地產論壇
登入名稱
密碼
頁數:
茶餐廳亂話(114)令人懷念的老人防線
瀏覽人次:26136    回應:11

茶餐廳亂話(114)令人懷念的老人防線

 

湯文亮博士

紀惠集團行政總裁
2017年5月27日

  昨晚與現任浸大校長,幾位前校長及過百位舊校友晚飯聚會,大家都飲了不少酒,本來唔想去跑步,但見天氣非常好,唔捨得唔跑,跑完步之後去到茶餐廳,覺得咖啡非常好飲,水吧話老闆提升了咖啡級數,但不會加價,回饋社區,的確是有心人。

  老闆話今晚雖然樂視冇得直播英國足總盃,但TVB有,記得叫我睇,仲問我現在的阿仙奴與全盛時期打法有什麼不同,我記得,阿仙奴有奪取英超的一年是雲加上任後不久,靠一條老人防線奪冠,及後,雲加訂下不與超過三十歲的球員簽長約,後重用年輕戰將,無形中是自毀長城,以後雖然成績不錯,但再也沒有奪得英超冠軍,老闆問我資料是否正確,我話九成,如果有誤,出文之後很快就會有讀者糾正,其實,香港樓市亦是自毀長城,老闆問點解,我話政府唔准持有多過一個住宅單位的人買樓,即是唔准老人買樓,做父母的就幫助或者以兒女的名義買樓,太多未經過金融樓市危機的年輕人買樓,這就是樓市的危機,亦可以說是由政府造成,說政府自毀長城亦不為過。

茶餐廳亂話(114)令人懷念的老人防線
1. 十郎
2017-05-27 10:29


      1997年在報章見到一個故事。

      一名未畢業的少女,投函報章說,她父親有三間工廠,生意不俗,父親愛女心切,就出首期幫女兒買樓,誰料金融風暴殺到,父親的生意全倒閉,少女自己變了破產人仕。好在她沒有埋怨父親,祗怪時不與我。

      1997年風暴中,電視台都有訪問受影響人仕,他們多少都有接觸投機,有的過氣老闆,由大陸托一箱貨,從大陸到香港來賣街邊,當年不知淘盡多少英雄?那時是亞洲四小龍--------香港,台灣,新架坡及韓國,台灣已經過了頭,現在四小龍何在呢?四小蟲!


2. 無奈
2017-05-27 10:37
十即兄,中國沉睡千年,真正東方巨龍飛升,四小龍褪色就更為明顯。

考慮香港問題不能勿視中國因素。
3. 無奈
2017-05-27 10:40
上文亦是十郎。

阿仙奴被猶長球場負債拖累了。
4. 十郎
2017-05-27 11:11


      在股票市場“孖展“這個名詞,好普遍,前輩老師,分析員(如老曹),經常提點勿炒孖展。但樓市中就甚少聽過這個名詞,可能這個原因,令人唔知道這個行為,墜入孖展網中。

      有人漎湧別人加按買多層,我希望佢地唔好學埋黃痴瘋,叫人衝,自己鬆。博士被人稱唱淡入貨,唱升的人,何嘗不是唱好出貨呢?唔好立亂屈人。

5. 十郎
2017-05-27 12:57


      四小龍存在的時間,正值中國被貿易禁運的時候,中國製做的貨物,是不能夠出口到美國同歐洲的,這樣就經由香港輸出,美國政府會敦促香港政府調查是否香港製,攞來源證,好認真的。聽來有廠商出口一千箱馬蹄礶頭,調查官(真係官)問馬蹄那裏來?商人領到元朗,指著塊田說自己種,官員明知那塊田生出來的馬蹄,一百箱都做唔到,過關。有大型製衣廠,從內地買一批恤衫,車上自己嘜,又過關。當時冇ICAC,你明嘅。而且亦無而破壞經濟呀。

      中國要進口貨物,因為禁運,又要經過香港,香港是免稅港,所以又成為轉口港。香港得此天時地利,就做起銀行的專利,剃刀門楣,出又括,入又括。發達必矣。現在中國不再需要依賴香港,點好呢?

6. 十郎
2017-05-27 13:53


      銀行叫做剃刀門楣,出又刮,入又刮。

7. 十一哥
2017-05-27 14:51
十X哥而家同買家賭期權、15%part輸哂唔知使唔使上身呢?唔使食辣椒計…上車使費唔見5%左右、睇得到三年嘅…升少過一成都係和和果果、唔上唔落就要揾銀行過底、過唔到底就焗要跟番X哥…比貴利嘞、孖展可以斬頭計數…但賭磚頭就有機輸埋以後嘅入息…供死會。

樓市好穩陣、但再標就社會唔安定、政府唔會隊冧樓、但都要使D橫手安定民心、幾好路…都要睇自己揸唔揸得起至好制
 !


8. 向引刀‧土著‧自醉‧浪子‧阿井 說不
2017-05-27 16:29
新盤賣樓大排長龍。紀惠集團行政總裁湯文亮,亦直指場面「震撼」。但他表示,反映發展商提供按揭有效。但現時樓市情況不像97年,因為現在搶樓的人沒有物業,而97年買樓的人已經有很多層樓,所以不會短期爆破。
9. 真真薯片
2017-05-27 22:24
在下覺得博士既比喻有d怪

足球員如果係年輕球員上陣, 係靠自己

香港年輕買家雖然係落佢名, 但係真正上陣比首期甚至供樓既係老人, 同踢波唔同喎
10. 真真薯片
2017-05-27 22:31
在下都覺得依家唔似97

1/ 98-2002年, 每年有3-4萬私樓供應, 另加3萬居屋供應, 依家每年只有萬八私樓+3-5千居屋, 總數連當時3份1都冇

2/ 當年十厘息, 依家兩厘, 加三年都係得5厘, 不能比

3/ 當年中國外儲得3千億, 行緊宏調, 依家有3萬億, 行緊量寛, 而且口講收縮, 實則放水, 中國經濟總量比20年前大十倍, 擠1%出黎都浸死你

不過, 雖然如此, 強國都會有經濟周期, 當強國股樓調整, 人民幣受壓時, 港樓都會調整


11. 十郎
2017-05-27 23:28


      薯片叔叔可能唔記得,當年人人都有兩份工㗎,我好希望現在人人有雞食。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。