地產論壇
登入名稱
密碼
頁數:
新盤食滯,還有三至四年點算
瀏覽人次:30322    回應:23

新盤食滯,還有三至四年點算

 

湯文亮博士

紀惠集團行政總裁
2017年7月7日

  有老友同我講老施轉軚,話樓市在未來一、兩個月下跌2至3%,我話沒有可能,七月剛剛開始,還未見真章,老施唔會轉軚,一定係佢搞錯,於是我睇真D,原來老施話新樓食滯,地產商要出貨就要減價,影響所及,二手樓亦會下跌,而中原指數是由二手樓成交價編制,今個月下跌2至3%是不能避免,換句話說,如果地產商唔減價,中原指數就不會下跌,我認為這不是轉軚,而是預早解釋指數點解會下跌,這叫做先見之明。

  不過我有多少不明白,如果新樓食滯,即是太多人買新樓,地產商點解要減價,應該是買樓的人見新樓盤太多,不但花多眼亂,而且有飽飽滯滯感覺,地產商如果唔減價或者增加優惠,就很難引起買家食慾,不過,我又有另外一個不明白,今日只是七月第一個星期,如果買家已經有飽滯感覺,未來三至四年點算,因為還有九萬六個單位供應,很多專家話樓市現在回氣,下試阻力位之後可以再衝頂,我同意,如果美國佬唔縮表,唔加息,未來三至四年只得六萬九個單位供應,的確是可以回氣再上,現在買家飽飽滯滯,就算回到氣都無力上。

新盤食滯,還有三至四年點算
1. Desmond
2017-07-07 09:01
老施連 2% ~ 3% 的樓市小波動都能預測出來,真是無人能及。
3. 博士粉絲
2017-07-07 09:25
荃灣海之戀‧愛炫美周六將開售412伙,發展商今晚(6日)截止接受認購,市場料共錄逾6,000張入票登記,超額認購逾13.5倍。
仲係所謂超額認購,點解咁快話食滯?
4. 真真薯片
2017-07-07 09:25
老C年頭話升, 然後個市升, 中, 依家佢轉軚話跌, 如果真係跌, 就中完再中, 其實博士上半年唔洗睇淡, 依家先睇淡反而岩岩好
5. 真真薯片
2017-07-07 09:27
PYG同海G戀係渣乾市場最後一滴購買力, 渣得唔好嘥, 不過渣乾晒之後, 發展商就會罷賣, 市場進入仔魚期, 等d魚生返出黎先再渣過
6. 十郎
2017-07-07 09:31


      我杞人憂天,車位屋尚未入伙,全部樓都是樓花,發展商收咗首期,仲未收足銀両。遲d回超過一成,豬仔會唔會褪舦呢?要開足馬力趕樓。

7. 博士
2017-07-07 09:57
我從來沒有改變預測,我話今年樓市先升後跌,上半年升,下半年跌,老施轉軚話全年都升,現在又準備轉軚話下半年跌,咁都話準,冇說話講。
8. 博士粉絲義
2017-07-07 11:55
博士, 有睇過下你d文, 點解d 人話你唔準係你一直將重點擺左喺"負面消息"度, 俾人覺得你不停強調"跌"信息. 如果你上半年多用"升"標題,再喺內文戴返頭盔, 咁d友咪話你準囉. 
9. 博士粉絲
2017-07-07 11:57
辣招要鎖3年,如果只升半年,之後兩年半點算?
同樣道理,如果話今年唔加息,但之後兩年加幾多先?
只預測半年至一年,相對3年辣招,真係唔足夠。
如果唔肯定未來3年會點,話仲會升,變相鼓勵人入市,升市我估佢未必會多謝你,冧市肯定打小人打死你。。。或者跳樓燒炭做鬼都未必放過你。。。諗到呢一層,心都寒寒地
所以一眾官員係咁吹淡,其實都唔可以話佢唔岩既
10. 熊大
2017-07-07 12:01
收6000票,可能得1千幾百人入票,每人入5-6張票,咪有人人槍住買既效果囉,我肯定2018樓價跌4成,500呎2房單位返回約400萬左右,根本種種即象,樓價已經去到盡頭,就算你見到發展商加價加推,都係造假市,因為價錢任佢地定。
其實所有有關地產業既人㸃會話跌呀,明知會跌都話横行或者同你講市場消化壞消息後回氣再上,呢d說話人人都識講啦,不過有d人未買樓既時候,完全睇唔到樓價已經去到盡頭,但係買左之後,個人突然間頭腦先至會清晰。
11. 大魔頭
2017-07-07 12:24


