地產論壇
登入名稱
密碼
頁數:
21. 亮劍
2017-05-19 09:41
 

好準地背馳,即係準。可以收貨……

又是28定律作怪,想起4~5年前,有條友叫「法子」,喺度不停貼東方民調,好似係問「D楼貴唔貴?」「 你會唔會喺呢一個價錢去買樓?」

鬼整佢如有8成上下既人都話貴話唔會買,個市就「逆民意」係咁升畀你睇!

上面頂嗰個圖係2016年1月4日的民調,呢個時間CCL大约在130左右(16年首兩個星期公布的數據係 2015年12月尾的滯後數字),根本呢一刻正係絕佳上車時機。

下一 張圖係2014年5月9日, 當時CCL連120都未到,之後一如28定律所說,個市就係咁升!

我老人癡呆,依稀記得法子講過:「你幾時見過,一項資產在爆破時有8成人看淡?」
22. 亮劍
2017-05-19 10:05
現在又睇睇東方係咪燈?


港八成富戶認揸現金安全
(東方) 2017年5月19日
瑞銀財富管理最新調查顯示,近八成香港百萬美元富翁認為目前是史上最不可預測的時期。由於金融風險揮之不去,有七成七受訪者認為持有現金更能保障財務安全。

現為最不可預測時期

調查於全球七大市場訪問逾2,800名擁有100萬美元可投資資產的人士,當中近四百人來自香港。有八成香港受訪者認為,短期風險頻生令其無法專注長期投資,尤其擔心經濟風險,其次為內地政治及金融風險。

香港富裕人士將此不可預測的時期視為威脅而非機遇。儘管如此,大多數人有信心應對不確定因素,近七成香港百萬美元富翁相信自己有能力評估相關金融風險。



隨着市況波動愈明顯,投資者取態愈趨審慎,七成七香港受訪者認同持有現金可保障財務安全,近四成今年會將更多資產轉為現金,尤其四十五歲以下更偏好持有現金,部分不動產及藝術品同被視為安全投資,而分散投資於美國及歐洲市場分別有不足兩成及12%。

瑞銀財富管理香港區市場經理Jean Claude Humair稱,全球不可預測性因素驟增,建議投資者專注長遠目標,進行多元化投資以分散風險。儘管不少富翁擬增加現金,但認為不要高估現金的安全性,因為通脹會令現金貶值,長遠現金資產會損害財務健康。



23. 亮劍
2017-05-19 10:24
這有如在一手銷售時, 記者們係咁問D「準買家」,今次發售既樓貴唔貴?

排緊隊嗰班友,十之八九都話貴,但另一方面佢哋就全家總動員去入飛,買唔倒仲要貓刮、鬼喳、小露寶, 人格分裂莫此為甚!

這就是小弟成日講既:「口裏說不動作卻很誠實!」
24. 肥婆四
2017-05-19 10:58
你如果要問我買想要的買,我一定話唔買!因我話買,後果對我不利。如果你問我買我不想的買,我回答不買,因我要誠實。
25. 湯瑪斯
2017-05-19 11:13
中原城市領先指數是市場參與者行動後得出的數據,而城大(購買房屋)信心指數是市民對未來購買房屋的信心指數。兩者在性質上有很大差異。市民包括不同階層的市民,有些市民可能一生都沒有能力購買房屋。因此,我認為經濟增長數據改善,不代表現購買房屋信心會上升,經濟增長數據差,也不代表購買房屋信心會下跌(因為經濟差以致樓價下跌,有能力或預期有不能力購房的人可能會增加)。此外,消費信心增加也不代表購買房屋的信心會增加,因為樓房與其他消費品有較大的差異。關先生毋須先入為住認為購買房屋信心指數必須與經消表現及消費信心指數成正比。
26. 浪子心聲
2017-05-19 14:53
有小部分參與討論的博客,只以主觀願望樓價只升不跌作分析數據為目的,因而作出不合常理的分析,我還可接受,因為如地產代理,他們因工作上的需要,一定要作出這些言論,但有些自稱投資者竟然以此態度作分析,可說是自欺欺人,甚至以荒謬、無知、大話批評理性分析,他們過去的成功,只是幸運,一但樓市轉勢,他們便因無法察覺數據些微的變化,而不能作出適當的準備。
27. 亮劍
2017-05-19 16:13
浪子心聲兄……
睇你嘅回應似乎係講緊我,不過點都好我對號入座先。

如果你話我的數據、分析及結論有差錯、不完整或誤導,咁請你攞出你的「彈藥」來打沉我。

仲有唔怕話埋畀你知,我話在一年內井噴完之後會跌三成,點知好多人唔同意我,咁小弟唯有圍內私下開一個賭盤,輸左請食飯,呢家我正被羣抽隻,得兩個死士站在我呢邊咋!

我呢家是多麼希望你開口中呀~~
28. 引刀一快
2017-05-19 16:22
浪子心聲兄

凡係呢類單講幾多人睇好、幾多人睇淡嘅理論,我都認爲攞嚟講,講中係一路好彩,一旦有變自動匿埋。

根本大多數人喺問卷裏面都係隨口答,結果可以係因爲引導式提問、近期新聞、特別係某些名人近期發話而改變。

唔通,睇好睇淡嘅比例可以改變市民收入?可以改變自然資源變化?

