地產論壇
登入名稱
密碼
頁數:
劏房戶增加是房屋政策苦果
瀏覽人次:25468    回應:11

劏房戶增加是房屋政策苦果

 

湯文亮博士

紀惠集團行政總裁
2017年7月13日

  經濟學家王于漸話解決香港貧富懸殊問題如食蛋糕一件,只要出售公屋便可以,最好是以低價甚至免費送給那些公屋住戶,免差餉管理費,那些公屋住戶立刻有幾百萬,算得上是一個小康之家,王先生這樣說,就好似在環球金融海嘯時,有經濟學家話用直升機將銀紙撒下,就可以解決問題,兩位經濟學家的想法其實是一致,就是無條件送錢俾人,在美國,政府送錢給國民解決債務問題,在香港,政府送層樓俾那些公屋住戶,使他們變成業主,又立刻解決貧富懸殊問題,而事實上是否可以送錢送屋就可以將問題解決,其實,美國印銀紙並不是送給國民,只是借給有需要的人,現在縮表,即是叫那些人還債,當日香港出售公屋,當時的確做就了不少業主,但日後則做就了不少劏房戶,甚至露宿街頭的人,政府其實是好心做壞事。

  如果要我說政府最差最蠢的房屋政策,一定是出售公屋政策,當日,董特首向星架坡學習,要人人有其屋而推出八萬五,其中是包括以低價出售公屋,但當時董特首並不知道,他這樣做會為未來大幅增加劏房戶以及露宿街頭的人,當時有不少人以低價買入公屋,後來樓價飆升,那些業主利用公屋升值向銀行借錢消費或投資,到最後,就不得不將他們所擁有的公屋出售來解決財務問題,最初他們還可以租比較大的地方住,但愈住愈細,要住劏房,甚至要露宿街頭,而他們回顧那些沒有買公屋的人,雖然曾經被別人取笑,但最低限度,那些人仍然可以住在公屋,其實,有不少公屋業主早已將他們的單位向財務公司舉債,樓價上升他們還可以苟延殘喘,當樓價下跌,他們就要被迫出售公屋單位,最後又會變成劏房戶,所以,林太為了解決燃眉之急,大膽將劏房戶變成半合法化,除了那些劏房戶經營者,其他反對聲音不多,不過,將劏房戶變成半合法只是暫時治標,如果不將劏房戶來源截流,問題是永遠不會解決,而截流的辦法很簡單,就是不要再出售公屋。

劏房戶增加是房屋政策苦果
1. lc
2017-07-13 10:37
劏房戶我相信同 香港每日入 150 低下勞動人口有關,一年都四萬個人,唔住劏房就係訓街。其實公屋都係希望比入住既市民有足夠既時間向上流,問題係而家私樓居住環境比公屋都重要差,但係負担就以二十倍以上差別,真係傻既都唔會由一個火坑跳入第二個更深既火坑。我諗前題係香港向上流既機會比較少,,,變成M型社會,醫生都話難買樓,住公屋既市民直情就放棄上流,成世住公屋比起中產既disposible income 都重要多,中產供樓都無錢生仔,又要靠低層上流成為中產,香港樓市同人口政策簡直係要香港提早收皮。


2. 十一哥
2017-07-13 10:55
出售公屋已經夠荒謬、更荒謬係…補價可以放去公開市轉售、公屋交咗租…其他就政府跟尾…交唔起租…揾公援大條道理、買斷咗…差餉·維修·管理費…食自己、住同一座樓…但就兩種待遇、樓價升…冇買斷嘅實谷卵氣、要科水維修時…買斷真自住嘅…就覺得政府裝佢彈弓、錯配得咁白痴…係懵董最大污點 !

公屋、居屋、係政府比唔同階層嘅福利支援、應該保持喺同階層流轉、補價釋放去公開市場…犯咗原則性錯誤、好多德高望重之輩…名聲係吹捧番嚟、有學歷…冇常識、似足宗師…經唔起MMA考驗。




3. LC
2017-07-13 11:07
萬一家庭A 有層公屋四百尺,交兩千蚊租 ,如果我打份hea 工,兩老婆每人兩皮,噤A 每月可花既錢為 $38000

家庭B 中產兩公婆收入 45000, 90000 一個月做餐死,
供 400 尺樓 八百萬,當唔洗downpayment 全部數上會
差晌 3000 ,管理費 2000 , 供 37000 ,得 $53000 洗。
壓力勁大都淨係可以洗多 $15000,  供三十年多層樓,比人炒又怕斷供,住又無得收租,退左休都重要比 管理費差晌。

我諗如果真係住係公屋,真係未必會有人會向上流駁層樓,之後交返公屋出黎。前幾年話智識決定命運,但係係高樓價之下,應該變成公屋決定命運,同成功需父干。

4. 真真薯片
2017-07-13 11:18
正苦賣公屋其中一個原因, 係唔想管理公屋

公屋租金低, 房署要包晒維修管理, 蝕到訓係度, 03年果陣正苦有財赤, 賣走公屋, 先收一筆錢然後唔洗再出錢管, 由得你自生自滅, 正苦當年係睇錢份上, 唔係想你發達或者住劏房, 邊有睇得咁遠
5. 鳥5
2017-07-13 12:14
真真兄,租者置其屋係8萬5,係董生剛上任做,,5係o3年, 甩身係真的,但業權維修走5甩,業主立案係重點法律問題,而家綠置屋就5同,未入伙前已寫好合约。主動權向正苦到。。。不同有近二十年發現,[最開好心業王係居屋業主)可能係皮費輕D,同皮費(双对面績大有関)。。之於林鄭新講,港人首置地,應該係講優質清水樓),但D果會5會影響地霸(快極都2O28年後),而家今明2年,cY上任之後既貨。香港政府做地出貨要7年,地霸5年(佢地冇基建,學校, 設施所需時),佢地預售樓花,或囤7成貨或放租)
6. 鳥5
2017-07-13 12:22
當年董生(幾反影中央諗法)係香港人老左反大陸住,但 配套攪5掂,不過大陸冇放棄過D果諗法。。
7. 鳥5
2017-07-13 12:30
我個人覺得(亞爺係想香港人供樓佔收入4成),老左 逆按揭,反大陸養老)5太想提擴大稅基,2O年後香港做人仔,取消掛扣,外匯基金以主權基金 運作,退出歷史舞台,之工商物業,佢任9你抄。。。
8. 鳥5
2017-07-13 12:35
2O年後香港向亞爺中心需談5上 負擔, 但亦唔止以香港可以幫國家乜野忙,一個普通既國際城市Law
9. 賣自住樓
2017-07-13 12:36
劏房户增加是賣自住樓政策的苦果

博士呢套理論能否應用於向下炒的前業主。
10. 鳥5
2017-07-13 12:54
亞爺個一帶一路,其實係張沿海城市,同中東,中亞(而家窮既城市,夾住欧洲瓜分)。。内陸城市同治海返古時甘平起平坐,佔全球GDP4成,美國重新返南美,不過果我都瓜左
11. Johnny
2017-07-13 17:50
幾時改左姓賴?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。