細價股爆煲之弔股戰場文

　　星期二細價股出現股災，有多隻細價股下跌超過五成，有幾隻細價股下跌超過九成，其實，細價股在過去一段時間一直下跌，星期二當日只不過是加快速度，以翠如BB股為例，已經由26元下跌至10元，當日再跌至1.06元，得番幾個%，真係喊都無謂，有記者問我對細價股睇法，我話一向沒有參與細價股買賣，所以不能夠表示任何意見，而投資細價股的人都知道，細價股買賣行莊家制，做莊的唔托住隻股票，股價一定會下跌，莊家要托市就一定要用錢，如果莊家資金不足，唯有抵押那些股票，由那時候開始，話事人已經由莊家轉移到銀主，倘若莊家到期未能還款，銀主就會斬倉，細價股股價就會急跌，當日就是出現這種情況，但同一時間有咁多隻細價股爆煲，就比較少見，至於投資細價股的股民，見到股價急跌，正是放就輸實，唔放就死實，正如李樺在「弔古戰場文」所說:「降已哉，終身夷狄，戰已哉，骨曝沙礫」，炒買細價股，就好似埋身肉搏，老實說，真的是不適合大年紀的人，年輕人，有的是時間，輸完又嚟賭過。

　　今次細價股股災，對股市影響很輕微，恆指只不過跌了三十幾點，資深股票投資者絕大多數不會出現問題，年輕人就不敢說，如果年輕人炒賣股票，細價股一定是他們的首選，貪其快上快落，而且他們是非常有信心，認為在股票下跌之前可以預先放掉手上細價股，但今次股災來得快而狠，根本沒有時間走避，不少年輕投資者中伏，在細價股爆煲之前，鬼佬David Webb提出警告，但又有幾多年輕投資者會聽，他們反而會質疑鬼佬的說法，在細價股爆煲之後，我有多少替前摩根士丹利首席經濟師謝國忠不值，如果他說香港樓價衰足二十年當日，同時預測細價股爆煲，今日就揚名立萬，我相信沒有人夠膽質疑他的香港樓市衰足二十年說法，未夠班即是未夠班，捉到鹿都唔識脫角，無話可說。