地產論壇
登入名稱
密碼
頁數:
誰是陳倉兵
瀏覽人次:20715    回應:6

誰是陳倉兵

 

湯文亮博士

紀惠集團行政總裁
2017年9月18日

  政府在兩個星期前成立搵地小組,我撰文話那30位搵地小組成員是棧道兵,令到當中有人相當不滿意,他們對於能夠被納入搵地小組是非常自豪,因為,這是一個幾乎是不可能完成的艱難任務,若果政府不是認為他們有能力,絕對不會將他們納入搵地小組,話小組是棧道兵的人只不過是吃不到的葡萄是酸的,即是話我,其實我是絕對沒有貶意,亦不是吃不到的葡萄,這只是一個戰略,明修棧道,暗渡陳倉大家就聽得多,要知道如何有效地運作才是關鍵所在。

  在大約七八年前,公司打算購入一幢由外資基金擁有的物業,但進展緩慢,我和家姐商量之後決定由她做棧道兵,繼續與代表基金的香港物業代理洽談,我則直接飛到當地去找擁有那幢大廈的基金,而且出價比我家姐還要高,外資基金所收到訊息就是同一個集團有兩個出價,權力較少的出價比較高,他們認定我們在聯絡上出了錯誤,否則的話,應該是我家姐出價較高,於是接受了我的出價,鬼佬唔了解中國兵法,不知道什麼是明修棧道,暗渡陳倉,更加估唔到我家姐是棧道兵,所以,我對棧道兵絕無貶意。

  搵地小組只是成立了兩個星期,身份已經有所改變,已經從搵地變成用地小組,主席不但談及香港大約需要1,200公頃土地,更加推出首置上車計劃,如果不是胸有成竹,上述只是空談,在劍指郊野公園土地之前,首先是打地產商農地主意,地產商是超級生意人,絕對知道政府意願,於是積極補地價,一個有心,一個有夢,香港土地供應將不會是大問題,上星期新地,萬泰都與政府傾妥了補地價,最少可以興建五千個單位,在大家關心棧道兵時,政府官員粉墨登場,做了陳倉兵,估計政府與地產商完成補地價消息會陸續有來,不過,政府暗渡成功,樓價就會有下調壓力。

誰是陳倉兵
1. 十一哥
2017-09-18 10:36
富冇得同官爭…揾地組充頭、陀地自然識做、速補地價、否則收地組跟尾、到時就算收地價…高過補地價、都冇數為…點計都係麵包利錢高好多。

富豪唔識做  ?  官府衹要祭出…富豪與庶民同等對侍…收得古洞北…就收得隔離間富豪club、生意佬醒目…鬥快補價焗麵包啦!


2. 十一哥
2017-09-18 10:40
關鍵係…政府想唔想咁做呢?班官會唔會絕咗退休後出路呢?


3. 真真薯片
2017-09-18 10:44
唔知點解, 一換特首都多左招農地補地價造地

其實果d地本來應該係正苦過去十幾年自己收, 今日變成官地可以拍賣, 不過由於貪憎幫地霸, 下令地政總署公務員拖慢做野而糧照出, 結果收地工作由地霸接手, 官地變私地, 曬太陽十年

從會德豐既建議黎睇, 農地補地價+首置盤既計劃好簡單, 由發展商提供農地, 1/3起首置盤, 2/3起私樓, 正苦負責交通道路接駁, 發展商一直按兵不動, 就係等正苦黎求佢, 求發展商比地起首置盤, 對現競選承諾, 俵家係正苦求地霸, 價錢當然係地霸話事, 大西北既農地, 可能補地價稅2000, 將來賣一萬, 都夠肉食, 而補地價由地霸出錢去補, 供應量完全由地霸掌握, 佢想補幾多就補幾地, 情況就好似香港土儲由地霸揸莊, 如果想玩串d, 地霸可以搞“地霸土儲表”, 每個月“推地”, 訂個價錢比正苦考慮是否接受補地價, 正苦唔按受就“流標”收回地皮

結論係, 如果香港冇其他移山填海之類既造地大計, 靠農地補地價, 未來土地供應會完全由地霸掌握, 正苦完全失去主動權, 由於地霸可以全權管理供應, 供應增加都唔會多得去邊, 但係如果未來大西北有大量農地私樓供應, 而價錢係9000-10000, 未來大西北包括洪水橋, 元郎之類既樓價會受壓, 買樓都係買大帽山以南比較穩妥
4. 70s
2017-09-18 14:17
我估計林太背後,有高人指點。
如果小組能夠加多个中央特使,我覺得行事就更理想,中央亦可多些了解香港問題。
5. 真真薯片
2017-09-18 15:44
農地補地價唔係新野, 不過689心胸比較狹窄, 認為比地霸農地補地價, 一方面平價補地價益左地霸, 另一方面當當正苦去求地霸, 官威盡失, 所以689唔想跪低求地霸補地價, 但係地霸又唔急, 結果689唔將農地補地價當做搵地方法, 叫大家去移山填海

林鄭心胸闊過689, 同地霸關係冇咁差, 所以一上場補地價已經放鬆, 如果林鄭肯放下身段, 第一批可能有幾千個首置盤有機會係4, 5年後入伙, 代價係平價2000零蚊呎比地霸補地價起私樓, 其實只要唔眼紅地霸再賺一筆, 咁做都無可厚非

貪憎停造地7年, 其間地霸囤現樓囤農地, 令地霸發達發足20年, 隨時香港未來兩三任特首都要問地霸攞地起樓, 貪憎同地霸擺下呢盤棋, 真係非常犀利
6. 70s
2017-09-18 20:04
真真,,
所以覺得最好,由中央出面買地,
政府5洗再比地,土豪挾住,
亦可以將西環民望提升。。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。