地產論壇
登入名稱
密碼
頁數:
點解政府唔推出空置稅
瀏覽人次:26759    回應:23

點解政府唔推出空置稅

 

湯文亮博士

紀惠集團行政總裁
2017年6月16日

  有老友非常關心樓市,知道現在樓價飆升原因有部份是因為地產商持貨不賣,造成供應不足,引致樓價飆升,老友話我有影響力,叫我撰文建議政府推出空置稅,迫地產商賣樓,我話我沒有這個能力,就算有都唔會做,因為這是一個自由市場,不適宜太多管制。現在辣招已經嚴重扭曲了物業市場,如果再推出空置稅,樓市將會反轉再反轉,在現階段應該以供為攻 ,提供足夠供應量,就是管理樓市的最好方法,比什麼空置稅有效得多,即使地產商有持貨能力,但如果知道供應是源源不絕,就會改變態度,而且空置稅有機會是壓冧樓市的最後一根稻草,政府再一次做罪人,所以,在現階段,維特足夠的供應量就可以,無需要再出任何辣招。
 
  老友深深不忿話,星加坡早已推出空置税,點解香港唔跟隨,唔跟足都跟少少,唔好搞到星加坡咁複雜,簡單的說以發出入伙紙起計,如果新樓一年內不賣,罰款一個百分比,或者是過了一年仍然賣不出,罰款樓價5%,兩年賣不出是10%,老友保證地產商會從速推銷已發出入伙紙的新樓盤,我話此法行不通,雖然星加坡是有空置稅,但我認為星加坡政府是做錯,不過,星加坡民風純樸,市民逆來順受,香港政府推出空置稅一定會引致軒然大波,甚至出現政治危機,空置稅,連想都不用想。如果香港政府推出空置稅,地產商一定會話政府用咁多辣招打壓樓市,造成成交量偏低,並不是地產商不想賣樓,而是市民受制於各項辣招稅以及逆週期措施,令到他們很難買樓,地產商並不是持貨不賣,而是難賣,而成交量偏低是政府做成, 如果現在要推出空置稅,就請政府立刻取消辣招及逆週期措施,令到市民有能力買樓換樓,地產商能夠去貨,政府還有什麼理由推出空置稅。

點解政府唔推出空置稅
1. 引刀一快
2017-06-16 09:51
就算有空置稅,乜盤都推晒岀嚟,又如何?區區幾萬個單位而已,節流不如開源。


2. 真真薯片
2017-06-16 10:02
犯民建制都係地霸既人, 當年辣椒投票已經照晒班妖出黎, 係立法會度通過空置稅應該仲難過政改

以供為攻………問題係大數十年18萬大軍已經比人睇穿, 十年計發展商係數有力扣起兩三萬個單位, 扣起單位令樓價升增加利潤又令發展商更加有持貨本錢, 要打破呢個困局, 其實正苦需要行返高地價政策, 私樓地皮底價兩萬, 投左地既發展商資金壓力大就冇得唔賣, 地皮太貴冇人投就全部轉做居屋, 政府自己賣樓一樣可以從樓價賺錢
3. 向飯民說不
2017-06-16 10:41
薯片,饭民建制都比你闹啦,甘就是说不可能改变任何野啦。甘就快块加入业主行业。不要埋怨了。

