地產論壇
登入名稱
密碼
頁數:
樓市具備下跌條件,七月見真章
瀏覽人次:32790    回應:31

樓市具備下跌條件,七月見真章

 

湯文亮博士

紀惠集團行政總裁
2017年6月3日

  昨日中原指數十五連升,老實說,現在在各種因素都呈現極利好的情況下,指數負責人都唔知道指數幾時會下跌,星期五晚,我照例接到不少電話問我指數點解會繼續上升,我的公式答案係我唔知道,不過,樓市已經具備下跌的條件,七月見真章,老生常談的事,就是美聯儲局今個月會加息,而且今明兩年都會按照計劃加息,而供應亦會繼續增加,未來三至四年有96,000個單位並不是一個神話數字,而且陳茂波繼續做財政司,如果做唔到這個數字,他一定會執包袱,倘若由第二個人做財政司,只要簡單講一句說,96,000個單位是陳茂波假大空的說法,69,000都做唔到,所以,陳茂波博老命都會提供到足夠的數字,大家千祈唔好掉以輕心。

  有所謂春江水暖鴨先知,長實以高成數按掲,免壓力測試來吸引那些實力不足的人買樓,而且愈賣愈有,而那些買樓的年輕人很多都不足二十歲,是沒剛性需求,長實做法與李先生經常所說,如果有需要而又負擔得起,幾時都可以買樓是有所抵觸,由此可見,樓市已經到了荼蘼,以後的走勢會是如何,大家心目中都有一個答案,冇樓的人會話,樓市會繼續上升,持有大量物業的人則會持保守態度,現在只等待一個突破,極有可能是雷霆一撃,即是新地賣樓,如果不需要採用長實策略,或者大幅減價,仍然有理想成績,樓市是會繼續向上,七月見真章。

樓市具備下跌條件,七月見真章
1. 十郎
2017-06-03 09:52


      唔信96000,日日煲豬肉。

      佢地夜行吹口哨,未噴就唔駛走鬼住。

2. 向引刀‧土著‧自醉‧浪子‧阿井 說不
2017-06-03 09:56
3. 十一哥
2017-06-03 10:05
加息招式已老…睇通咗…呢幾年加極都有限、每月供樓都係講上落3~5千…頂得住、X哥計準15%…球零上落好多人仲肯搏…賭得起、三年後上落15%範圍內…X哥都着數、班友轉倒去銀號…就當成咗單生意、轉唔到…X哥就多咗條穩定貴息、供唔起收番…又唔拘…位置唔錯…點都唔會冇人吼。

地庒冇餘力…諗住收租夠供樓…轉唔到會冇低息…要小心…政府公營房屋嘅政策 !




4. 向飯民說不
2017-06-03 10:35
美股和歐洲股票又創新高,看來牛市第三期,還沒有見頂,暫時下跌機會還是低。

最重要的就是美金又貶值,對港樓有支持作用。
5. 真真薯片
2017-06-03 10:47
在下都唔信96000, 在下反而估計, 下半年樓市轉勢唔好, 發展商又罷賣避市, 結果今年一手銷售量少過16000, 然後大家就會發現, 無論正苦既供應數字係76000, 86000定96000, 每天年一手銷售都係數16000, 而波叔最出名就係厚面皮, 囤地劏房都冇問題, 做唔到底96000根本全無壓力, 何需執包袱

黎緊都係睇股市, 如果股市下半年跌返落21000, CCL見16x後跌返落13X係有可能, 不是理由係經濟波動同加息, 同正苦既96000冇關, 因為96000只係語言偽術, 現實係每年唔會多過18000一手樓賣出街
6. 香港土著
2017-06-03 11:11
哈哈... 我都係等緊觀察雷霆賣海璇...
7. 向引刀‧土著‧自醉‧浪子‧阿井 說不
2017-06-03 11:19
8. 十郎
2017-06-03 11:21


      三年有96000個供應,同三年賣唔到96000個單位係兩回事,賣唔到起碼有兩個理由,一是發展商罷賣,另一個是冇客。如果一年賣得16000個,就指責波叔搵苯七,我都唔識解。假設原因係發展商罷賣,三年後佢會發現手頭有48000個存貨,網友話佢住得晒咩?假設假設(好似諸葛亮咁常作最壞打算),呢d數字係恒常出現,六年就有96000個。在供應到位的時候,發展怎能惜售?

