地產論壇
登入名稱
密碼
頁數:
如果輸,就唔會過嚟澳門賭
瀏覽人次:22756    回應:4

如果輸,就唔會過嚟澳門賭

 

湯文亮博士

紀惠集團行政總裁
2017年8月14日

  星期日早上,有澳門同學約飲早茶,佢話睇到香港人買樓情況,香港樓市應該冇得跌,昨日有記者訪問那些排隊買樓的人,當中有人話,如果樓價跌,就唔會排隊買樓,試問那些人不但豪氣干雲,而且信心十足,樓價怎會跌,就算細價樓都唔會跌,同學不但叫我轉軚,仲話雖遲未晚。

  我沒有表態,依舊與老同學閒話家常,講下少年往事,講到當日,我們見到香港人來澳門賭錢,口痕問是否唔驚輸,那些人話根本沒有想過會輸,如果輸,就唔會過嚟澳門賭,同今日排隊買樓的人所講的話很相似,當時我們當然唔會開罪到澳門賭錢的人,並且預祝他們大有斬獲,不過,預祝就還預祝,很少人可以做到,並不是他們未試過贏,而是他們不懂得幾時收手。

  其實,無論賭錢或者買樓的人都講得沒有錯,如果不是信心十足,又點會去賭錢或者買樓,講到明是有強姦,冇焗賭,記者訪問那些排隊買樓的人,唔通希望他們會話唔睇好樓市,所以,答案根本不是答案,如果以這個答案來推算樓市還有上升空間,絕對是沒有說服力,老同學話今日普洱唔錯,叫我品嚐一下。

如果輸,就唔會過嚟澳門賭
1. 真真薯片
2017-08-14 09:24
排隊條友講咩可以唔洗理會, 但係葵涌單棟納米樓賣萬八-兩萬蚊呎竟然可以一Q清, 就真係相當意外
2. 引刀一快
2017-08-14 10:23
有人推薦大灣區,自然有人話香港係大灣區龍頭,所謂寧要河北一張床,不要河南一棟房(指廣州)。

廿年後,算你一張床升值十倍,你人生呢四分一就係得張床,人家一棟房,起碼舒服咗廿年先。


3. 賺拾倍還有機會嗎
2017-08-14 18:27
這裡不斷有投資大灣區的建議,鄙人在中國買樓十幾年幾拾間,剛遇上大升浪,幸運賺了,期間體會到稅制和政策變幻,深感法制不健全的國度,決非囤錢的好地方。此所以有辦法的人皆安排後路,幾年間外儲失去萬億。計入國內法制人治的風險,以現在的水位計,宜走不宜留。投資在環球有法制可依的地方,縱使買貴了,還有時間可守,今天的大陸已是五萬十萬一平方,賺十倍的機會還會多嗎?
4. 引刀一快
2017-08-15 06:43
黐筋嘅,大灣區依傢大把800-2000蚊一平方英呎嘅樓。

大灣區1500蚊呎冇得升十倍,唔通15000蚊呎嘅港樓反而升十倍?

大家都唔升,大家都同價,我就係住大你十倍,一齊守我舒服過你好多,就係咁簡單。

既然覺得要走,咁就香港都唔好留,五十年不變嘅希望,無論如何都已經過咗廿年,剩低30年你想點?一國兩制均質化之下,就算香港唔赤化,大陸一樣會進步。

你去搵地方走囉,我鍾意食地道中國菜。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。