地產論壇
登入名稱
密碼
頁數:
潛在購買力顯露出嚟
瀏覽人次:9005    回應:5

潛在購買力顯露出嚟

 

方卓如

2017年8月30日 (信報)

  一星期內有兩次8號風球,又見到澳門要出動到解放軍救災,令到香港人唔再對打風掉以輕心。30歲樓下嘅人係未見過打風原來可以死人,所以先有咁多打風去滑浪嘅節目,而家明白到打風水浸可以浸滿停車場,冇人夠膽再睇小大自然。

  荃灣新盤開售,打風都收到超過2萬票,證明想買樓嘅人遠超過供應數量,只要價錢稍為收斂,買家即刻空群而出。所謂樓價同市民購買力脫節,其實只要發展商願意唔賺盡,繼續提供二按,賣樓一定賣晒,樓價絕對係市民負擔水平。就係有發展商願意用收斂價賣樓,市場嘅潛在購買力完全顯露出嚟,發展商未來賣樓可以更有把握。

  政府講嘅未來四五年供應量9萬幾伙,其實完全掌控在發展商手上,唔到政府話事。如果發展商夠絕,未來幾年供應可以一伙都冇。發展商雖然係要貨如輪轉,但又唔會平賣以求盡快去貨。樓市唔似股市,市場資訊唔係即時可以反映,購買力多少好多時要事後先知。

賣樓係藝術

  賣樓又要賣得晒,又要賣得價錢高,直情係藝術。發展商提供二按係可以增強購買力,但如果俾發展商揀,佢哋寧願唔賺二按。自己借二按,即係層樓賣咗都未收齊錢。況且二按即係自己承擔咗斷供風險,銀主盤價錢低過市價,你追債仔差價通常都係唔成功,最後只係令佢破產。

  發展商唔肯減價賣樓嘅代價,就係要同債仔一齊冒上樓價下跌風險。市場成日以為發展商提供二按係同市民對賭,其實唔係,提供二按嘅發展商,同業主係坐埋同一條船,正如你唔會話提供按揭嘅銀行係同業主對賭,冇銀行想見到業主斷供。

潛在購買力顯露出嚟
1. 講出實話
2017-08-30 19:53

變相又刮博士一巴,博士之前不斷的地銀主勢將樓價壓下,矛頭直指細價樓,這編文章,剛剛相反,政策令人更加需求細價樓,反而想賣掉豪宅,而樓價更沒有回落,與博士所說的剛好相反!

2. 引刀一快
2017-08-30 22:03
購買力同購買意向係兩碼事,冇意向再多購買力都係枉然。
3. 向引刀‧土著‧自醉‧浪子‧阿井 說不
2017-08-30 23:03
傻燦‧土著‧自醉‧浪子‧阿井 有意向等到樓價低見118時才買樓,冇銀紙再多的意向都係枉然。
4. 引刀一快
2017-08-30 23:38
哈哈哈哈,就係唔買,吹呀?
5. 冰封
2017-08-31 20:57
政府用辣招冰封一百五十萬個潛在二手供應,主要是迫上車客買天價細價樓。未來會出現細過一百尺的迷你戶,尺價會升過三萬。多謝辣招,细價樓越升越有。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。