地產論壇
登入名稱
密碼
頁數:
茶餐廳亂話(126)香港樓宇曼谷化
瀏覽人次:28466    回應:31

茶餐廳亂話(126)香港樓宇曼谷化

 

湯文亮博士

紀惠集團行政總裁
2017年6月25日

  早上去跑步,誰不知去到馬場又落大雨,唯有直接去茶餐廳,見到老闆開完舖嘆緊咖啡,見到我都唔覺得奇怪,知道落雨冇得跑步,唯有早一些食早餐,老闆同我講,較早前一家人去了曼谷參加一個遠房親戚婚宴,發覺很多曼谷人的家?是沒有廚房,一日六餐都要在外面,佢當時又唔好意思問,究竟點解,其實沒有什麼大不了,曼谷的居住環境比香港差得多,有超過七成以上住宅是沒有廚房,全日都要在外面用膳,所以,泰國的輕食市場相當蓬勃,傳媒則集中報導曼谷飲食市場,沒有報導居住環境,當香港的車位式單位出現,各地傳媒以新鮮事物來報導,其實,只要他們去一去曼谷,就知道那些沒有廚房的車位式單位多到唔恨,根本是大驚小怪。

  香港樓宇正在曼谷化,將會有愈來愈多沒有廚房的車位式單位建成,對於餐飲業反而是一個商機,對於經營輕食餐飲的人士,包括茶餐廳,雲吞麵,拉麵甚至大排檔等,生意額有機會提高,老闆聽到當然開心,現在基本上晚餐生意只是可以維持,對經營飲食業來說,車位式單位出現又未必是壞事,又到7點鐘,開始有客,老闆唔再同我吹水。

茶餐廳亂話(126)香港樓宇曼谷化
1. 真真薯片
2017-06-25 12:19
香港既車位式單位同曼谷有個分別, 就係供樓佔收購入百分比

香港既車位式單位閒閒地兩萬蚊呎, 總價380萬+, 已經食盡購買力, 再係咁2加一加息, 根本冇錢剩, 仲點出街食飯? 計我話即食面同麥皮既銷售量會上升就真, 杯面都是太貴

曼谷既劏房單位係比其他城市黎打工既人住, 租金佔收入比例相對低, 而且出街食野平, 人地咪可以日日出街食飯囉
2. 自我陶醉
2017-06-25 12:37
泰國係貧富懸殊非常嚴重的國家,窮人雖然很多,但有錢人亦唔少,很多中產家裡都有幾部車,幾個工人,間屋大到無論,個個星期打幾場golf, 年年出國去幾次旅行,而低下階層,有些窮得每日只夠錢食一餐,好在舖租唔算貴,仲可選擇踎街邊食,幾窮都仲有餐飯食。香港得咩?

至於香港,又會否朝著這方向走? 發展商要賺到盡,第日新盤可考慮學番以前廉租屋,每層都有共用浴室廁所,間“屋”幾十呎就夠,仲可考慮麵包餐送餐服務,舖租都慳番。哈哈哈!

3. 真真薯片
2017-06-25 13:36
好似法例要求每個“單位”一定要有個厠所同洗手盤, 否則發展商一早搞左共用厠所既盤
4. 引刀一快
2017-06-25 16:44
呢類劏房屋亦造就咗洗衣鋪,莫講晾衫,洗衣機都阻碇。
5. 十郎
2017-06-25 17:34


      亞刀----------買幾間,就可以解決!
6. 十郎
2017-06-25 17:50


      刀刀-----------不用大呼小叫,當年東京總地價,可以買起全個美國,棺材房早就在東京出現,之後爆煲。

      日本同香港似唔似孖生兄弟?我沒有講比你知咩?

