地產論壇
登入名稱
密碼
頁數:
香港樓市將衰足二十年?
瀏覽人次:21421    回應:9
香港樓市將衰足二十年?
 
關焯照
經濟學家
2017年6月21日

最近摩根士丹利前首席經濟學家謝國忠接受電視訪問,指出港樓泡沫已形成,一旦爆破,樓市蕭條期可長達20年。

雖然筆者也曾提出過樓市已出現泡沫,無奈,在超低息環境和內地資金的影響下,本地樓價至今仍未見頂回落。誠然,資產泡沫是不可能永久持續,但要預測泡沫大到何等程度才會爆破真是一件非常困難之事。無論如何,投資者面對現時樓價飇升的狀況,必須做好防風措施,這才是投資的王道。

瘋狂樓市始終會爆煲,而且殺傷力肯定頗大。因此,最重要的是港府能夠處理由樓價大跌所帶來的種種社會問題,以免經濟進入日本式的長期經濟呆滯。

雖然謝國忠是有料之人,但筆者不相信他今次的預測,若要港樓墮入一個二十年的蕭條期,除非本地樓市會瘋狂如90年代日本的情況,例如東京地價等於整個美國土地的地價,這絶對是瘋狂,因為美國的土地面積比東京大15,000倍。

筆者預期即使本港樓市泡沫爆破,也不可能重演19972003年期間樓價跌幅超過六成的慘況,原因是阿公也不會坐視不理,睇著香港樓市陸沉,因此,香港樓市是絕對不會出現衰足20年的惡果。

香港樓市爆破的風險主要來自資金外流,以致本地息率上升,加上由明年開始私樓住宅供應量顯著上升,這些因素已足夠為本地樓市製造一個完美風暴。

香港樓市將衰足二十年?
1. 二少
2017-06-21 16:56
專家泡沫就快爆破,真係衰足二十年.
2. 不可能
2017-06-21 17:45
謝國忠假設港府不救市,但這可能嗎?大跌五年的話,政府不單會撤除所有辣招,而且會出手救市,如鼓勵大陸投資移民可買樓。衰二十年太誇張啦,太意氣用事啦,冇人信。
3. 北水湧港
2017-06-21 18:43
【中資又搶地】路勁夥深控31.7億奪管翠路地皮 高市場預期兩成。

中資用錢投香港樓價信心一票。講多無謂,掟銭來香港搶地最實際。
4. 引刀一快
2017-06-22 04:02
我都唔信謝國忠,不過……

信同唔信,好似2:8喎……
5. 供樓VS租樓
2017-06-22 04:23
講樓市危險或爆煲的專家都講左成十年啦,我當時買個層樓都就快供完了,再講多幾年咪一樣係咁過去,不如努力工作賺錢供樓拉。
6. 林太
2017-06-22 08:36

追問市場不少專家指樓價跌一成?林太回應,290萬已經最低,我個仔買貴40萬冇咩問題,佢要住㗎嘛,如果升又點呢。她強調,阿仔買嘅單位,銀行估到價,銀行唔會死錯人嘅,嗰啲咁既專家,食屎啦!我哋唔係有見地,我哋係腳踏實地,唔聽專家㗎,聽專家意見就死啦。


7. p p
2017-06-23 00:41
林太好嘢,反主流入市幾年又升左成倍。
8. 民间智慧
2017-06-23 15:52
大部分所謂樓市專家測市都不如師奶,真是智慧在民間也。大部分專家都是長期租樓主,因为買唔起樓。
9. MK
2017-06-25 23:26

新特首上場後樓市即再爆升之"香江樓價無限輪迴"


最近個市比較靜,因為而家大家唔動手,睇定林鄭有冇動作先再後動,其實好多餘,因為佢根本完全冇辨法、冇權力、無能力、無膽量、亦無心:

1.無招可出: 仲有乜想像空間?難道出限購令?100%額外印花稅? 市場已完全睇穿林鄭冇招再出!
2.土地供應: 換班子換特首根本無助土地供應,唔通新特首有特異功能,會生地?

3.官商"合作": 佢係邊個選出來? 難道是由廣大市民普選出來? 知唔知有幾多地產選委投票比佢? 大家懂的.....
4.國家政策: 那些不計賺蝕的投地方式,又話做員工宿舍,稍為動動腦筋都知所事.....尼啲新特首根本完全冇話語權。

喺地產商夾住CY偉大治港之下,香港可以分享的"成功"故事,是某某食住個市炒樓炒到唔駛番工,而不是年青人辛勞創業成功建立品牌;"勵志"Headline故事係16歲抽到居屋前籌,揾到父母幫手比錢做"孝順"女,而不是仔女怎樣回饋父母;未來香港將會越來越多"成功"及"勵志"故事,炒樓千秋萬世,什麼科技初創簡直係垃圾不值一提。


總結林鄭上場之後冇任何即時動作 (就算有都好快被人睇死!),樓市立刻報復性上升兩成(年底前),延續CY成為另一個樓市功臣。建議現在趁低息一注獨贏,未來林鄭任期樓價保守上50%以上,預料到時佢又賴三賴四,好似CY甘不斷loop"供應黎緊啦",see? 而家冇屋住嗰啲,去搵CY算賬,佢話我升Lv啦,我從來無叫您唔買樓噃,我只係叫您"小心謹慎"地買樓,傻仔,唔駛驚,林鄭完左任期供應都應該係"黎緊啦",而家買起碼仲有五成水位,我係主席,放多幾十萬大6人落黎幾多供應都唔夠啦,understood??

強烈建議大家現在趁低吸納。

歡迎熱烈討論,謝謝。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。