放係銀行,隨時備用。如果都冇,放心放心,大家有3年時間每月除左供樓外儲接近3萬蚊,到時一樣會有120萬抬上會。

就咁睇以上計數,用得發展商一按既一定係樓市實力買家,不單家底豐厚,隨時可以抬百萬出黎而面不改容,仲坐底睇樓市升多25%,今次樓市仲唔gogogo!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。