完全同意熊大
小弟98年第ㄧ次買樓花(新都城二期2房180萬),供樓利息係11.5厘,其實現在世界各地因為資產泡沫問題,各國政府已經有共識聯手收水及加息,推高通脹已經好明顯,我相信2018年尾,利率會升到3-4厘,如果通賬真的殺到,超過5厘都不是冇機會。難道有人同我講加息減債=資產升?
總之ㄧ句講晒,買樓就要等到2019,否則必輸。
13. 大魔頭
2017-07-07 12:24


完全同意熊大
小弟98年第ㄧ次買樓花(新都城二期2房180萬),供樓利息係11.5厘,其實現在世界各地因為資產泡沫問題,各國政府已經有共識聯手收水及加息,推高通脹已經好明顯,我相信2018年尾,利率會升到3-4厘,如果通賬真的殺到,超過5厘都不是冇機會。難道有人同我講加息減債=資產升?
總之ㄧ句講晒,買樓就要等到2019,否則必輸。
14. 大魔頭
2017-07-07 12:24


完全同意熊大
小弟98年第ㄧ次買樓花(新都城二期2房180萬),供樓利息係11.5厘,其實現在世界各地因為資產泡沫問題,各國政府已經有共識聯手收水及加息,推高通脹已經好明顯,我相信2018年尾,利率會升到3-4厘,如果通賬真的殺到,超過5厘都不是冇機會。難道有人同我講加息減債=資產升?
總之ㄧ句講晒,買樓就要等到2019,否則必輸。
15. Malu
2017-07-07 13:06

新方案

每個在香港出生的人,有200尺使用面積的Quota(兌換卷),可隨時使用,拿著這卷可以直接更發展商買或是二手市場業主購買單位,不夠200尺的,剩下不能兌換現金,多於200尺的,買家自己給。  發展商和賣家可用那卷跟政府拿回現金或是保留作將來使用,掛鉤的不是錢幣而是尺數。 大家呵呵呵。
現在電子化,那卷只是在政府系統內掛帳。
當然那兌換卷可以一次多張使用,結婚就可以合拼一起拿個大單位。大家也不用馬上兌換買樓了。

希望這個做法有追溯力,從1949年出生的都有資格。

對市場也有正面的幫助,樓價會上升(because more M2 effectively) 大家也可以保證一定買到樓。

為什麼要200尺,希望把納米的除掉,因為面積太小了讓人沒有自尊,沒人占比最小200尺起

16. Desmond
2017-07-07 13:29
是的,老施經常一年轉幾次軚。
17. 廢話
2017-07-07 13:49
簡直就是天馬行空政府連搵地起骨灰龕給死人個三幾尺位都有困難
18. 賓洲仔
2017-07-07 14:18
其實美國幾時開始冇量化呢?好似係2015年年尾?所以簡單講,我認為2016年買樓既人都是會輸的,如果你買既單位現有15%升幅,請盡快賣走。
朱容基個仔ㄧ早已預測2017年8月係死期。
19. 賓洲仔
2017-07-07 14:32
廢話
呢個世界乜都電子化,⻣灰龕冇用架啦,因好快會推出網上拜山,方便快捷。
20. 十一哥
2017-07-07 14:49
林鄭團隊已經放風、公屋供應會係主軸…




頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。