地產論壇
登入名稱
密碼
頁數:
從地產股表現看樓市
瀏覽人次:21810    回應:11

從地產股表現看樓市

 

湯文亮博士

紀惠集團行政總裁
2017年9月11日

  世事如棋真的是沒有錯,林太的置業上車計劃只不過是剛開始談及,市場上已經有反應,而首先受惠的竟然是持有大量農地的地產商,市場上憧憬地產商會加快申請補地價,而政府亦因為要增加土地供應,可能在補地價方面有所將就,並不一定降低補地價費用,但就會加速進行,生意人都知道,執輸行頭,慘過敗家,當搵地小組仍然搵地的時候,地產商已經將農地變成住宅用地,繼而建房開售,盈利將會反映在資產負債表內,股票投資者預計到這個連鎖反應,股價又怎能不升。

  有分析員亦會考慮到,如果搵地小組真的是搵到地,地產商的農地豈不是會作廢,這應該是一個不利消息,地產股應該下跌才對,當然有這個可能性,但大前提是搵地小組是否可以搵到地,老實說,如果以一個無權無勢,烏合成軍的搵地小組可以搵到地,歷屆房屋官員根本是汗顏,如果仍然在職的應該辭職,搵地小組最主要工作就是迫地產商將手上農地轉變成住宅用地,在短短一個星期,就已經見到成績,嚴格來說,搵地小組亦有部份功勞,最大功勞是提議成立搵地小組的人,我有多少奇怪,點解梁特在搵地搵到粒粒皆辛苦都唔願意成立搵地小組來分擔他的工作。

  我估計政府亦有兩手準備,倘若地產商依然故我,唔肯補地價,政府就會劍指郊野公園,到時候,就算有人要反對都敵不過民生需求,不過,在大地產商之中,亦有人反對覓地,正確做法應該是壓抑需求,聽聞反對者還是梁特老友,至此我才明白,點解梁特認同曾特首樓價飆升因炒家炒起,而非土地供應不足所引致,同時不斷出招壓抑樓價,原來身邊有人出謀獻策,不過傳聞反對者手上的農地不多,如果其他地產商將農地轉變成住宅用地,他的狀況便不妙,競爭力一定不及其他地產商,公司股價會裹足不前,所以他反對亦是表現出人不為己的人性而已,而事實上如果供應充足,樓價就算下跌亦只不過是將以往過度升幅回復正常,當樓市回復正常,政府便可以考慮撤招以及放寬逆週期措施,到時候,成交量就會增加,無論是否持有農地地產商甚至用家都是利好消息,見不到反對理由,不過,若果以個人利益為大前提,反對亦是無可厚非。

從地產股表現看樓市
1. 鳥5
2017-09-11 11:19
郊地郊應,根本性就係先例,樓跌就收地易,樓升揾鬼同你傾咩!越耍 越來越貴,冇水揾bank傾啦!樓跌就 調轉,正苦耍,就越來越平,揾bank傾就越來越平,玩得5好再跌就比人call loan,D樓應該見頂啦!(希望幾年後係 軟著陸啦!我個人 杞人憂天啦!)不過如果好似 商場商舖 跌幅, 咁細價樓業主就大舊喎啦,D實力好差
2. 鳥5
2017-09-11 11:28
不過,地霸農地(發展成本,郊能係好過郊地),地覇本身係 選擇嚟玩!(要錢收㗎大佬),不過先例開,就 真係要食湖先。。。香港地,樓貴,地霸 幫手養馬騮養海豚,都得!樓跌就。。。。
3. 鳥5
2017-09-11 11:35
病尾醫生好造!醫死5关人事,醫好就小上手,好做。。。。
4. 真真薯片
2017-09-11 12:23
在下早就指出, 過去幾年正苦賣地快過造地, 話咁快就冇貨賣

貪憎7年唔造地, 發展商話你唔造我造, 趁班公墓園訓緊覺時密密收集農地, 十幾年過去, 發展商土儲遠超正苦, 依家正苦飽受壓力, 冇地起樓, 拿, 依家四叔大把地, 快d跪低奶鞋底求四叔補地價然後分少少地比你起首置盤啦, 依家係正苦求發展商補地價. 發展商盡享主動權, 條件任佢開, 正苦要出錢修橋鋪路, 塊地得一成用黎起首置盤, 其他9成補地價二千蚊呎, 將來賣萬五, 呵呵, 唔肯?咁就起唔成首置盤啦, 抽d公屋地黎起囉, 公屋條隊又排多幾年, 呵呵

