地產論壇
登入名稱
密碼
頁數:
茶餐廳亂話(154)樓市下跌的訊號
瀏覽人次:22815    回應:5

茶餐廳亂話(154)樓市下跌的訊號

 

湯文亮博士

紀惠集團行政總裁
2017年8月1日

  今早天氣雖然有雨,但依然很悶熱,跑步很辛苦,只能完成了最基本路程,再加上十分鐘跳繩,攰到好似想死一樣,去到茶餐廳,有理冇理叫水吧煮一個即食麵,加一隻蛋,一塊午餐肉,我起碼已經有五年沒有食餐蛋麵,明知這是垃圾食物,但唔知點解,食完很舒服,其實,有時放肆一下,真的很開心。

  有熟客問,我話樓市跌,但差估署數據顯示,樓市仍然上升,那人並不知道,差估署顯示的是六月份數據,我預測樓市上半年升,下半年跌,上半年總算預測準確,七月份中原指數下跌了些少,算得是險勝,其實,樓市已經出現了下跌訊號,大家會很奇怪,那些訊號是由地產商發出來,他們話睇好樓市前景,所以惜售封盤,但是地產商不知道,惜售封盤並不是睇好後市,而是希望後市會好轉,換句話說,即是樓市現在並不太好,他們不願意減價,唯有話惜售封盤,那位熟客口噏噏話地產商說睇好後市而惜售封盤,我點解話這是樓市下跌訊號,我唔知怎樣解釋,唯有埋單走人。

茶餐廳亂話(154)樓市下跌的訊號
1. 引刀一快
2017-08-01 10:20
賣家封盤,買家封荷包,係一個對決。

睇下邊個贏。
2. 真真薯片
2017-08-01 10:21
地產商惜售希望樓市轉好, 其實係自我實現既投資行為, 當人人都覺得隻股票會升, 於是人人都是去買, 隻股咪升囉

香港地產發展商有高壟斷性, 尤其係屋苑式有800個單位以上既新盤, 有貨賣既發展商唔超過十個, 如果呢十個發展商都惜售, 想買既人隨時間累積, 發展商就可以自己制造好市

不是好市黎之前先會有跌市, 發展商同實力投資者已經儲定錢擇肥而噬
3. 樓客
2017-08-01 12:01

賣家買家對決, 是一場不平等的對決。

得一層樓的賣家唔會郁, 有多過一層的賣家就收住租等高價, 買家卻要交住租等。

即係兩方打仗對持, 一邊就要不日日送糧草(交租)比對家, 對家就日日收你糧草(收租)黎同你對持. 唔使打都知邊個頂唔住先.

4.
2017-08-01 21:18
如此天氣,室內跑步為佳
5. 博士粉絲
2017-08-01 22:23
買定租既決定 / 沽定長期收租既決定,唔係比較兩邊陣營,係比較自己既風險同回報,再做自己既決定,對面陣營既回報(糧草)或者接受既風險,同自己根本一啲關係都無

已有樓者,比較既係,繼續持有既租金回報 vs 繼續持有既跌價風險,如果早年買落,回報6 - 10厘,跌60%都未到當年買入價,就未必大意欲出售,除非怕之後跌會賺少左,但近年買樓投資/自住既,未必有咁好回報同風險,可能係3%回報 & 15% buffer或者更少,沽定長期持有,自己睇情況決定

租樓者,比較既係,繼續租樓既支出,大慨係3%一年 vs 而家買樓擔既跌價風險,如果估未來三年最少跌一成,咁已經夠三年租金開支,買既意欲未必大。如果覺得未來3年會繼續升,咁真係要仆住去買,亦係自己睇情況決定,唔會受對面陣營影響

隨著樓價愈來愈高,兩邊陣營考慮既野都會唔同左,有樓既可能想先獲利,無樓既可能唔敢買,都有可能發生,邊個大力啲,真係鏈過先知
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。