地產論壇
登入名稱
密碼
頁數:
未來二手樓主力供應
瀏覽人次:27702    回應:3

未來二手樓主力供應

 

湯文亮博士

紀惠集團行政總裁
2017年6月26日

  中原指數在上半年升了13%,可以用升勢凌厲來形容,從記者招待會中,我們可以睇到指數制定人躊躇滿志,但他很難解釋一件事,就是在樓價飆升之際,拍賣行的銀主盤反而增加,按正常情況,即使業主有財務困難,未能清還財務公司欠債,大不了將物業出售,不會給財務公司沒收,就算物業被沒收,財務公司亦很容易賣給有關係的人,在物業市場,這些被歸納為筍盤,絕對不需要交給拍賣行,現在,等待拍賣的銀主盤與日俱增,我想唔到有任何理由在樓價升勢凌厲之際,待拍的銀主盤不跌反升,也是升勢凌厲。

  根據物業代理行預測,下半年升勢放緩,大約只有5%,在樓價半年內上升13%,仍然會出現待拍銀主盤,只有5%升幅,數目一定會激增,不過,無論有多少銀主盤被拍賣,無論價錢是否低於市價,都不會影響樓價指數,因為指數製作公司不會將拍賣價納入指數的計算範圍內,最後可能會出現,銀主盤瘋狂增加,樓價指數繼續上升,那些睇數據做分析的分析員,仍然會為樓市繪出一幅美麗的圖表,很多時候真的是要身歷其境才可以知道實況,倘若見到拍賣行不斷推出新銀主盤,唔需要睇數據,就知道樓市正在下跌,數據是為那些唔懂得睇形勢的人製作,令到他們可以用數據來駁斥懂得睇形勢的人。

  什麼事都有利有弊,在業主惜售之下,二手樓供應量嚴重不足,銀主盤的出現,可以補充這方面的不足,因為銀主盤是一定要賣走,反價的機會亦不大,所以,我估計在未來一段時間,銀主盤將會成為二手樓主力供應,或者會有人擔心銀主盤亦有枯竭的一日,我認為擔心是多餘,有咁多人用八成半按揭,私人貸款買樓,銀主盤的供應量將會是源源不絕,如果真的是沒有銀主盤,在供應不足的情況下樓價必升,屆時,我唔想轉軚都唔得。

未來二手樓主力供應
1. 心平气和
2017-06-26 09:28
香港樓價不可能每年都狂升两成,而絕不可能如謝國忠所講連衰二十年,永不超生。主宰香港樓市的最大力量,是中国大陸的经济增长。
2. 真真薯片
2017-06-26 09:43
而中國大陸既經濟增長, 即係中國大陸既樓市
3. MK
2017-06-26 23:39

新特首上場後樓市即再爆升之"香江樓價無限輪迴"


最近個市比較靜,因為而家大家唔動手,睇定林鄭有冇動作先再後動,其實好多餘,因為佢根本完全冇辨法、冇權力、無能力、無膽量、亦無心:

1.無招可出: 仲有乜想像空間?難道出限購令?100%額外印花稅? 市場已完全睇穿林鄭冇招再出!
2.土地供應: 換班子換特首根本無助土地供應,唔通新特首有特異功能,會生地?

3.官商"合作": 佢係邊個選出來? 難道是由廣大市民普選出來? 知唔知有幾多地產選委投票比佢? 大家懂的.....
4.國家政策: 那些不計賺蝕的投地方式,又話做員工宿舍,稍為動動腦筋都知所事.....尼啲新特首根本完全冇話語權。

喺地產商夾住CY偉大治港之下,香港可以分享的"成功"故事,是某某食住個市炒樓炒到唔駛番工,而不是年青人辛勞創業成功建立品牌;"勵志"Headline故事係16歲抽到居屋前籌,揾到父母幫手比錢做"孝順"女,而不是仔女怎樣回饋父母;未來香港將會越來越多"成功"及"勵志"故事,炒樓千秋萬世,什麼科技初創簡直係垃圾不值一提。


總結林鄭上場之後冇任何即時動作 (就算有都好快被人睇死!),樓市立刻報復性上升兩成(年底前),延續CY成為另一個樓市功臣。建議現在趁低息一注獨贏,未來林鄭任期樓價保守上50%以上,預料到時佢又賴三賴四,好似CY甘不斷loop"供應黎緊啦",see? 而家冇屋住嗰啲,去搵CY算賬,佢話我升Lv啦,我從來無叫您唔買樓噃,我只係叫您"小心謹慎"地買樓,傻仔,唔駛驚,林鄭完左任期供應都應該係"黎緊啦",而家買起碼仲有五成水位,我係主席,放多幾十萬大6人落黎幾多供應都唔夠啦,understood??

強烈建議大家現在趁低吸納。

歡迎熱烈討論,謝謝。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。