地產論壇
登入名稱
密碼
頁數:
茶餐廳亂話(129)以中國乜乜命名的細價股
瀏覽人次:25106    回應:4

茶餐廳亂話(129)以中國乜乜命名的細價股

 

湯文亮博士

紀惠集團行政總裁
2017年6月29日

  今日跑完步去到茶餐廳,見水吧無嚟表情,原來是輸了股票,不過在前兩日細價股下跌時,他又好似沒有什麼事,點解今日會無晒心機,老闆話俾我知,水吧一向有買股票,但唔知道買的是細價股,因為他買的股票全部都是中國乜乜,中國物物,所以他非常放心,以為買的是藍籌股,到細價股爆煲當日收市收,股票行話俾佢知存倉由五十多萬下跌至十多萬,他才知道買的是細價股,不過好彩他是由不足十萬開始炒股,現在還有多少進賬,雖然一日唔見左四十萬,當發了一場春夢,了無痕,老闆真的是說笑,講就容易,不少人打麻將,因為曾經贏過很多,最後贏得少都唔開心。

  其實我亦想過這問題,不少人話今次細價股爆煲是港交所監管不力,我認為上市條件清晰,啤殼公司倒模照做就可以,但股票名稱能夠冠以中國,就容易俾人誤會是有實力的股票,所以,我認為港交所不應再批准那些與中國沒有關係的股票冠以中國的名字,其他可以慢慢從詳計議,唔知點解,水吧可能是受心情影響,今日的咖啡好似冇咁好飲。

茶餐廳亂話(129)以中國乜乜命名的細價股
1. 十一哥
2017-06-29 10:30
專業責任可以解讀成係…玩程序…衹要程序正確…事實…結果…幾大鑊都係意外…講聲衹有遺憾…當事專家就唔使負責、法律、政治、醫療、會計、建築…等等等等…都如事、管制名稱…係捨本逐末。




2. Bos fan
2017-06-29 10:42
加料
3. 真真薯片
2017-06-29 11:11
聽聞係大陸開公司係唔可以隨便做“中國”兩個字做公司名, 係香港當然冇人理, 但係當大陸公司同香港甚至其他國家公司黎香港上市, 只有大陸公司既“中國”係真, 其他係流, 就有d誤導
4. 引刀一快
2017-06-30 08:12
前幾年已經有“中國牙醫學會”事件,大家應該有戒心喇。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。