地產論壇
登入名稱
密碼
頁數:
何謂守財奴
瀏覽人次:25224    回應:10

何謂守財奴

 

湯文亮博士

紀惠集團行政總裁
2017年8月5日

  今日上午去睇樓,中午一個人食晏,在一間水餃專門店叫十隻羊肉餃子,一碗擔擔麵,一杯檸水做午餐,見到一個不大相熟的朋友,問我點解咁慳,是否做守財奴,我朋友不明白守財奴定義,他亦不知道我在請客時絕不孤寒,不過一個人食,何必太浪費,但我又知道有很多人是闊佬自己,孤寒別人,或者會有人不同意,那些人其實是守財奴。

  守財奴的最大的分別就是一次性以及連續性的使費,一次性的就要應使得使,如果一次性的使費有高效率回報,就更加要使,否則,這就是守財奴,連續性的就要小心計算,例如現在政府有接近萬億儲備,應該投資各項基建,以其增加日後競爭力,並且可以從中獲得回報,亦應該鑿山填海做地,解決香港市民的需求,如果仍然抱殘守缺,應使不使,這就是守財奴。

  但政府若果因為有萬億儲備,大量增加公務員及各種福利,做成赤字預算,到經濟環境轉差,增加的開支及福利又不能減少,赤字只會愈來愈大,對政府就會做成衝擊,在這方面,做守財奴反而是正確做法。

何謂守財奴
1. 引刀一快
2017-08-05 10:42
開源節流,唔止應該用喺政府運作,亦應該用于環境保護,縱使香港郊野公園面積廣闊,過度開發亦有出現功能性破壞嘅一日。所以應該開源,珠三角住多兩三百萬香港人絕無問題,住得好兼住得平。以前政府計較香港人嘅生菓金用咗喺大陸會蝕水,離港時間長會吊銷生菓金,但係沙士經濟差又排隊返深圳買餸,呢種又計較又搵著數嘅理念,依傢絕對係不合時宜,兩地融合,香港認祖歸宗,香港政府好應該食到盡,打開港人住房供應之門,節省并减少破壞本地優良生態之舉,保持香港各項優勢平均之餘,解决民憤民困。
2. Bos Fan
2017-08-05 13:07
應該同大陸租大塊地1仟幾佰年,行香港法律,移居d人去啦。
3.
2017-08-05 13:08
羊肉餃子,擔擔麵,可配豆漿
4. 套股換樓
2017-08-06 00:21
近月港股氣勢如虹,部分股民趁高獲利,將熱錢轉投向物業市場,二手市場近期連接錄得「贏股買樓」個案。

世紀21日昇地產黃文龍稱,近日有買家眼見港股「升到癲」,將手頭上大部分股票沽出,一口氣斥資612萬元買入鰂魚涌南豐新邨兩房戶投資。該單位為9座中層F室,實用面積391方呎,原業主最初開價630萬元,之後減至612萬元沽出,實用呎價15,652元。

黃文龍續指,另外有買家以688萬元購入將軍澳藍塘傲8座低層F室,實用面積405方呎。據悉,該名買家付五成首期,斥資近350萬元,當中逾200萬元也由股市變現所得。
5. 套股換股
2017-08-06 00:31
今年港股狂升,手上的港交所有機升到$300,滙豐變番$100有望,另外隻股王騰訊年底有機升到$500。今年下半年恒指如升破3萬,大把人會把在股市赚到的錢買樓及車位,磚頭才是港人致爱。

今年香港股樓齊鳴,林鄭脚頭好!
6. 升到你迷信
2017-08-06 11:29
2017同2018年香港股樓都升到你迷信, 淡友們好陰公。
7. Alan Pepper
2017-08-06 12:41
同意至極!
8. 肥己瘦人
2017-08-06 13:14
政府官員人工之高係世界之最,比美國總統還要高,官員們對自己就咁慷慨,但對市民就咁孤寒,呢種守財奴唔知道點形容好。
9. 打工仔 Andy
2017-08-06 13:22
應洗得洗, 不必洗的一元都厭多, 應洗的絶不手軟! 
10. 鳥5
2017-08-09 13:36
其實(樓宇)供應,資金,人对(樓宇既合理價格)。後2者都係娈數。。。包括地覇。。。人要時間 適應..快者為強,慢者為弱,有幾何(聽見)棺材流眼淚,之於資金如是,銀行佬又幾何 贏得多過抄家呀!大多人都係攞(同行,同綫)做比較,其中地霸同行有行家劈,揸庒就要跟跟,(人群心理)本來就係(自然現像)。。是故牛轉熊係 蒙糊, 即市見頂 都有升咗14年啦!轉跌,係有(過程)。。5一定係急跌。。不過冇出過 辣椒(抽税)。。 只係按揭出招。。果市已經5係好掂,地霸以高按出貨後,一輪都已開始静。。甘下年你係地霸(要出)你點假,(5出)等同賭大D。。越坐得多就等同賭得多。今年5出,老细仲係易信,出年呢?同行爭出呢?老細點谂呢?諗下,就 憑(錢多)就要賭大D??
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。