地產論壇
登入名稱
密碼
頁數:
穆迪準備永遠降低香港評級
瀏覽人次:27629    回應:10

穆迪準備永遠降低香港評級

 

湯文亮博士

紀惠集團行政總裁
2017年5月31日

  我睇到穆迪降低香港評級解釋,主要因為是中國評級被降低,而香港與中國關係密切,所以亦將香港評級降低,穆迪這樣做,簡直傷透了香港財金官員的心,陳茂波及陳德霖公開反駁,但沒有作用,穆迪口大,香港口細,就算窮香港政府全力都沒有用,但其實不止於此,穆迪在今次降低香港評級的報告當中,暗示準備永遠降低香港評級,不過,暫時未有太多人了解穆迪意圖,以為他日中國評級掉頭回升,香港的評級也會掉頭回升,而事實上這並不是穆迪在中國評級回升之後的做法,穆迪是會繼續降低香港評級,但我認為不會太多人相信我的說法,好似我預測樓市一樣,反對的聲音一定會從四方八面而來。

  當大家擔心利息上升,樓價會受到影響,睇好樓市的人會講,加息怕什麼,加息代表經濟強勁,收入增加,資產價格上升,樓價怎可能會跌,倘若唔加息,他們的口氣更大,低息令樓價持續上升,唔買樓等幾時,其實現正相反,倘若耶倫唔加息,即是表示美國的政治及經濟出現不明朗負面因素,想加息都唔敢加,加息反而是正常,不過閣下就要多付利息支出,如果欠債不多,當然沒有影響,但對於要向財務公司借錢買樓的人,加息就是一個死亡警號,並不是經濟強勁,樓價必升訊號。

  當中國經濟轉好,穆迪迫不得已要調高中國評級,同樣地會以中國香港關係密切為理由降低香港評級,穆迪的分析報告會寫,由於中國經濟有良好發展,已經毋須倚賴香港,香港變成可有可無,所以要降低香港評級,其實,那些評級機構說話,大家當娛樂新聞睇下就算,無謂太認真,美國次按未爆煲前,評級只比頂級次一級,所以叫次優質按揭,爆煲之後,沒有評級機構作出解釋,自此之後,不少人當評級機構透明,他們自說自話而已。

穆迪準備永遠降低香港評級
1. 真真薯片
2017-05-31 09:36
其實如果想樓市跌, 就應該向業主既持貨力著手

大量買家用高價, 高成數, 高息率, 可以叫三高plan去入市, 其實係消滅緊自己的既然持貨力, 正苦想樓梯市跌, 應該多d鼓勵發展商用3高plan賣樓
2. 自我陶醉
2017-05-31 10:28
從投資角度看,就算一家以前幾威嘅公司都好,賣的東西越來越貴,生產力和產品質素永世唔提升,管理質素每況愈下,裡面的員工只會沉醉在昔日的光輝歲月,不求上進,固步自封,一日一日被競爭對手追過仍毫無危機感,最終都係死路一條,有冇降評級結果都係一樣。

3. 十郎
2017-05-31 10:45

      木廸 ---😸😸😸(狐狸偷偷的笑)

1997年,東南亞金融危機還在醞釀之時,三大國際評級機構無一發出預警,等危機爆發之後卻匆忙降級加劇了市場的恐慌。

原文網址:https://read01.

4. 真真薯片
2017-05-31 11:28
在下覺得外資係度鋪排緊一場小股災, 跌兩成約5000點果種, 大陸A股本身冇升過, 自然冇得跌, 但係香港要由兩萬六跌去兩萬一, 就一d都唔奇, 亦唔需要理由, 木敵只係鋪好條路做下準備功夫而已
5. 十郎
2017-05-31 12:04


      2017   哈哈哈哈,😱😱😱

6. Bos fan
2017-05-31 13:42
呢啲人講嘢一向唔使睇ZKTV
7. 真真薯片
2017-05-31 14:03
今日樓神, 地代改晒口風, 可能上星期去得太盡, 個勢太勁, 業界太串, 搞到有高官嬲嬲豬, 私下向地產界施壓, 或者係超人醒目, 知道過左火, 所以叫手下收斂d

其實如果市場去到貨, 洗乜比面佢, 一於賣到最貴最多先賺到最盡先係香港精神嘛

希望中原指數可以再升多5個星期, 升爆165慶回歸, 咁就可喜可賀
8. 港股今年慢牛
2017-05-31 14:04
2016年12月開始,港股已經連升六個月,今年年底有機會挑戰2015年高位2萬8千。第四季會有唔少人套股換樓,香港人始終都系信磚頭多啲。有港股撐住,中原指數下半年可升破170點。
9. 真真薯片
2017-05-31 21:40
樓神, 地代見風芒太露於是改口風, 可惜市場勁始終係勁, 賣晒就係賣晒, 想謙虛都謙虛唔到, 真係慘
10. 十郎
2017-05-31 22:39


      木廸話--------十年求一跌。佢中獎啦。

     😇😇😇

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。