地產論壇
登入名稱
密碼
頁數:
不能夠左右銀行估價
瀏覽人次:28438    回應:21

不能夠左右銀行估價

 

湯文亮博士

紀惠集團行政總裁
2017年6月15日

  物業代理行與指數公司一起開記者招待會,多少帶有一點耀武揚威的味道,換作是我亦會這樣做,道理很簡單,在政府出招,金管局收緊按揭之下,上半年樓價指數仍然有13%升幅,數字是驕人,不過,他們意猶未盡,認為樓價下半年仍然有5%升幅,其實已經是相當保守,但是他們將這個單位數字的升幅歸咎於銀行估價太過保守,與樓市背道而馳,我覺得他們的說話過了火位,在任何時間,銀行的估價都是根據市場形勢而定,物業代理行話銀行估價保守,即是話銀行不專業,大家唔好忘記,借錢俾人買樓的人是銀行,他們與客戶所簽訂的貸款合約長達二、三十年,必須小心衡量箇中風險,而物業代理所做的是一次性生意,只要買賣雙方在合約上簽了名,佣金是可以袋袋平安,進取一些又何妨,反正他們又不需要承受任何風險。

  我相信物業代理現在認為銀行在按揭市場已經沒有以往那麼舉足輕重,就算得罪那些銀行家都沒有問題,反正地產商可以承做按揭,但是他們不要忘記,地產商只會承做他們自己新樓盤的按揭,不會做其他地產商的新樓盤按揭,更加唔會做二手樓按揭,我認為他們這樣說是有一伏筆,如果下半年樓價下跌,並不是他們預測不準確,而是銀行估價不足,而令到樓市下跌,其實,在過去幾年,尤其是在金管局推出逆週期措施之後,按揭成數偏低,銀行的估價是非常進取,經常高於市價一成以上,但風險就不大,當時物業代理行經常以銀行估價來表示樓價還有上升空間,現在銀行估價稍低,就立刻反轉豬肚,話銀行估價與市況背道而馳,雖然樓價在下半年並不一定下跌,銀行最後要提高估價,但這並不是代表任何機構可以左右銀行的估價,如果成功的話,市場將會由物業代理行,指數公司負責估價,這就會變得非常危險。

不能夠左右銀行估價
1. 真真薯片
2017-06-15 10:19
港樓係一種只可以炒升既資產, 冇得向下炒, 所以地代永遠只係睇升, 都好合理, 同時亦因為為地代永遠睇升, 既然永遠升, 業主做咩要放盤? 所以二手供應越黎越少都同地代有關
2. Kaman
2017-06-15 10:47
永遠睇升,
香港就唔會試過跌7成!
日本90年代就唔會爆,
美国唔會有次按危機,
中国………暫時未爆!
3. 所謂專家
2017-06-15 13:34
其實之前大家都知會加息的,仲要將會唔止加一次,那些所謂專家口口声声話唔會跌,仲要會有幾%至10%升覆,但今日一知道美國加息之後,那些所謂專家即刻話樓價會下調,那些所謂資深投資者,地代高層,樓市評論員好似失憶咁,真係又係果句......專家食屎啦, 害人害物
4. 十郎
2017-06-15 14:22


      你漏咗一樣。

      好多網友話:加息?我就加租,租租唔好彩啫,關我家事!駛乜驚呀!共勉之!

5. 港人悲哀
2017-06-15 16:57
港人置業有幾悲?香港的樓宇面積愈建愈細,有九龍新盤的「納米戶」面積細至150方呎,暫為全九龍「最納米」單位,面積之細連國際媒體也深表關注

回顧政府數據,在2010年,這類「納米戶」佔整體新盤比例僅5%,去年就升至27%,預計2018年更會升至43%;價格升幅則更驚人,由2010年至2016年期間累升99%。分析員表示,由於香港樓價愈來愈難負擔,令潛在買家不斷降低期望,形成只看「上車費」而忽略單位是否有足夠空間。不過,分析員預期,雖然愈住愈細,但此畸形現象在短期內恐難大為改善。

想樓價大跌難上難!
6. 十郎
2017-06-15 17:10


      E家大9樂食個㗎哩牛腩飯都五十幾(好似57),不包飲品,食一次唉一次。摧樓價,谷大咗成本,降競爭力,點樣谷經濟呢?

