地產論壇
登入名稱
密碼
頁數:
樓市下半年最大膽預測
瀏覽人次:29062    回應:14

樓市下半年最大膽預測

 

湯文亮博士

紀惠集團行政總裁
2017年7月3日

  政府新任班子上場,新人亦即是舊人,已經合作多年,不需要磨合,一返工就可以立刻工作,撇除政治問題,首要任務就是如何將樓價穩定,CY做了五年,愈出招樓市愈升,辣招甚至成為物業代理促銷工具,80日佔領行動,新年的暴亂仍然不能夠將樓價壓下去,林太究竟又要出什麼新招,我認為林太最有效的一招是靜觀其變,暫時不用出招,我講出來大家未必會相信,樓市正在趨向正常化,林太一定可以做行運醫生,我有多少替CY不值,但這不是我對樓市下半年預測,我的預測是非常大膽,不過命中率就相當高,大家睇完之後或者會同意。

  我相信在香港物業市場,從來沒有出現過新樓的銷售量長時間高過二手樓,這個情況將會在今年下半年出現,有消息指出,下半年將會有一萬八千個新樓單位供應,如果成功出售三分二,即是出售了一萬二千個單位,雖然這是一個相當高數字,但按以往情況,最多只是二手樓一半,今年就不同,二手樓半年成交量是否能夠達到一萬二千個單位,物業代理界相信是沒有把握,在剛過去的六月,二手樓的成交量不足六百,只得正常的兩成,不用我說大家亦應該知道,買樓的人尤其是那些資金不足的,大多數去了買新樓,有實力的買家則會在二手樓市場尋寶,遇上合心水的單位就會大膽鋤價,不過,香港的二手樓業主持貨力強,即使是用作收租的物業,他們都不會低價出售,除非那些要離開香港,或者賣樓分身家,甚至在財政上遇上麻煩的人才會賣樓,說到底那些人的數量不會太多,所以我夠膽講新樓成交量會高於二手樓,倘若二手樓的成交量大幅高於新樓,這表示有很多小業主急需賣樓,對樓價會做成壓力,不過亦會有人話,可能是突然間出現了很多要買二手樓的人,我不排除有這個可能性,不過,地產商亦會非常關注,倘若出現了大量購買力,地產商就會推出更多新樓,總成交量就會多過預期,但結果也是一樣,新樓的成交量始終高過二手樓。

樓市下半年最大膽預測
2. Johnny
2017-07-03 09:51
我記得舊年年尾博士話過第四季有八九千個一手新盤供應,樓市實無運行,呵呵。
3. 真真薯片
2017-07-03 10:21
在下都記得2樓講既野……

或者應該咁講, 發展商係絕對唔會帶頭劈價, 市差寧願罷賣, 不是任何時候都有等錢洗業主急住沽, 市好果陣呢班急沽貨快速被消化, 冇人覺, 市差就會帶領個市乾跌, 唔洗多, 一個屋苑有3, 5個業主劈價成交, 已經可以拉低屋苑估值5%
4. 十郎
2017-07-03 10:58


      記得2015年跌咗幾個月,good friend (好朋友)即刻撲出來要撒辣椒,谷樓價救經濟,警告政府後果嚴重,要承擔一切責任。我真係暈,全世界冇一個國家識得咁做?全世界都唔得,淨係香港得?

5. 鳥5
2017-07-03 12:26
真真兄,地要當然5會向(賬面)帶頭劈價,無乜人會甘蠢,佢地會用(方法)去賣,加佣,加按,送車位,首置派完,就諗换摟,(加按OFFER),加大成本去貨。。[橋按)等。。係加大成本去,非劈(賬面價)去。。(比半年)。。先渣佢D貨,後沽·業主自己貨,牛市掉頭( 模糊化),賬面價劈,貨尾難出呀!總均價仲加容易拉!書錢揾9人買咩!總賣到你(覺得)有水位,低賭,個莊實力雄厚!難得有水位!
6. 十一哥
2017-07-03 12:28
香港係隨動角色、阿爺掂…就火燭都當燒旺地、阿爺乞嗤…我地實頭暈身㷫、佔中·旺暴係特登縱嘅、肯大聲小小班攪手實鵪鶉咁啦!睇下習大大一到…班小醜即收哂聲…差佬更唔敢揸流攤…知冒犯唔起嘛!     香港人點會睇唔通呢?     屋夠堅…窗外風大雨大…就嘆住茶嚟欣賞…係一種意境。

唔好估林鄭賭單邊、佢角色係要平衡、樓冧就等於窒息…結果好難掌握、維持社會樂觀氣氛係重中之重、買唔買得起樓…根本係偽命題…社會唔包保你用 i 風、要擁有…要享受…就要各顯神通。

買唔起…租唔起…就用公營房屋嚟滿足、冇第條路行、私樓差餉·管理費·維修食自己乜都要自己跟尾…使費加埋貴過公屋租金好多㗎 ! 責任嘅概念完全唔同。

要衝上火星睇嚟咪咁樂觀、但要炒落地又冇洗擔心、留番係人間大氣層飛翔應係常態、不過要夠油…冇油前就要落地…空中加油好貴…冇得死頂。


7. 鳥5
2017-07-03 12:36
之於地霸罷賣,其實係(時間换取空間)儲票造勢!佢地會揾地代開會,睇下自己行家點玩!收票情况再開局)新盤開局價(関建)價,揾小數细炒圈又得呀!牛轉熊可以 蒙糊化 .... 樓花 係沽空行為 大裝要沽空 貨多難走
8. 鳥5
2017-07-03 12:44
地代5洗驚!地覇要比貨就有價值,個市難玩就加佣,角色5係同佢对賭,難玩佢加佣。。罷賣目的得一個(儲票),佢地利益最大化,同地代根本冇突。5洗諗點賣,佢幫你諗埋。。。
9. 真真薯片
2017-07-03 13:01
林鄭係咪可以做行運醫生呢?呢樣真係難講

96000個單位, 發展商要拖長5-6年黎賣係完全冇難度, 甚至可以話係順其自然

林鄭想做行運醫生, 要睇佢推到幾多居屋, 不過暫時睇一年都係3, 5千, 一係就望大陸樓股爆鑊, 拖累港樓跌返一兩成, 在下覺得咁樣機會唔低, 不過咁算唔算行運呢?
10. 香港土著
2017-07-03 13:30
樓市/經濟平衡點已經開始移動, 各項利淡關鍵因素都在發酵中, 未來幾年發展商加快賣樓誘因絕對大過減慢.

11. 鳥5
2017-07-03 13:39
地覇從自身利益最大化,去諗自已去貨庫存,現樓,同正苦供應,大部時間係直接関係,但牛轉熊(5係)。。。。。托市係為錢,利益轉向托小D,就5托(要成本)。。。
12. 老年新症
2017-07-03 13:45
『香港每年需要20000個新單位』這個口號,我由港英80年代開始便聽到,一直都相信它!
13. CCL
2017-07-03 15:34
租盤冇晒,租金肯定直線向上升,土土還在發夢發展商會減價,努力工作賺錢交租啦,老友。
睇完林奮強的分析,大家繼續掃貨,掃上火星,GoGoGo!
14. 引刀一快
2017-07-03 16:19
LYC兄

忘記咗密碼,無法登錄?
15. 香江第一樓神
2017-07-04 00:57
林奮強炒樓戰績勁到嚇死人,大部分人會信佢多過信那些租樓多年,連天水围師奶都看不起的淡友專家。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。