好好检讨自己问题啦。
4. 真真薯片
2017-06-16 11:39
犯民建利兩邊都比地霸收買, 全港市民有目共睹

同在下是否業主有咩關係?
5. AH-HO
2017-06-16 12:07
政府說未來3-4年有96000的供應數字當中,有8000個是已經落成但未出售的單位。
如果真的推發展商空置稅,最多就是逼這8000個出市場。。預計馬上有短期幫助,但一波過後,長遠沒有甚麼大作用。
相反,因為風險高了,發展商會更小心,可能影響他們在建築中的planning ,儘量不要集中完成,避免供應不線性,少不了減慢部分project ,對現在的供需缺口可能更幫倒忙。
6. 鳥5
2017-06-16 13:08
即是每個市民,地產,正府同心同德一齊炒向上,其實都係會爆。。如果甘簡單方式,大家5洗做。。一早有國家永恆甘行啦!星架坡知道單边甘玩,會死㗎嗎!其他國睇到香港玩到甘,平常心一睇就知而家係乜狀態啦!不過牛市莫估頂。見李生行得人,你估下佢驚咩!貪5過麻
7. 鳥5
2017-06-16 13:16
試想,如果边有國家只係開發士地養到人呢!5洗做,得。。土地有石油,金礦,米得羅。而家正苦厙房,多左好狠多錢呀!錢從何來。。5洗做,養到人???時辱未到啫!
8. 引刀一快
2017-06-16 13:25
所以呢,大部份香港人嘅觀念行慢咗,大灣區係先行動後宣告,應該快快調整思路,唔好再俾中港歧异束縛自己。
9. 鳥5
2017-06-16 13:38
美國當日次按係張D西業主同好業主 捆綁,再証券化,揾D分拆員吹,再踢落歐洲佬,歐洲佬信到足,再槓桿..當日美國話斷供單位,只係幾仟億美金。債王炸9左單位米冇事Law,諗下就知大9鎪啦!5係只係死果D業主麻,當日係十9幾萬億攞9左D 垃圾黎玩槓桿,銀行到6O倍呀!。。再一想一想,,當年97年,有十萬負資產單位。。請問當年香港有幾單位呢??真係單純供求Lee條數?
10. 鳥5
2017-06-16 14:00
賭場有至理,當你見到答案時,(已經)係付出代價。。浪底好狠多人估中,但點解冇乜人賣到,因為冇乜估中到浪頂,更談5上食湖,而家市場上沽家最多係最強果D~地霸。。而家係乜野狀態。。?
11. 引刀一快
2017-06-16 18:18
鳥5兄

住,係剛需

賺錢,係剛需中嘅剛需

唔想蝕錢,就係剛需剛需剛剛需

持貨力再强,都唔想蝕錢嘅。
12. 好像是地产商卖太贵而买不去
2017-06-16 18:26
好像是地产商卖太贵而买不去
13. 過路人
2017-06-16 18:32
就算要推,都應該推'土地空置稅',如果囤地不起樓,就2年後政府收回。他們的地就立刻規劃起房屋啦
14. 鳥5
2017-06-16 21:22
17-06-16 20:00:51
引刀兄,你就講得岩啦!而家由剛需,又因為賺錢而又多左剛需,完全應同你睇到而家既現况。。鐵一般事實,升13年,日日<成功例子>發生左13年,向而家情况下,如果突然發生冇錢賺),這個(剛需+赚錢剛需)總剛需向下娈小,買樓要書錢情況下,都總會有人買,不過比例少幾多?舉個例子想想,公屋話申請人要5年,如果D野勁跌,(濺物鬥窮人),當中有幾多申請人娈左水票呢!(5係講而家,而家係窮人食貴米時段),我個人既諗法,係D樓貴所以玩诈死上公屋,當D樓溅,反而話自己有能力做業主。~樓係死~人係生~價係娈。。。不過牛頂,只係講,計好自已數,。。。因為樓市贏書在於自己持貨能力,供樓能為関建,以而家時機入市就好差啦!(特別係第一注,而家大戶為最大比例沽貨果边,。。(D果係松林法則),比自已強肯讓利对賭,大家羸果時,一盒糖同一間廠。佢要書盒糖,你就5見一間廠。。。果市跌3成,閒書庒平,先跌3成,一年内升番再殺2边(政府撤招,出首置,跌一半政府出黎救!減供應,孫9招。。大戶就諗緊LeeD。。。不過,歴史得李生最高沽盡,最底揸盡,就5係一般大戶諗果D。。
 
15. 回12樓
2017-06-16 22:38
大灣區是短命區。健康才是剛需之中的剛需。香港樓貴得有道理。
16. 回引刀
2017-06-16 22:38
大灣區是短命區。健康才是剛需之中的剛需。香港樓貴得有道理。
17. al70
2017-06-17 02:41
浪x湾,好似政府未有出招,已空置wor..
食品, 房屋也是必须品,
藥房扣起奶粉,加價分批賣都被人放蛇拉人wor,
点解地產商可以分批加价賣先?
18. 引刀一快
2017-06-17 03:13
香港人大把去大灣區養老,唔係邊有咁長命,你都快D揾個位喇。
19. 引刀一快
2017-06-17 03:29
鳥5兄


兄台睇得通透,我看現實如此。

而且,有人輸少當贏,更多嘅係贏少當輸。

公屋排隊果班,依家亦唔係瞓緊街。
20. 大灣區儍刀
2017-06-17 07:34
引刀長年住大灣區, 食得大灣區特産地溝油同有毒食品太多,所以變得語無倫次。😱
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。