市民睇法係一種社會現象,單睇意見比例而忽視現象原因,根本係本末倒置。
29. 浪子心聲
2017-05-19 16:25
亮劍兄:

我絕對唔係講你,雖然我不同意你的分析結果,但你的分析和評論在我心目中算是有理性的,當然有參考價值。
30. 引刀一快
2017-05-20 01:27
呵呵,乜原來前面咁多嘢睇!


長河san,“「引刀是怎麼練成的」”圖書館有冇得借?淘寶同當當我都搵唔到,不如你借我睇睇。

難得喎,你都承認問卷有貓膩,咁你覺得引刀係點練成的?


31. 十郎
2017-05-20 08:39


      數據,統計,如果可以作得料駛,這樣最發達果個人,就唔係李十X啦,係統計教授。特朗普同英國脫鈎兩劑,輸到爬晒街,仲未識驚!😒😒😒

32. 引刀一快
2017-05-20 08:46
十郎兄

如何解讀統計,先至係重點,無論數據如何,總之特朗普當選,美國衰樓價就升,落選呢?美國好樓價又升喎!脫鉤呀?英國衰利香港樓市!唔脫鉤呀,好穩定又大利樓市。

信唔信統計,已經唔係重點。
33. 十郎
2017-05-20 08:50


      你講中咗!

34. 十郎
2017-05-20 10:29


      在過去的留言,我起碼講過兩次唔信數據,尤其是美國製做的。記得九十年代的一次,詳細唔記得清楚了。美國出某數據是正0.4%,第二個月出修正(通常第二個月會出修正數據,正常嘅),結果是負0.7%。我嚇到彈起(真係彈起,所以印象深刻),有冇咁離譜呀?我係接受到錯誤嘅,但係錯成咁樣,叫我以後點樣信至啱?

      如果大鱷知道你鍾意睇數據,佢會搵間廠做比你嘅。


35. Tony lam
2017-05-20 15:30
講就天下冇敵、埋牙就瞬時攤直、呢D就係專家…宗師本質嘞、直覺最準、儍侵跑出…脫硬歐…似爬逆水、但法國佬勝出…完全正路、做事唔好刻意買熱…爬冷、最重要中哂…老友問點估、邊係負轆…亦冇得斷估、不過冇得教、讀得書多仲衰、信哂…書講…人噏、太信資訊直情係迷信。



36. 十郎
2017-05-21 10:15

      在留這版上,未見到有人提到保本的重要性,一路上大勝是好事,祇要有一次爬街,就噬臍莫及!🤓🤔🤔

37. 引刀一快
2017-05-21 11:44
十郎兄

有呀,自我陶醉兄成日都提及保本止蝕喇。有人話專業唔駛止蝕,詏咗好多次喇。
38. 十郎
2017-05-21 11:52


      修正---------我係睇過醉翁兄講過,祇得一人太少,而且近來少留言,至歉!

39. Ronald
2017-05-23 19:12

分 享

首先多謝幾位Gourp友的提醒, "是9, 不是4.5, 點解?"   訪問1000人, 有4.5人會在未來1季會買樓(詳情於1樓留言), 那即是說, 同樣會有4.5個人在未來1季會賣樓, 他們的看法/取態,角色重要。

另外, 準備未來1季會租樓的人數又是多少? 他們有住屋需求, 因某些原因選擇租, 他們的處境/看法,也非常重要。

因為打釐印的租約宗數相信稅務局也沒有紀錄, 而A、B、C類單位租約於田土廳登記少之又少, 所以要準確估算1季內會租樓的人數的确不容易。 我們唯有訪問非常友好的地產代理, 看看租售比例, 從而推算。順帶多謝我們兩位同事連日來追訪十多位代理老板, 綜合/平均, 原來租售比例為48:52。換句話說, 1季有22,809人會買樓, 也會有21,054人會租樓 (22,809÷52×48=21,054)。

重複1樓留言
根據政府統計處統計
https://www.censtatd.gov.hk/hkstat/sub/sp150_tc.jsp
以20-64歲年齡層適合回答問題, 這年齡層有 5,014,500人;

又根據土地註冊處登記買賣宗數
http://www.landreg.gov.hk/tc/monthly/monthly.htm
近3個月買賣為22,809宗, 當每宗都是一個人買 (22,809÷5,014,500=0.0045)

補充

據上述推算, 近3個月出租單位為21,054宗, 當每宗都是一個人租 (21,054÷5,014,500=0.0041)

再即是說,訪問1000人, 會有4.5個人準備未來1季會買樓, 同樣會有4.5個人在未來1季會賣樓, 也會有4.1個人準備未來1季會租樓(4.5+4.5+4.1=13.1), "9也不是, 是13.1啊...!" 這13.1人的看法/取態, 尤其重要, 那麼餘下986.9位不參與人士的看法/取態,以作計算指數成份,價值在哪?相信籌劃項目的學者會知道的!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。