      食肆都靜晒,有閒錢都供樓,慳d駛以備不時之需。但係有朋友問點解E家開親舖都係做食肆嘅?你諗下啦,我d仔女買個髮夾;鏍絲批;打磨轆都幫襯淘寶。旺角商場以前逼爆人,現在拍烏蠅,真真“八格耶魯“。

7. CD ROM
2017-06-15 17:47
近呢一兩年d銀行估價已經進取到不得了..........
8. 鳥5
2017-06-15 18:31
08年美Q3,利率近O用左1O年,而家話用4年平左佢,香港D樓升左约1.5倍。但有加大陸印銀纸因素。。所以如大陸跟收水(未必跟得足)。。所以睇5到會番O8年樓價,但資產收縮,就鐵一般因素。。2至3年慢落機會偏大,之後就5知,大陸想點玩,佢暫時似跟美國轉軚,但以小步密走。。2-3年後會5會美國收水,大陸玩番放水对賭,湾道超車(而家計5到)
9. 鳥5
2017-06-15 18:48
如果3年内由高位回穿2成,又向半年升5番高位計八折,甘先叫態市。。唉!言之尚早。。計到自己數,就乜市都,不過向下2成波幅同加3厘至4匼都頂5順,甘就(真係要小心)如用家青年的話,加按年期都可以安渡既。不過5可以再用過去1O年香港水浸状兄既諗法去睇未來4年,5係話一定書,但好被動,边果狼,就边果勝既日子,好可能已經過去。。。
10. 升硬
2017-06-15 20:25
樓市升硬!今日仲有好多人認為樓市快見頂,反映仲有好多購買力未進入市場,樓市未到頂,除非當大部人都認同超級牛市,咁就真係見頂!
11. 十一哥
2017-06-15 20:50
十哥     D劏場早就死哂籠鷄啦!街舖舊年已經冇乜人肯溢價接貨…租金唔低過隔離都冇人落叠、照計街鋪回番咁上下…應該會有多D人出嚟搏下、咁啱呢期興劏房、冇乜人喺屋企開火寸、夾啱哂…唔做飲食…仲有乜好做呢?




12. 鳥5
2017-06-15 21:07
吊,冇得同淘宝揪㗎?國家補貼廠,廠再做零售價加 速遞價,點揪呀!向東莞集運到3件細野到港都係十皮。。香港$1.7寄封信都要書錢。。。你諗吓個量要做幾大個成本可以低個十皮。。。諗到你就知香港零售有幾g$上左大陸你5知。。。
13. LYC
2017-06-15 21:15
股市明顯見了大頂了!
樓市...
14. 十郎
2017-06-15 21:22


      十一哥----------D細路幫襯淘寶,第一梗係貪平貪方便,第二呢種行為已經是他們的一種勢藝,包括白領小姐,一得閒就開電腦上淘寶揀呀揀呀,揀裙呀,柸呀等,買咗對拖鞋都好開心。好難改,冇得回頭啦。


15. 十郎
2017-06-15 22:57


      我同亞仔去鴨寮街買個一蚊銀咁大的打磨布轆,每個6蚊,淘寶賣6角,暈一暈。我叫亞仔幫手買20個,夾埋其他野集運,運費20蚊都唔駛。

16. 十郎
2017-06-15 23:10


      有一位小輩小姐知道我的手機套爛咗,即刻自告憤勇幫我淘一個返來,幾日就有。佢地上網淘寶開心到麻痺,唔駛行路,又多欵式睇,任揀冇人鬧。

17. 十郎
2017-06-15 23:29


      飲食係冇得淘寶呀!否則飲食都冇運行。

18. 十郎
2017-06-15 23:34


      12樓,睇個樣你好鍾意淘寶喎!

19. 租金有力再升
2017-06-16 00:12
20. 鳥5
2017-06-16 20:00
引刀兄,你就講得岩啦!而家由剛需,又因為賺錢而又多左剛需,完全應同你睇到而家既現况。。鐵一般事實,升13年,日日<成功例子>發生左13年,向而家情况下,如果(冇錢賺下),是否剛需+赚錢剛需,如買樓要書錢情況下,都會買,不過比例少幾多?公屋話申請人要5年,如果D野勁跌,(濺物鬥窮人),當中有幾多申請人娈左水票呢!(伹而家係窮人食貴時段),我個人既諗法,係D樓貴所以玩诈死上公屋,當D樓溅反而話自己有能力做業主。樓係死,人係生,價係娈。。。不過牛頂,只係講計好自已數,。。。因為樓市贏書在於自己持貨能力,供樓能為関建,以而家時機入市就好差啦!(特別係第一注,而家大戶為最大比例沽貨果边,。。(D果係松林法則),比自已強肯讓利对賭,大家㜲,一盒糖同一間廠。佢要書盒糖,你就5見一間廠。。。果市跌3成,閒書庒平,先跌3一年内升番再殺2边,跌一半政府出黎救!淢供應,孫9招。。大戶就諗緊LeeD。。。不過,歴史得李生最高沽盡,最底揸盡,就5係一般大戶諗果D。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。