地產論壇
登入名稱
密碼
頁數:
21. 十郎
2017-05-16 11:08


      春鯿秋鯉夏三鯠。我覺得三鯠魚個樣幾似鰣魚同咸水鰽白,佢地可能係幾老表。鰽白好平,試過買來煎香後,d骨好易分離,肉質又甜,唔錯,幾好食。

22. 引刀一快
2017-05-19 19:26
Lam兄

唔止鑊氣煎炸,其實蒸魚都係酒樓好,因爲屋企個爐冇咁嘅火力,我自己蒸魚會用大鋁鑊,貪佢導熱快,再加鐵砂包壓鑊蓋,咁就稍爲近磅D。

湖南人我實在交往唔少,估計廣州嘅湖南人超過常住人口十份一,所以,我好清楚佢地口味。我相信老毛食海魚的話,不外兩隻,就係紅燒帶魚,松鼠黃魚,真係黃花魚果隻黃魚,其他海魚就未必受落,只有長居沿海嘅湖南人先會鍾意上海産,湖南人鍾意醃、熏、醬、干,清蒸嘢都麻麻。
23. 引刀一快
2017-05-19 20:20
十郎兄

香港食雞係唔及大陸,喺大陸一般食雞,唔計雪鷄,我分三級,最低級係普通酒家普通雞,話之白切、蔥油,都係咁上下,時好時差,但係差嘅時候,都有番咁上下,我近年喺香港食燒臘飯,最心儀嘅雞鵝髀飯,D雞就係唔得。中級係客家菜同湛江菜,一般D雞都唔會失望,上級就係少數嘅食雞專門店,好明顯,用嘅雞一定係專供。

講到武昌魚,理論上係鯿魚,但係如果冇記錯,十幾年前有武昌魚標準出台,鰭條同魚骨之類,數字合規格先可以稱爲武昌魚。
24. 引刀一快
2017-05-19 20:31
依傢D三鯠魚基本上都係緬甸貨,本地三鯠好難食到喇,尤其是入河嘅三鯠,幾年前聞説要一萬一條。
25. 十郎
2017-05-19 20:56


      吓!唔係嘛,我網上睇,三鯠魚即係鰣魚,細路時,亞媽三鯠煮菩突(苦瓜),幾時變咗貴族魚?

26. 引刀一快
2017-05-20 00:57
三鯠係鰣魚呀,不過唔係本地貨之嘛,依傢你見到好多都係用膠袋入住嚟賣,果D就係緬甸貨。
27. 引刀一快
2017-05-20 03:25
十郎兄

鰣魚係洄遊性魚類,河道污染,刺網太多,影響咗鰣魚繁殖。廣東算好喇,長江嘅鰣魚已經絕跡,依家果邊有人養美國鰣魚。
28. 引刀一快
2017-05-20 04:04
lam兄

海鮮河鮮各有其美,香港係海島,食海鮮有優勢,海魚品種就算湛江茂名都未必多我地,近年河鮮可能由於檢疫壁壘,入港品種似乎收窄好多,我就舉幾個例子,比如西江魽,以前有輸港,依家見唔到,鱲追又冇,竹八又冇,鱖魚係養嘅,禾蟲唔俾賣,所以感覺河鮮差一皮,如果有條四斤過外嘅大眼海詏頸,食味口感絕對唔輸海東星,但係喺大陸餐館食的話,就係38-58一斤,可謂鳊魚價。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。