9. 博士
2017-06-03 11:45
地產商冇得罷賣,政府隨時會出新樓空置稅,星架坡早已實行,而事實上,15%新印花稅就是二手樓空置稅
10. 向飯民說不
2017-06-03 11:49
發展商惜售,就是看好後市。也就是說政府供應還是不足夠。而不足夠的原因就是世界性的量寬。世界性的量寬,令小經濟體的香港和瑞士一樣苦不堪言。

土著不要散佈仇恨種子,波叔的方向是對的,問題是世界性的量寬,令到政府在提高供應都應付吾到需求。

其實瑞士和香港處於兩難的狀態,瑞士就是瑞士法郎掛鉤和過強大問題,而香港是樓市供應問題,如果政府大規模提高供應,一旦市場出現逆轉,樓價就會下跌,政府要為樓價大幅下跌負政治責任。如果不提高供應,發展商惜售,令樓價不斷創新高,最終政府又要為樓價大幅上升負政治責任。

真的是to be or not to be。
11. 香港土著
2017-06-03 12:12
向飯,請問我點樣散播仇恨種子呀?

哈哈… 似乎你個認知障礙症極速惡化中!
12. CKW
2017-06-03 12:32
陳茂波有誠信, 我相信佢冇囤地! 我相信有96000!
13. 真真薯片
2017-06-03 12:38
正苦成日講96000, 係想市民信今日唔需要急住買樓, 遲d大把貨買

問題係發展商適應左新既厚利少銷營運模式, 囤貨->浪高價->賣少量單位已經夠數做到盈利目標, 於是潛在供應係幾多都好, 推出市場既單位數量都唔升, 價錢亦唔跌, 信正苦既市民就蝕完一年租再蝕一年租

不過, 經濟同股市總有周期, 跌市總會出現, 只不過佢發展商囤貨既情況下, 乾跌一兩成已經係極限, 所以如果見到樓市跌15%而高官出黎認屎認屁話樓市受控, 就係入市時機, 依家都係等下先
14. 真真薯片
2017-06-03 12:43
96000其實真係存在, 不過唔係3-4年, 而係5-6年, 大家睇下近排推既新樓塊地係幾時批出就知
15. 向飯民說不
2017-06-03 13:11
薯片,689上台后,见到的是他积极提高供应。但是是谁在阻挡供应。现在饭民黄c一面闹楼价升,一面闹供应不足,跟住又吾比发展郊野公园,最后又吾比填海。
是谁在播仇恨种子。
16. cy賣地而不建居屋,是放手給發展商控制供應
2017-06-03 13:38
現在成為政府全資的華懋地產,是囤樓專家。cy死忠恆隆陳啟宗亦是囤樓十幾年。
潛在供應96000,重點在“潛在”二字,絕對不會說確保有96000個供應。
政府唯一能夠貫徹執行和管理的是公屋居屋,無論現在和可見將來,供應肯定有少無多,何故發展局不狂撥地建居屋呢?
現在落成出售的私樓是屬於奢侈品,正如海港城賣的的歐洲皮包腕錶,不是供一般市民購買的。發展商每年賣萬幾個奢侈住宅單位,外來加本地不難找到足夠買家,用高成數按揭不一定代表危機,當息口上升就即時full pay,是香港富人的慣技。
17. 冇氣勢點嚇人
2017-06-03 14:38
以前老董一年只8萬5,現在4年才得可憐的9萬6,好心政府唔好提出啲咁羞家的数字。大家
18. 下跌條
2017-06-03 14:44
唉!十年前已经具備了跌到爬街的下跌條件。结果呢?😀
19. 港股氣勢如虹
2017-06-03 17:19
博士唔好彩,七月份港股大有機會升穿2萬7千點。港樓唔升到爆邊你已經好好彩。睇港樓,點可以唔理港股?


20. 真真薯片
2017-06-03 17:24
689提供既只係面粉供應, 但就冇面包供應, 正苦d私人樓長沙灣喜乜喜物都係高價賣, 市建幫手搞新樓劏房價, 呢d應該唔關犯民事, 真相係689正苦同犯民一個黑面一個白面, 係度扯貓尾, 實情兩邊都係地霸, 大家都想樓價升, 因為大家都係業主
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。