地產論壇
登入名稱
密碼
頁數:
更大春秋戰國時代又嚟啦
瀏覽人次:23148    回應:11

更大春秋戰國時代又嚟啦

 

湯文亮博士

紀惠集團行政總裁
2017年9月22日

  美聯儲局耶倫確認十月開始縮表,大家都知道對樓市是一個不利因素,就算最牛的分析員最多都只是話對現在樓市沒有影響,他們的含意可能話影響會在未來慢慢浮現出來,如果縮表,變成恆常性,在市場資金慢慢就會減少,物業以及投資市場一定會受到某個程度上衝撃,分析員不好意思說出來,因為他們大多數睇好樓市前景,認為樓市尚有兩三成升幅,而美國縮表又不是突如其來的事,如果他們現在話縮表對樓市有不利影響,實在很難自圓其說,不如說縮表對現在樓市影響不大,樓市將來會怎樣走將來才說。

  老C的確膽色過人,話縮表對世界經濟有不利影響是很傳統,不過,老C可能沒有睇其他分析員分析,絕大多數都話對樓市沒有影響,所以,傳統應該是改變了,不過,老C仲話縮表令股市樓市進入更大時代,我資質差,睇完成段分析都唔知道點解,不過,一定會有人明白及身體力行,瞓身投入股市樓市,但當縮表額度日漸增加,加息就會接踵而來,而且香港要追加才可以令到游資不會溜走,而樓市對加息最直接反應就是樓價下跌,到那時,他們才知道更大時代的全名,就是更大春秋戰國時代,其實不應該叫更大時代,應該叫更大春代才對。

更大春秋戰國時代又嚟啦
1. 主宰港樓的力量
2017-09-22 09:34
中國經濟未來二十年會持續發展,香港樓價大漲小回的格局不變。
2. 博士搞笑
2017-09-22 10:34
大春代,我笑了出來
3. 真真薯片
2017-09-22 10:55
縮表唔會對樓市有直接影響, 縮表係會抽緊資金供應, 令到利息上升, 係利息上升對樓價有影響

不過縮表只會影響港元利息, 香港遊資主要黎自大陸, 雖然大陸都話收水, 但係大陸收水已經收左好多年, 收果陣慢慢黎, 放水去庫存就快100倍, 所以美國縮表對樓市影響, 其實都唔及大陸收放水

不過按大陸過去玩法, 通常放完一野大水會扮收水扮返幾年, 3幾年後先會再放大水, 所以明年後年大陸大放水去庫存機會唔大, 大陸唔放水, 美國縮表加息就會發揮到效力
4. abc
2017-09-22 12:00

錯了, 其實現時美國銀行存放於聯儲局的超額準備金有約2萬億美元。縮表只是把這筆超額準備金收回去。由於超額準備金從來沒有流出市場,所以理論上現在逐步收回,也不會令市場資金減少的 (除非縮表規模超過2萬億美元)。不過縮表應對長債息率應有推升作用。

以現時縮表速度,要收回這筆超額準備金也需要好幾年時間。所以縮表對樓市影響其實不大的。

5. Koichi Fuyumi
2017-09-22 12:18
大眾都認為中國資金會無限湧入香港,但其實要了解兩個不同概念:

1:大陸人投資香港(但用的資金不是來自大陸,而是來自本地或海外)
2:大陸資金投資香港

分清楚後,以下是小弟工作上得到的一些資訊和大家分享一下:

1:大陸投資香港是否仍然如前幾年熱列先不討論,但美國縮表加息會他們要在中國境外(包括香港)借錢越來越難
2:大陸資金基本上投資房地產用的已經完全不可以出境。現時海外投資只可以投一帶一路國家的基建或工業項目

我個人見解是未來支撐樓市的力量仍然是本地在前幾十年黃金時代有累積的家庭。主要是資產重新配置引發的需求。暫時看不到有事件影響本地投資者入市決心。個市未有得大跌住但上升亦動力不足。但要希望大陸同胞接火棒推高個市亦不太貼切現在國內實際環境
6. 十一哥
2017-09-22 12:20
呢個世界色即是空·空即是色、冇洗實質、最緊要係邊個噏、美國佬一9噏…唔理堅定流…一定好多人心浮浮、理7得佢縮定谷啦!最緊要自己銀包漲咔咔。


7. Bos fan
2017-09-22 12:37
博士係第十人,老C是第十一人理論。
8. 鳥5
2017-09-22 16:21
早兩年,我向這個平台都係D果論點,17下年見頂,19年入深水區,冇变,牛轉熊(係模湖)。。非常有以下幾點轉娈,酒店,地,見底再破頂,澳門(領先小區,自由行)有破曆史錢入。。以上係過往領先資產價項目,金跌,銀5洗跌?想想!牛市尾,弱者渣,強者沽,地霸而家補,點解?想想。。利淡。。
9. 鳥5
2017-09-22 16:28
而家成友係市場最弱(首置)对最強(地覇),5係二手生導,第-次買对第二或三次買賣既業主呀!最兇殘時段
10. 鳥5.
2017-09-22 16:38
之於c生香港有而家,十萬億,97年2.75萬億所以D樓入大時化,呀大佬,水向低流呀!要入可快,要出都可快啫!。。但出係事實。如果D樓4,5年有45成水位,我係地覇5補地住啦!就係有風險,食湖先
11. 真真薯片
2017-09-22 19:15
地霸追求既係厚利少銷, 補地價係因為投標太貴, 當中資投地投到過萬蚊呎, 地霸威逼正苦比佢低價補地價, 交換條件係比地正苦既首置盤, 事實上係大家都好, 不過689小器唔想益地霸, 所以係689任內唔批補地價, 寧願大叫無地叫大家移山填海


話時話, 大陸錢莊wechat過數就可以走資幾百萬落香港果條水block左未? 在下唔熟行, 淨係記得上年有周刊專題講過, 不過手續費高
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。