地產論壇
登入名稱
密碼
頁數:
成交量低,樓價上升是正常
瀏覽人次:20289    回應:6

成交量低,樓價上升是正常

 

湯文亮博士

紀惠集團行政總裁
2017年9月3日

  星期五中原指數再創新高,有人擔心政府會再出招,我認為不用擔心,雖然中原指數再創新高,但成交量維持在低水平,表示在現階段有心買樓的人都不願意入市,指數創新高只是由一小撮人做成,其實,成交量低,樓價上升是正常,反之如果成交量低,樓價繼續下跌就大件事,表示樓價會向下尋底,所以,在現階段中原指數甚至政府樓價指數都沒有代表性,業主有能力持貨不賣,但始終會有一小撮人要以高價買樓,做成樓價屢創新高,如果以此認為樓市失控,我認為是庸人自擾。

   現在擔心樓價指數是否會再創新高,不如擔心當指數下跌,成交量依然偏低,如果這個情況出現,以契第走得摩心態,樓價就會急跌,這個擔心並不是多餘,因為市場上購買力已經被新樓盤吸納得七七八八,就算有荀盤,都沒有大多人有能力買,從最近銀主盤拍賣,十六個銀主盤要被銀主收回,一般來說,銀主盤諸多限制,以及聲名不好,比市價有兩成內折讓亦很正常,現在,連銀主盤也賣不掉,可見購買力是相當薄弱,即使樓價下跌,亦未必可以令到成交量急升,樓價指數雖然仍然上升,但其實已經響起下跌警號,不過,一般人並沒有留意,以為樓價指數代表一切,而忽略了成交量,他們並不知道,在成交量低情況下,樓價上升是很正常。

成交量低,樓價上升是正常
1. 連華懋樓都搶,個市的確好癲!
2017-09-03 07:52
中型發展商華懋接連在去年和今年的夏天成為新盤市場主角,搶去大型發展商不少風頭,去年旗下海翩滙賣樓過千人逼爆畫面,今年荃灣全.城滙重現,不下一個代理高層都直言,「連華懋樓都搶,個市的確好癲」。
2. 真真薯片
2017-09-03 12:12
銀主盤本來就係要筍價先叫銀主盤, 銀主盤價唔筍, 我做咩要買銀主盤?買普通盤或者一手盤唔好? 

同股票一樣, 低成交有助價格爆邊, 一係爆上一係爆落, 依家係乾升, 相信遲d要跌都會係乾跌
4. leo chan
2017-09-04 02:13
單看一個數據係會令人好易做錯估計,樓市升到跌,我相信同資金有關,租金不停向上係保持樓價既因素之一,看成交真係無乜人想用現價買樓,亦都代表無人想係E 個價錢賣樓,所以無乜代表性。看後市 RMB 升,而美金向下,通帳一定會係高位,再看香港人既搵錢能力,旅游人數同洗費都報佳,一個地方搵到幾錢,果個地方既生活指數亦隨之而行。單看成交唔算有絕對既啓視。
    再看 97 年GPD per capita 其實係而家既差唔多double , 可以講 唔係因為美國玩野香港樓其實唔會爆得噤緊要,因為香港人搵既錢從來都無少過,只要有錢,人就會買樓,收租好自住好,之所以 97 年之後樓係向下跌,但係到今時今日有多過半數人供完層樓就係因為收入無少到既關係,好簡單一樣野,錢係15 年之內就會通帳一倍,一般人會供 30 年來說,到你供到十五年之後,你餘下既供款會少一半,而你供樓既能力會大一半。就算係 97 頂買左樓既人,供到今時今日要供既錢 ,都唔可以同日而語,20 年前既 100 萬,到今時今日只可以當 50 萬洗,噤借問聲就算 97 買左樓又係唔係真係衰左?我諗只有好精算既人先會計到E條數。小弟無謂係度班門弄斧。
5. leo chan
2017-09-04 02:26
廿年前買個大家樂 20 蚊個飯,到今時今日 40 蚊個飯,但係供樓既人都係供緊 20 蚊果個飯,但係你享受緊 今日 40 蚊既飯。如果要搵一樣野投資係跟通帳既,其實你幾時買都無乜分別,因為錢只有越黎越多,通宿只會係一個好少既時間,大家樂會唔會賣返 20 蚊個飯?會唔會賣返 10 蚊一個飯?我好相信同個樓市一樣,因為租金係跟通帳,萬一租可以返到二十萬前,噤你既投資先會叫衰左,otherwise , 我諗長遠黎計樓係無輸(日本堅係例外,因為無人接力),而家每年都有噤多人黎港,萬一有一日香港人出生率再少一半,而黎香港既新移民又少一半,噤小弟就會開始賣家檔到第二度發財。再係度唱淡樓市。

6. CD ROM
2017-09-04 16:58
真的有平市價2成但無人買既銀主盤嗎???

市價是甚麼??? 可能那根本只是銀主一箱情願既目標價而已..........
7. 引刀一快
2017-09-05 02:03
To 5樓 Leo chan兄

實事求是,97年美心一個飯30蚊,2002年跌返落18-20蚊,當中有起跌。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。