地產論壇
登入名稱
密碼
頁數:
銀主盤拍賣食白果的啓示
瀏覽人次:23396    回應:10

銀主盤拍賣食白果的啓示

 

湯文亮博士

紀惠集團行政總裁
2017年9月2日

  早兩日有拍賣行拍賣十六個銀主盤,但全部都唔到價要收回,有新做財務公司行業的朋友非常擔心,因為一般來說,財務公司所借出去的錢,一定會大幅低於物業資產價格,市值八折已經去到盡,如果債仔唔還錢,立刻就會沒收物業,以銀主身分放售或者拍賣,在以往,那些都會歸納為荀盤,不用經過公開拍賣,很多時都是由開財務公司的親友買回,連公開拍賣也不需要,老實說,債仔已經六神無主,只求甩身,財務公司不再向他們追數便可以。

  現在,有一些新進財務公司,他們是很有衝勁,對前景睇得非常美好,他們認為業主所欠財務公司的債務與銀行估價尚有兩成距離,他們做二按多借一成應該沒有問題,甚至替業主還清所有欠債,他們自己做一按,不過,利息當然是非常昂貴,債仔見有錢借,不用即時死亡,什麼也會應承,新做財務公司的人不知道,他們其實是買了一個銀主盤,幾個月之後,他們就會真正做了銀主,現在經拍賣行銀主盤大多數是這樣得來,銀主已經借出了很多金錢,所以,他們要求的售價亦相當高,銀主盤不獲承接而被收回亦是可以理解,否則,最後一個承造按揭的財務公司就會損失慘重。

銀主盤拍賣食白果的啓示
1. 等待好時機
2017-09-02 10:01
完全認同,一路講好消息,精明都知道,根本這一兩年好似無問題,但實在如加息的時間到的話,樓價高企,根本無可能上會,上倒都大危機,至於賣不出去,就租出去,事問租金昂貴,又有多少可以比得起,只不過有人說快些買,遲早再升,你試試問下發言者佢地又買了幾多,哈哈
2. 真真薯片
2017-09-02 12:37
只要一日仲見到周街都係財仔廣告, 一日都唔洗替財仔擔心

借錢唔x還, 斬x死中介
借定唔借, 還得到先好借
3. 引刀一快
2017-09-02 17:40
真真薯片兄

幾時都唔會為財仔擔心喇,為果D不停創造健力士記錄嘅納米樓買家擔心啫。
4. 等待好時機
2017-09-02 17:47
薯片大哥,
其實有不少Agent 出來講反話,佢地永遠不會講個二手交投十分差,完全幫哂地產商,唉!!
5. 向引刀‧土著‧自醉‧浪子‧阿井 說不
2017-09-02 18:10
傻燦,

幾時都唔會為納米樓買家擔心喇,為果D不停創造健力士記錄嘅助威者 傻燦‧土著‧自醉‧浪子‧阿井 租樓日日賺擔心啫。
6. 香港土著
2017-09-03 00:54
5樓,你補一補數學先啦,生性d吓!哈哈… 租金係純開支,但買樓就冇雜費?唔買樓,五成首期用嚟收七厘係起標數目,夠比租金有凸。
7. 引刀一快
2017-09-03 01:01
香港土著兄

說不女今次唔係全部廢嗡喎,佢話:“幾時都唔會為納米樓買家擔心

呢句係說不女嘅真心話!有單開,話之佢死。
8. 向引刀‧土著‧自醉‧浪子‧阿井 說不
2017-09-03 22:52
土包兄又真係見多識廣,識得精打細算,抵你做租租。

唔好講得咁遙遠喇,就講年半前 傻燦‧土著‧自醉‧浪子‧阿井 日日係度誓神劈願預測樓市跌到118,而且講緊未來租樓日日賺的美麗神話時,指數位由127,到今天161,指數升咗幾多百分比,當真我要努力補一補數學先識計。如你所願,左計右計連埋啲雜費,都同7厘差唔多阿可。 
9. 引刀一快
2017-09-04 01:54
說不女,你D老友話118都冇喎,呵呵,點計好呢?
10. 香港土著
2017-09-04 10:17
八樓哩位衝馬路先驅都蠢得幾勻循, 只知道樓市升, 其它野升又唔知咁款, 真係笨有笨的幸福!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。