地產論壇
登入名稱
密碼
頁數:
樓價難敵高息縮表
瀏覽人次:28202    回應:11

樓價難敵高息縮表

 

湯文亮博士

紀惠集團行政總裁
2017年6月22日

  陳家強臨別贈言,政府雖然推出咁多辣招以及逆週期措施,但仍然不敵低息以及量寬,樓價仍然飆升,最後能夠解決問題依然是靠增加供應,大家睇到這段贈言,尤其是那些深信政府可以用辣招壓樓市,而將自住單位賣走的人,一定相當感慨,真的是不知道應該說什麼,不過,我認為他們毋須說什麼,如果不是見樓市有力飆升,政府其實沒有必要出招,將自住單位賣走的人,他們只是錯誤解讀政府出招的意思。

  在2008年環球金融海嘯之後,美國政府以低息以及量寬來解決問題,亦導致香港樓價飆升,唯一可以化解問題的對策就是要增加供應,今日香港政府亦承認要增加供應,但點解當日出招的時候想不到,我並不是說政府出招是錯誤的,而是出招以及增加供應可以同時進行,若果推出SSD時同時以招標替代勾地,今日,供應不足的問題就不是問題,亦可能已經撤銷部分辣招及逆週期措施,不過,遲做好過唔好,承認過錯好過將責任歸咎於物業投資者身上,而要繼續出招壓樓市。

  樓價飆升已成事實,歷史亦不會改變,但影響樓價的因素正在改變,供應逐步增加已經是事實,雖然有部分市民不相信,這可以說是他們對政府失去信心,或者是主觀性認為政府沒有能力增加供應,政府亦不時提醒市民,在未來三至四年有九萬六單位供應,但政府沒有積極提醒市民樓價難敵高息縮表,樓價在三種不利因素下會向下調整,雖然樓價有很大機會不會下跌至未開始低息及量寬的時候,但對於那些採用高成數按揭的業主就要小心,十多個%跌幅就可以令到他們變負資產者,現在說辣招難敵低息量寬,不如說現在樓價難敵高息縮表,打算入市買樓的人必須要考慮這個因素,今日提醒好過明日解釋。

樓價難敵高息縮表
1. 青蛙
2017-06-22 10:02
五百尺的一間單位供應,
界開三間,一百六十五尺一間,
立即由一間變成三間供應。
仲勁過耶穌。

2. 10% 調整
2017-06-22 10:33
老實說,若買樓預左有兩成調整的話,又計好自己負擔能力的話,就不需等待那未必會發生或者吾知幾時發生的向下調整了。
3. Ben 仔
2017-06-22 11:37
博士應該知道現在入市的買家是進入瘋狂狀態,點會再理會任何忠告!
4. 引刀一快
2017-06-22 11:44
今日提醒好過明日解釋。 ”

今日提醒,好過六個月之後解釋。
5. 鳥5
2017-06-22 12:12
同意博士,順博士近派言論,見頂論據都越來越強,本人都感覺到,像強而慢既向下感覺,但從短期供應又睇5到會跌,怪怪地。不如估下,林鄭下個月出乜招,大戶點对呂?
6. 十一哥
2017-06-22 12:13
刀刀    小心唔同悲觀、其實你係好唔小心嘅人、一見水就大字型咁撻落去…唔記得除眼鏡、一諗起…直情係練腹肌…好有用 !

唔理好市…淡市、最重要係睇自己荷包、貴…輕鬆比得起就當心頭好、平…掹掹緊就幾時都係壓力。


7. 十郎
2017-06-22 14:45


      網友有人猜樓價再升3成,有人猜樓價跌5成。我做得兩頭蛇係冇答案嘅。自住就唔駛考慮咁多,投資呢?股票達人話要睇值博率,睇升跌的機會邊瓣大?如果贏就得粒糖,輸就間廠,跌嘅機會大過升,咁就不如歇一歇。明日賭場都營業嘅,賭場日日開。唔賭呢樣,玩第二樣。

      還要觀察香港的政經環境,這個就不容樂觀。政府天天被人拉布拖後腿,單是填海;找地建樓都縛手縛腳。缺乏製造業;旅遊業;農業;出入口業,單靠炒業。隔離蘇打埠隻烏龜已經跑贏咗隻兔仔。我選擇抖一抖。揸住錢,唔怕冇野賭㗎。






8. 香港土著
2017-06-22 16:25
一、二樓語無倫次
9. 引刀一快
2017-06-22 17:14
十一琳琳

我知你係唔會有失誤嘅,你遇到嘅都係換錯腎、剝錯牙之類,都係別人嘅錯。
10. 引刀一快
2017-06-22 17:15
To 2樓

港樓兩成,大灣區可以買一間喇。
11. 鳥5
2017-06-22 20:31
近期新轾子,超高猛任志剛入行會,真5知亞爺諗乜(此人冇亞爺,跟本call 5到),新 班子5年年應該已(包含樓櫝有機會禺大跌時既預案策謀人選),條友係O8年左右當年話5O0o億美元入港,叫市民買樓抗通賬做準備既良心好官,其時曾華話當年如果年年派糖,會賴人,小政府大市埸,量入為出(理財哲學),任生轉頭話(還富於民,天公地道),我個人覺一個声請向美國名校出身財政司,點會5知通賬係政府~一般國家政府收入增加(正府娈相打刼市民)既社會現像呢?有心誤導,(經濟好有通賬,但兩者不是絕对関係,舉例,打仗都可以有通賬。。想一想呢?耶倫就表述過D一種,通賬可以正苦娈相税。。所以我覺得任生係一位好官。。。耶倫理近佢加息係主要睇通賬,因為再發債,印鈔。。將來要爆减息係主要手段。。因為油價已經低冇可低再冇大陸十年前賤價貨入口。。冇人再可代大陸過萬億美債,退就有),所以而家開始玩回水組合拳)
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。