地產論壇
登入名稱
密碼
頁數:
國泰並不是唯一的受害者
瀏覽人次:30376    回應:28

國泰並不是唯一的受害者

 

湯文亮博士

紀惠集團行政總裁
2017年5月29日

  一般人認為國泰是炒輸了燃油累積期權,輸了近百億港元,而要炒600個員工,其實應該是管理層要負責,而非中低級同事,要炒就應該炒管理層,老實說,國泰管理層炒燃油累積期權的目的是保障燃油價格,令到成本可以受到控制,但誰也想不到,燃油價格可以如此下插,管理層本來的意願是固定成本,但就弄巧反拙,在其他航空公司的燃油大幅低於國泰的情況下,變成國泰缺乏了競爭力,除了裁員之外,降低服務質素是在所難免,問題是國泰並不是唯一投資失利的公司,甚至有幾多公司出現問題都唔知道,這才是最危險的地方。

  在過去幾年,不少公司在利息,人民幣累積期權上投資上失利,虧損了大量資金,有一些甚至高過公司市值,幸好現在經濟情況尚可,銀行可以讓那些有巨額虧損的公司仍然生存,但經濟轉壞,銀行的態度就會改變,今次國泰炒600人,其實是對香港經濟環境響了一個警號,大公司有極優秀投資人材,仍然可以出現如此巨大虧損,個人投資就要更加小心,現在不但要持有足夠現金,負債亦要降低到一個可以負擔得起的水平,否則經濟轉壞,現在太過進取的人就是受害者,而經濟轉壞並不是突如其來,小心一些亦是可以理解,我反而唔明白最近以高成數按揭入市的人,唔通他們有預知未來能力,知道香港經濟不會轉壞,供應不會增加,利息沒有能力上升,樓價則穩步上揚,其實,今日以高成數買樓的人所持的理由與國泰一樣,他們擔心樓價繼續上升而入市,當日,國泰管理層是擔心油價繼續上升而鎖定油價導致今日有巨大虧損而裁員的決定,所以,我們應該吸取別人失敗的教訓而作出檢討,而非隨著他們的步伐前進。

國泰並不是唯一的受害者
1. 十一哥
2017-05-29 13:02
打工阿頭梗鐘意叠馬、好景時手鬆、不妨養多D冗員、阿頭睇錯交唔到數、梗要將D突章掃把、可以一鑊清6百馬…我係老細一定問…呢6百人原本有乜用  ?  睇下CEO點解籤 !


2. 十郎
2017-05-29 13:20


      其實做對沖,係合理咁做嘅,而且有需要做,問題是會有輸有贏,只贏冇輸,人人都落手啦,亦都冇人跟你賭,現在唔駛輸到執笠,應記一功。睇番中信就明。

3. 阿發
2017-05-29 14:30
對沖輸錢不是主要重點,最重要係油價跌左多年,2016年重要追加對沖到2019年。國泰投資前無分析?
4. 舍神
2017-05-29 15:45
一般來說,燃油價格下插,是有利航空公司的!

期貨的目的, 是給公司"鎖定利潤", 而非去賭佢升跌。輸了近百億港元......是匪夷所思!
我賣了下個月的機位, 同時買了期油"鎖定利潤",理論上油的升跌唔會影響我條數。

所以....國泰因買錯期油而蝕大本, 是高層豪賭的結果。
觀點上, 同博士很大出入。
5. 博士
2017-05-29 16:04
還有下集
6. 十郎
2017-05-29 17:02


      油價三年多時間,從140元跌到40多元,玩死幾多人?皆因佢地唔信有頁岩油,唔相信頁岩油會開採成功。現在美國是石油同石油汽出口國。

      對沖期油,我地局外人,祗可能斷估,佢地或者已經愈沖愈低。賭仔唔信邪兼好性,五十蚊桶重有得跌?我要之前輸咗的,一炮贏番。咁就最容易出事。

7. 十一哥
2017-05-29 17:07
呢班友行為…根本係賭 ! !  !  對沖唔係咁玩嘅、做生意貴買貴賣、就算低位買咗料、D料價飛升、行家齊齊都要貴賣、自己洗唔洗平賣益街坊呢、反之亦然…所以瀨哂嘢、高薪厚祿…贏就有獎…輸點解唔洗負責  ?   機票係有燃油付加費…係依當時油價計數收㗎 ! 


