地產論壇
登入名稱
密碼
頁數:
房產大買賣
瀏覽人次:14971    回應:0

房產大買賣

 

左丁山

2017年9月30日

  怡東酒店盛傳出售,作價二百幾億至三百億港元,貴得驚人,唔怪得投資L話香港置地公司嘅股價(新加坡上市)近幾個月係咁升,市場傳得咁勁,相信必有原因,好事快近了。

  究竟最後買家係邊個?大熱門自然係新鴻基地產,測量師K話,新地喺怡東隔籬,世界貿易中心嘅大業主,買埋怡東,一併發展,有着數,至於算盤是否打得響,就係成事在天。新地好識出價嘅,但置地公司亦識得要價,旗鼓相當,故此雙方談判已有一段時間,但始終差少少,未能射入龍門,傳聞置地集團為求增加議價能力,提出公開招標,希望有第三個買家加入競爭,逼高價格,令新地焦急一下。呢條橋本來有效嘅,內地大集團,特別係保險資本(險資)有不少港幣收入,來源穩定,用作購買大型地產項目,條數計得到嘅,點知講數講到轉入直路之時,中央嚴禁走資,嚴格審查國企同民企在境外買入房地產,於是怡東酒店之內地買家,突然消失,正是商場如戰場,怡東酒店之最後買賣,幾難推測。

  怡和置地在80年代中之前,睇錯環境,急於遷冊,曾出售大量房地產,包括山頂大幅地皮,中半山帝景園地皮,銅鑼灣溫莎大廈,灣仔夏慤大廈等等,買家係新地與華人置業,具皆賺到唔識笑,多謝置地都嚟唔切,其實怡東酒店在80年代中以後,亦有出售意圖,當年左丁山服務之投資公司,早有聽聞,但置地集團最後不肯出售,持有至今,市值升咗近十倍。呢間酒店如果唔拆咗重建,繼續經營下去嘅話,因物業價錢已經去到頂角膏蟹,回報率不會理想,但咁大座物業,重建需時,機會成本亦好高,故此本港地產商對佢冇乜大興趣,只係新地擁有近水樓台之利。

  左丁山口痕痕,問投資L:「點解唔去搵海航傾呢?」投資L話:「今時唔同往日,海航正為啟德地皮嘅過渡貸款(Bridging Loan)搵緊再融資(refinancing)傾到身水身汗,邊度有心情去買怡東呀!」一言驚醒夢中人,十九大即將開幕,收購豪情不再了。企業急速擴大之時,若單憑大肆收購資產,必需要有一條穩定大水喉(steady cashflow),若係倚靠銀行放水,十分危險嘅啫,銀行一旦閂水龍頭,好容易十載繁華一夢銷㗎!

房產大買賣
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。