地產論壇
登入名稱
密碼
頁數:
鐵血巴頓也是棧道兵
瀏覽人次:20352    回應:4

鐵血巴頓也是棧道兵

 

湯文亮博士

紀惠集團行政總裁
2017年9月4日

  上星期我撰文話新成立的搵地小組其實是棧道兵,有老友睇到之後話我對那三十位成員不敬,其實,不但沒有不敬,我反而覺得是抬舉了他們,棧道兵其實是很重要,嚴格來說,他們並未夠資格做棧道兵,就算不大懂得樓市的人睇到,那二十二位非官方成員又如何能夠搵地,責任始終在官方的成員,既然如此,政府又何需大費周章,林太直接指令官員搵地便可以,而且是許勝不許敗,不過,這樣做會令人覺得政府很霸道,或者得不到政府要求的效果,所以,便成立行動好似棧道兵的搵地小組。

  在二次大戰期間,盟軍反攻,準備在諾曼第登陸,當時,德軍統帥隆美爾根本睇唔起盟軍正副統帥艾森豪威爾與及蒙哥馬利,認為一個是紈絝子弟,只懂得銀彈攻勢,另外一個只識伏路把關,識得守唔識得攻,雖然,隆美爾在北非敗給蒙哥馬利,但他自己認為是戰線太遠,未能及時補給所致,不過,隆美爾就害怕一個人,就是鐵血將軍巴頓,於是,艾帥委派巴頓做棧道兵,成立A貨登陸部隊,吸引隆美爾注意力,盟軍才可以在六月六日登陸諾曼第,即使如此,盟軍在進軍德國時亦遭遇到德軍反擊,在突出部戰役,若果不是巴頓迅速行軍回師救駕,盟軍一定會受到重創,所以,巴頓這個棧道兵絕不簡單。

  政府成立棧道兵的概念是正確,但人選不但未及格,簡直可以用太弱來形容,如果那一班棧道兵可以成功搵到地,結果仲衰,即使話俾全世界知道以往的土地官員,包括CY都是廢柴,因為CY搵地要用粒粒皆辛苦來形容,所以,我差不多可以肯定說,政府一定可以搵到地,但不會由搵地小組搵到,如果政府要成立令人信服棧道兵,一定要搵一個有說服力的人做領軍,人選方面,我認為沒有人好得過林太,由特首親自督師,話唔定搵地小組真的是可以搵到地,不過,大家都知道,政府成立什麼小組都是掩眼法,最後都是劍指郊野公園。

鐵血巴頓也是棧道兵
1. 真真薯片
2017-09-04 09:40
如果林太自己做, 結果18個月後都係搵唔到地, 咁以後點算?
2. 香港土著
2017-09-04 10:55
過去五年, 覓地成效低有兩大癥結, 一係上手因素, 煲呔多年凍結供應造成; 二係政治因素, 大陸兩派打得火熱, 梁特大玩騎牆藝術, 意圖不明, 但結果係搞乜衰乜, 要地冇地.

假若十九大爭凳仔分出勝負, 權力歸邊, 上述政治因素自然消失, 到時林鄭想繼續玩梁特藝術都冇得玩. 如無意外, 現屆政府開山劈石, 覓地成效將會事半功倍.
3. 如無意外
2017-09-04 11:28
如無意外..... 樓市發展并無意外,只係淡淡一直一廂情願....會錯意......結果總是意外
4. 引刀一快
2017-09-04 13:50
開發郊野公園當然係最簡單嘅揾地方法,北京地皮值錢咪鏟曬D四合院囉。所以我力推大家早早去大灣區置業,呢D就叫做此消彼長,香港嘅領導越來越短視,大陸嘅管治水平只要唔出現倒退,終會兩邊扯平。一旦扯平,香港算老幾?



頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。