8. 十郎
2017-05-29 17:25


      呢d可以講係唔信危險嘅結果,沙地等產油國都唔信美國會變成能源出口國,爭飯食。e家踢晒腳。

      香港都有呢班人㗎,佢地唔信政府會增加到供應,唔信加息,總之唔啱聽嘅,就唔信!並非講什麼都要信,對付危機就要學下諸葛先生啦。


9. 舍神
2017-05-29 18:35
期待中....haha
10. 舍神
2017-05-29 18:39
大家仲要知道,以往小布薯時代。
人家家族係做乜生意先得嫁。
油價當然有升冇跌!
11. 舍神
2017-05-29 18:59
如果我睇跌油價去而去買CX,油價大跌而我卻血本無歸,CX高層所做的,其實的確好不道德,因為我輸,居然輸在那公司高層豪賭油價(睇升)上。

同一件事多年前也發生在金市,因金價長期下跌,生產商索性買跌,把多年產量"對沖",做成金大升,居然金礦股(如Barrick)股價插水甚至破產的"奇景",因佢地以低於生產成本沽了給市場。 

CX事件同出一轍。
12. 真真薯片
2017-05-29 19:22
有報導話國家泰做既對沖合約數量遠大過佢真實使用量, 淨係呢點已經可以證明佢係豪賭, 不務正業

如果佢對沖既量係同實際使用量一樣, 即係佢係一個油價100蚊既世界度做緊生意, 早幾年油價維持百幾蚊咁多年都冇人死, 依家40蚊反而慘死, 講唔通啦
13. Bos Fan
2017-05-29 22:03
博士真是苦口婆心。
14. 向引刀‧土著‧自醉‧浪子‧阿井 說不
2017-05-29 22:17
1. 有沒有從陰謀論方面設想過?
2. 惡晒航空母公司是誰?
3. 燃油對沖合約是向那家公司購買? 可否作証明?
4. 從相片看,炒600人全是唐人低級職員,有沒有鬼佬高層?
5. 有那幾家航空公司注冊地為香港?
6. 未來最強勁的本港航空公司將會是那家?
7. 當年的港龍就是受制於港英政府對本港的航權問題,而限制了其經營和發展。
15. MMC
2017-05-29 23:10
我信只有政府的分析才是對的,例如,利息可以加很多,港置業人士都猛猛緊上車,Moody's 的評分錯,世上只有陳總是對的 。  不過,佢又話香港經濟逐步向好喎!

點算呀?  各位好友,轉呔嗎!
16. 向飯民說不
2017-05-30 10:42
14樓,國泰好多都黃C,今次被鬼佬強姦,他們都是自願的,而且會好享受。
17. 向飯民說不
2017-05-30 10:43
14樓,應該是這樣說啦,好像引刀的邏輯,主子要強姦他們,他們應該很樂意。對黃C來說,這不是強姦,這是享受。所以不用替黃C不值。正如台灣妹說,阿祖做雞是自願,很享受。
18. 引刀一快
2017-05-30 11:39
向飯,按你邏輯你強姦你老婆嘅時候,佢唔多願意喎,哈哈哈哈
19. 向飯民說不
2017-05-30 12:09
幾時都話引刀老婆,同主子上床也是享受的,也要感恩。
20. 香港土著
2017-05-30 14:42
好彩有向飯,世上所以無恥之徒心裡都踏實一點。萬世無恥師表,向飯後代生生世世以恥為榮!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。