都係多得貪憎7年刻苦經營, 今日香港地產市場, 地霸係莊, 正苦係閒
5. 鳥5
2017-09-11 15:51
cY都春5晒,而家正苦成萬億儲備,其實我早一年講,(通賬)係一種曲線税收,地到現樓,正苦要7~1o年,地霸行樓花2~3年。。林太其實係病尾醫生。。cY定林太醫得好,其實總制向(美国)唉!5知點講。。而家市場最弱係慈父。。後生仲有機加按揭加年期,但慈父就被動,當然睇(做)慈父Timming,今年年頭就好險。。。可以預期,地霸最大利益化去處理
6. 鳥5
2017-09-11 18:20
其實正苦仲好狠多招,填海,河套加填海,負面有租管,攪得掂 垃圾局,底牌有好,而家5係97前,大陸吹沙一個島,可以快過香港批入伙纸。。地覇5一定絕对(優勢),不境香港資產價格向美國定升跌果边!
7. LC
2017-09-12 01:55
其實E個問題同香港泊車問題一樣,經濟好既時候你去搵大量車位比市民泊車,吃力不討好,因為你供應越多,需求就越大,我有錢如果你開車方便,噤我咪買架車囉,你供應唔夠我就嘈爆你,香港人均gdp 世界都有名次,你要討好有錢佬都唔易,又要去討好香港既一搬市民,我相信以香港現今既政府人才,係有絕對性既困難,到你泊車位夠既時候,經濟唔好,D車位業主又會話你搞到佢D車位唔值錢,所以搞黎都side 氣,如果做同唔做你都係一定比人鬧,請問你會點做?梗係細聲講大聲笑,反正真正受益既人都係少數人,推得三五萬個單位既時候下一個經濟周期就到。所以 100 萬公屋住民我話知你係唔係富戶,最少你唔會上街X個政府,其實最理想既係,不停起公屋起到無窮人無地方住,噤反對政府既聲音就會自然消失。起乜野私人既,你起到下一個世紀都唔會夠。有錢既人購買力無限,無錢既人最多一家用你三五間公屋,起得多就無人嘈你。
8. LC
2017-09-12 02:03
而問題係,公屋你租得太平,跟本同社會消費脫節,你派米但係唔分程度噤派,梗係個個都嘈你啦,就好似D商戶推出 一蚊一件貨噤,你既貨有限,D人咪話你搵笨囉,如果你所有公屋戶都收返劏房價,我相信政府收入大增之餘,又唔會有人強霸公屋。問題係邊個夠膽去推一地兩檢,反正你都係要推,點解民生同政治野要有分別?噤咪令到事情犯政治化囉。習總都嘈你香港人啦,官都唔醒水
9. LC
2017-09-12 02:07
如果你公屋租到劏房價既七成,噤都己經大快人心,點解要少部份既人去比埋E 大部份人既支出?以我所知係公屋十年以上都脫唔到窮既,其實都唔識合係香港住,因為香港人真係好勤力,好上進,就好似城市人用六百萬去買一個單位,新界人就地價無限升值,,,就算公廠大樓都要補地價,點解新界人唔洗補一蚊就直接用香港噤貴既住宅地?
10. LC
2017-09-12 02:16
以前三四十年前消息唔通既時間,你可以唔理其他人既諗法,去搞福利主義,但係現今政府既運作市民都睇到晒,厚此薄彼既做法係香港住屋問題比較突出既問題,你要E個問題直到永遠存在唔去理佢,我諗香港一個噤唔公平既地方,永遠都唔會有一個安寧既日子,唔公平既分配係問題既源頭。
11. 炒風再起
2017-09-12 09:04

《本港樓市》官地炒賣個案再現,3個月升值55%

  官地驚現炒賣,3個月兩度轉手。宏安地產(01243)今年6月向亞洲聯合基建(00711)(前稱俊和)等購入馬鞍山白石地。  宏安剛再轉讓6成權益予碧桂園(02007),作價24﹒4億元,樓面呎價10500元,3個月內升55%。 樓價急升,地價亦向上,連帶政府官地亦罕有錄多次轉手。

市場上冇人相信政府可以成功壓制樓價。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。