7. 提醒
2017-06-25 19:24
地產商又要多謝博士了,日後又可再生產一批沒有廚房的單位,加埋正苦的高超辣招,單位又可以再細多些少,多謝博士!
8. 小小資訊
2017-06-25 20:20
曼谷的 Apartment沒有廚房的基本原因是不在家中明火煮食,是防火原因。
不用想太多!
9. 真真薯片
2017-06-25 20:34
如果法例規定每個單位一定要有厠所, 所以單位呎數不能突破極限

其實發展商可以搞“超長租期宿舍”, 每間房80呎, 得個細sink盤來去水, 有個大窗/露台, 跟住每層有公厠, 入面有10格厠格, 2樓有洗衣房, 拍八達通比錢洗衫

由於“物業”一定要有厠所, 唔賣得, 所以改成超長租約, 租約期同地契相同, 而且可以分租/轉租, 咁使用上同樓冇分別, 問題係樓按, 發展高可以成立私人樓按公司, 攞個放債人牌照就借出按揭比客

如是者一個單位100呎, 賣(租)300萬, 應該可以幫到唔少人
10. 泰仔
2017-06-25 22:08
還有一少少資訊,,就是曼谷人普遍認為自來水不能喝,,
如細心一點會發覺當地人出外用膳都會先點樽裝水喝,,

11. 潔癖怪
2017-06-25 22:17
細都可以無奈接受,共用廁所,唔好掛,好唔衛生呀!又下下要出自己單位先得,半夜點好?
12. 路人xx
2017-06-25 22:57
地產網留言千篇一律睇淡,好友走得的走,唔走都唔再留言。淨低一班淡友日日無病伸吟⋯ 什麼跌三成,什麼唔見棺材唔流眼淚⋯⋯

事實係,好友多年來真係估中,好多年前,好友已經講出原因。原因係長期供應不足,人口增加,長期低息⋯⋯多年來,這些因素一直無太大改變,多年來一直適用,不用轉軚,馬後砲睇番,全中⋯⋯CCL 指數大幅高於118

淡友方面,失勢不饒人,年年估錯年年睇淡,當中更以引刀團隊為甚,好多時有一半以上的留言皆來自引刀團隊。可惜理據薄弱,前後矛盾,完全經不起時間考驗⋯

想像一下,andylau.com 的留言日日鬧劉德華,劉德華的粉絲仲會唔會去睇?有咩人會日日去睇?
14. 引刀一快
2017-06-26 03:07
路人xx

我知道好多好友去咗大灣區睇樓,即係我上年就話會同香港融合果幾個市呀,佢地冇預埋你咩?得返你一個係度呀?
15. 引刀一快
2017-06-26 07:37
路人xx

你話我前後矛盾,你要舉例啵,得把口亂嗡。

你一時一個名,何來前後?哈哈哈

搞個化名出嚟誹謗人,你都算低格。
16. 路人xx
2017-06-26 08:18
引刀矛盾之多數之不盡

舉一例子
日日話大陸有經濟浪,令港樓爆煲,所以唔好買港樓。
然後又日日叫人返大陸買樓,又話自己買左好多大陸樓⋯⋯🤦‍♂️這是什麼邏輯⋯⋯咁仲唔夠矛盾?

🐸
17. 引刀一快
2017-06-26 09:23
路人xx

我解過好多次,甚至我連大陸樓都唔係睇好,但係已經要買的話,大灣區性價比完勝香港劏樓納米樓,就係咁簡單。

唓,你冇留意我發言咩?你都唔係fans,哈哈哈哈
18. 向飯民說不
2017-06-26 09:36
大陆吾爆,香港点爆,仲有,你说的大陆楼价平,但是无出租价值,香港楼回报最低都2.5%, 比大陆任何一个地方高。
19. 引刀一快
2017-06-26 10:22
你繼續掃黃喇。
20. Carson
2017-06-26 10:52
看到一些人以單位有「開放式廚房」為自豪,甚至將原本有廚房的牆拆掉變為開放式廚房,其實開放式就是沒有廚房,租出去俾人由自可,自住就麻煩。巧婦難為無米炊,住落咗耐咗冇廚房都幾大鑊。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。