地產論壇
登入名稱
密碼
頁數:
買樓慎防亢龍有悔
瀏覽人次:30084    回應:29

買樓慎防亢龍有悔

 

湯文亮博士

紀惠集團行政總裁
2017年5月25日

  新一輯射鵰英雄傳又開始做,又會吸引一班鵰民,什麼東邪西毒,降龍十八掌又廣泛地被談及,我到現在還不明白,查良鏞先生寫射鵰的時候大約三十多歲,點解可以寫得咁好,不但人物的描述,地域涉及的廣泛性,還有數之不盡的招式,大多數是有根有據,並不是亂作,而我們亦從查先生的作品中得到不少歷史及地理知識,我還有一件事不明白,點解查先生從未得到諾貝爾文學獎的提名,莫非文無第一,沒有有資格的人願意提名查先生。

  有年輕朋友在不久前買樓,之後覺得很後悔,於是便撻訂,他變得非常沮喪,我安慰他說,如果發覺力有不逮,撻訂並非一件壞事,而且,這亦是降龍十八掌的一招,叫亢龍有悔,而降龍十八掌內的其他招式,例如見龍在田,潛龍勿用等,與亢龍有悔一樣是出自易經,老實說,易經對於我來說是太深奧,但招亢龍有悔我就明白,不過,未必是正確的。

  陳茂波早兩日作出呼籲,叫參觀樓盤的人千祈唔好被現場氣氛感染,變得非常亢奮,不顧一切去落訂,到後來發覺,即使地產商提供八成半按揭,他們亦沒有能力付首期,或者不能持續供款,唯有撻訂,我認為這就是亢龍有悔,在降龍十八掌中,最具威力就是這招,但我覺得亢龍有悔並非招式,而是一種自我冷卻理念,降低亢奮程度,在雙方開打前評估對方實力,與自己作出一個比較,如果沒有必勝把握就不要開打,否則在開打之後處於下風,就會很後悔,買樓也是一樣,如果買樓之前非常亢奮,認為其他人可以幫他付首期,在節衣縮食下,每月供款也不是問題,買樓之後才發覺,原來沒有人可以幫手付首期,唯一選擇就是撻訂,而撻訂即是話俾其他人知道,閣下亢龍有悔。

買樓慎防亢龍有悔
1.
2017-05-25 09:50
博士妙不可言,字字珠璣,但人性是衝動的,與樓價一起往上衝而無悔。
2. 十一哥
2017-05-25 10:14
易經係扮高深、基本冇創意、衹係將世間現象…用複雜文字演繹、亢龍有悔…樂極生悲、前者高深D…有氣勢D…要智者番譯咁解。


3. 十一哥
2017-05-25 10:31
陰·陽、亁·坤、即係…先貪…後輸、身有屎…跟手比人屈 。


4. 十郎
2017-05-25 10:38


      九五之專,亦出自易經。附圖:九五-----飛龍在天,利見大人。

5. 十一哥
2017-05-25 11:04
十哥     係唔係形容緊…中國…習大大呢!


6. 真真薯片
2017-05-25 11:38
發展商賣樓永遠做到供不應求, 推盤量往往係入飛數量十份一, 買家多數抽唔中, 抽中都要鬥快搶. 冇時間揀, 想唔亢奮都唔得
7. 引刀一快
2017-05-25 11:45
我早排睇youtube,有位“老朋友”話“係俾首期難之嘛,供樓唔難㗎!”,我都覺得好得意,點解佢咁清楚人地份工嘅穩定性同埋收入情况嘅?

壓測係評估你供樓能力啫,唔係估埋還首期俾親戚、老婆大肚出對孖仔嘅應變能力嘛。

“係俾首期難之嘛,供樓唔難㗎!”,我睇就啱啱相反,俾首期易,供樓難,因爲手上有幾多,係現兜兜嘅,有就有,冇就冇。要肯定自己未來廿幾年收入穩步上揚、生活風平浪靜,見過風浪嘅人都唔會咁老定。

呢招都幾犀利,一嘢簽約落大訂,往後又多個好友嘞!
8. 引刀一快
2017-05-25 11:58
唔知金庸係咩國籍呢?不過就算有提名,金庸都幾難攞諾貝爾,諾貝爾政治色彩咁濃,莫言得獎係因爲寫中國人陰暗嘢,你搞我我搞妳,個個都鄉下佬,頒獎俾佢係有目的。金庸十幾本嘢幾乎可以媲美三國,內容虛實不計,唔少係展露中國歷史璀璨宏大嘅一面,一旦攞奬,全世界會有好多慕名讀者,容乜易睇完歐陽鋒就潜移默化支持中國一帶一路㗎?
9. 十郎
2017-05-25 12:19


      老師說,“經“同“書“係有分別的,經的解釋是常也,不變也。普通書籍不能稱為‘經‘,經書的內容是不容置疑的,不容反駁的。經書如‘論語‘,是聖人夫子與學生的對話紀錄。中國人對‘聖‘字都很執著,祗有大成就如孔夫子,宗教界,皇帝才稱聖。所以香港人叫聖誕節,內地人稱耶誕。耶穌不是中國人,未被進階到聖的境地,因此叫耶誕。

10. 十郎
2017-05-25 12:33


      補充---------‘經‘同‘書‘的分別,就在於‘經‘的內容不容置欵,反駁,改動。書就冇限制。

11. 無奈
2017-05-25 12:52
一旦攞奬,全世界會有好多慕名讀者,容乜易睇完歐陽鋒就潜移默化支持中國一帶一路㗎?

有道理。
12. 十一哥
2017-05-25 14:02
聖人永遠係古人、聖完可以再聖、吹到到幾超凡入聖…都死冇對証吖嘛 !   經…意識型態嘅工具、以…經…揾食班友…最標榜…經嘅神聖…不能挑戰不可質疑、  呢個世界邊有乜奇人異士、多嘅係故弄玄虛之輩…


13. aa+
2017-05-25 15:53
引刀一快今日 正常返 woo!!!
14. Bos fan
2017-05-25 15:56
所以馬經丶財經地產經係偽經。
15. 十郎
2017-05-25 16:27


      講對了。如果必中馬經,都可以合格的。

16. 悲然
2017-05-25 17:44
金庸先生於1924年出世,射鵰英雄傳於1957年至1959年香港商報連載,所以是約三十多歲了。
17. Admin
2017-05-25 17:48
謝謝16樓悲然的指正, 文章已修改。
18. 引刀一快
2017-05-25 18:14
十郎兄

睇見“耶誕”,我就諗起“椰撻”,死啦,好耐冇食喇,大陸椰撻又冇香港咁靚,點算呀....
19. 十郎
2017-05-25 18:30


      現在椰撻唔係四圍有得賣㗎,幾年前在深水埗,九X餐室買過,漲卜卜,又大又靚,我都鍾意呀。遲d失傅,你會後悔。



20. CD ROM
2017-05-25 23:29
宜家椰撻頂還有半粒車厘子嗎?

我都好耐無食喇。。。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。