地產論壇
登入名稱
密碼
頁數:
樓價升是因為錢太多
瀏覽人次:25094    回應:10

樓價升是因為錢太多

 

湯文亮博士

紀惠集團行政總裁
2017年8月9日

  陳茂波在星期日發網誌,再一次提及未來三至四年有九萬八個住宅單位供應,當中超過七成是細單位,而耶倫則表示加息將會依照時間表進行,除了加息之外,仲會燒銀紙,即是縮表,當日美國為了救經濟,狂印銀紙,今日燒掉一些亦很正常,至於對香港樓市影響,燒銀紙比加息大得多,而現在大家不時睇到市面上多了很多空置舖位,重新租出的舖位大多數是要減租,這表示經濟轉壞已經去到表面化,不過還未到達惡劣階段,做生意的人大多數是了解這個環境,暫時做守財奴,在經濟轉壞時出擊,成功就好,唔成功就成仁,仲會俾人笑是傻仔。

  在各項不利因素包括供應增加,加息縮表,經濟轉壞的情況下,樓價依然上升,有銀行朋友跟我說,樓市是沒有問題,實在是錢太多,而且香港是安全地帶,存放在香港的錢不會那麼容易離開,叫我放心睇好樓市,其實我一向睇好樓市,只不過話細價樓升得太多有危險,這點陳茂波亦作出相同警告,而且細價樓業主的防守力並不足夠,樓市下跌,他們是第一批受害者,任何人對他們提出警告亦是合情合理,至於錢太多又不關那些細價樓業主的事,如果他們真的是錢太多,就會多付首期買二手樓,未必會買新樓,而買新樓的目的是因為地產商可以提供八成半按揭,他們毋須付四、五成首期。

  我亦不能夠說銀行家是錯,在銀行的結餘可以睇到的確是錢太多,但如果稍為分析,便知道除了有部分是游資外,有很多錢是屬於地產商,由於地產商錢太多,為了可以出售手上物業,於是自製去庫存計劃,向買家提供高成數按揭,令到不夠錢付首期的人可以買樓,分擔當樓價下跌時地產商所揹的風險,同時可以將供應量釋放到市場,舒緩樓宇供應不足的老問題,所以政府亦歡迎地產商做法,否則就會立例禁止高成數按揭,不過,高成數按揭的確令到需求增加,結果是樓價上升,總之,市場上如果錢太多,無論在地產商或者在打算買樓的市民手中,都會做成樓價上升。

樓價升是因為錢太多
1. 真真薯片
2017-08-09 09:31
98000供應, 有一成係納米樓, 一成至一成半比地產商囤積居奇唔賣, 即係打75折, 變成73500, 分4年賣即係每年要18375

18375相比過去幾年其實都唔算少, 依家新樓賣到萬八, 九, 遲d應該會賣返萬五, 六, 仲可能有少少萬一二
3. 香港土著
2017-08-09 12:03
薯片兄,

你條數冇問題,實際係計緊每年一手買賣總數。個人認為唔應該將哩條數同政府所講數字混為一談。供應/庫存係咁多就咁多,地產商有貨賣唔出/唔想賣係另一回事。
4. 鳥5
2017-08-09 13:42
其實(樓宇)供應,資金,人对(樓宇既合理價格)。後2者都係娈數。。。包括地覇。。。人要時間 適應..快者為強,慢者為弱,有幾何(聽見)棺材流眼淚,之於資金如是,銀行佬又幾何 贏得多過抄家呀!大多人都係攞(同行,同綫)做比較,其中地霸同行有行家劈,揸庒就要跟跟,(人群心理)本來就係(自然現像)。。是故牛轉熊係 蒙糊, 即市見頂 都有升咗14年啦!轉跌,係有(過程)。。5一定係急跌。。不過冇出過 辣椒(抽税)。。 只係按揭出招。。果市已經5係好掂,地霸以高按出貨後,一輪都已開始静。。甘下年你係地霸(要出)你點假,(5出)等同賭大D。。越坐得多就等同賭得多。今年5出,老细仲係易信,出年呢?同行爭出呢?老細點谂呢?諗下,就 憑(錢多)就要賭大D??
5. 博士粉絲
2017-08-09 13:44
我覺得地霸不是傻的,每年手持物業要mark fair value revaluation,而家個市咁熱,唔賣揸起手年底又mark番revaluation,公司整體純利其實影響不大(差左recognized gain定realized gain)。

倘若日後個市冷卻番,年底要mark fair value loss,點敢揸咁多現貨呀,早散早著啦,唔係每年公允值變動虧損扣好多純利架,唔通等公布業績果陣發盈警咩。。。

呢個唔係有幾多實力,有幾多現金可以改變的,揸愈多貨起手淡市會愈危險,公允值變動扣純利,直接影響股價,啲大股東亦唔想見到
6. LCG
2017-08-09 14:25
自己條數識計嗎?如果計得掂,何需理會別人條數?
7. 白痴仔
2017-08-09 16:22
樓升係因為地產商不斷推高樓價,而D人又唔爭氣不理性地高追,其實使乜咁心急呢?好多人入左貨先醒,跟住撻訂,真係悲哀。
如果大家唔買,睇吓情況ㄧ定完全不同。
所以話香港人真係白痴。
9. 真真薯片
2017-08-09 18:11
辣椒同壓測鎖死二手, 將需求推向一手, 令一手市佔更高, 發展商定價權更強

講供應量, 無非都係想講樓價, 推出黎賣既供應先會對樓價有影響, 所以睇實際推盤量有用過睇正苦既所謂潛在供應量
10. 白痴仔
2017-08-10 02:15
政府已經開始打擊鄉黑, 好明顯習大大落order, 要開始打丁權問題,助林鄭能容易在新界元朗找地起樓, 鄉議局今次冇得say no, 各位剛做業住既朋友,今次唔指4年9萬8,如果真係咁, 横州就有20萬個單位起到, 到時樓價真係直插,我都唔知跌幾多???

請湯生思考及分析ㄧ下我既睇法
11. 白痴仔
2017-08-10 02:29
還有ㄧ講, 歴史上從未試過收水, 甚麼財經專家地產專家話樓價冇得跌, 乜佢地真係咁勁知道收水冇料到咩? 我只知道地產商不段調高樓價係為左未來樓價跌得多都冇咁傷。
12. 白痴仔
2017-08-10 02:38
各位朋友,
要預測未來, 係要知道政府現在做緊乜,而唔係再討論政府過去做個d乜野, 
湯生條題話今天因為錢多,咁收水後明日呢?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。