家事,國事,關你們叉事
|
|
|
家事,國事,關你們叉事
湯文亮博士
紀惠集團行政總裁
2017年6月27日
星架坡國父李光耀的家事,演變成國事,現在已經是天下事,我較早前撰文話李顯揚得罪大佬,在星架坡已經無立足之地,香港是值得他考慮移居的地方之一,雖然有人話我們言論自由的程度減少,但他們又拿不出證據,就算我們被人話言論自由度減少,但仍然是全世界言論最自由的地方之一。
果然不出所料,李顯揚夫婦真的來港,他們話探朋友,是否真的是探朋友抑或探路就不得而知,不過無論如何,李顯揚在公開與李顯龍缺裂之後選擇來港,不但對香港投了信心一票,還摑了李顯龍及星架坡政府一巴,在李顯揚抵港後,記者不厭其煩問他來港的目的,李顯揚隨口答none of your business ,記者譯作與你們無關,相當客氣譯法,但我估計李顯揚真正的意思是關你們叉事,星架坡人真的可能會有這種想法,李氏家族的家事,星架坡國事,關香港人叉事。
|
|
家事,國事,關你們叉事
|
李顯揚都黎香港賀回歸, 你話香港幾巴閉
香港有阿爺睇住, 唔洗擔心會變第二個金正男
|
|
|
|
|
單嘢喺香港就大佬贏硬、保育…一定食硬…遺囑、件事本質係…細佬妹想拆樓玩大project變現、大佬又唔等錢使、咪搬遺囑嚟抝囉、不過星加坡嘅嘢…關人none事咩!none係英文…點都高級過叉。
|
|
|
刀刀 啱啱醒呀?單嘢關阿爺none事咩?係都入Ml-6數喇 !
|
|
|
刀兄,
重點係被捉既人阿爺照唔照, 阿爺唔照, 佢理得你死, 如果阿爺照既人係香港比外國人郁, 保安局長同林太應該可以立即收皮
阿爺最叻統戰, 最好統戰埋新加坡, 顯揚係一隻好牌, 幾大都袋住先
|
|
|
阿爺恨透星架坡。
1-------李顯龍去美國挑撥南海爭端,促請美國;日本;澳洲等聯手介入南海紛爭。
2-------星架坡為美國做打手,利用馬六甲海峽扼住中國能源運輸咽喉,一有戰事,中國就冇運輸線,所以中國要開鑿泰國運河,繞過馬六甲海峽。
3-------中國為馬來西亞建造一個全新港口(以前不存在的),位置正正在星架坡隔離,規模跟星架坡一樣,有貿易;運輸;娛樂;居住等最新型城市,目的是架空現在的星架坡。
4-------星架坡好明顯係美國在東南亞的馬仔打手(日本是遠東區),他的軍力武器,全區無敵,戰機先進過日本,有美軍彈葯儲藏庫,早前由澳洲去的一艘攻韓母艦,就是去咗星架坡裝彈。星架坡是中國心中的一條刺,要除之後快。
|
|
|
阿爺之前先親自去新加坡搞習馬會, 佢做得阿爺媒人, 你認為阿爺有幾恨新加坡?
凡事有兩面, 顯揚係顯龍既敵人, 但係新加坡有份量, 如果可以用顯揚取代顯龍, 新加坡歸邊我國, 吉自己既刺就變成插人既茅了
|
|
|
真真兄
我講嘅唔係呢樣嘢,而係香港嘅保安系統,根本未遇過真正衝擊,香港警察數量再多,對應嘅都係一般社會問題,你睇睇魚蛋革命就知,業餘嘅都玩得起,以前大鴉洲越南船民暴動,D警察嘅狼狽樣。
金正男被殺已經凸顯中國保護不力,咁有價值嘅棋子都俾得佢死,辦事疏漏得可以。
不過,新加坡呢類地方,唔大唔細,會有政治陰謀,少有政治謀殺。
|
|
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論;
- 禁止以名稱/暱稱/綽號/同音字等批評或映射任何人士、機構、公司;
- 禁止發佈有關招聘、推銷、廣告等內容;
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察
所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。
|
|