|
一定去試試君悅海南雞,喺大陸經常食白切湛江雞、文昌雞、清平雞、高州蔥油雞、九爺雞、紅蔥頭淋雞、窯雞、德州扒雞、雲吞雞、客家鹹雞、潮州浸雞、水晶雞等等,感覺上,唔理咩煮法,雞質係首要,取材好就成功咗一半。
|
|
2.
Tony lam |
2017-05-14 10:59 |
|
刀哥 都係食最開心、完全同意…食物…一定以質行先、本身料靚…就算清水涮下…都肯定好食、衹要唔好懶叻…加呢加路 ! 幾許名厨…衹因由名店起步…有名氣收得起貴價…咁咪用得起靚料…邊有得輸。
鷄、鮑魚、翅、等慢煑菜式屋企勝街外、但鑊氣煎炸就一定出街正、自己睇住點都覺得高溫唔健康、落手冇咁狠時…火候就出入大嘞。
|
|
|
刀兄-------------絕對贊成材料第一,我現在唔食雞同豬肉,因為林巴巴(搵唔到廣東音字),冇咬口,好削。煲完湯就唔要。細個時亞媽做白切雞,獨佔一肶阻住來食,肉質堅靚。我跟現在人講,比人罵一餐,話我細時冇野食,所以乜都覺得好食,我十郎都唔同佢拗。
|
|
|
我好怕在飲茶時叫义燒腸,牛肉腸之類,直情唔要。第一我怕拎出黎好似牛肉餅咁,第二怕師父落咗糯米粉,黏立立,晒錢又浪費。爽滑豬腸粉,已經講咗晒d要求,深水埗間合X泰,我都係比70分。N年前在廟街,有個揹仔師奶推著車仔賣,OK呀,比食環署趕絕埋。那個熱辣辣腸粉箱,特別設計的。
|
|
5.
黃老闆個仔仔 |
2017-05-14 13:34 |
|
http://hkm.appledaily.com/detail.php?guid=20014985&category_guid=vice&sup_id=12187363&category=daily&issue=20170509
【以身試伏?】$280全港最貴海南雞飯 秋生絕望︰火都嚟!
香港君悅酒店的海南雞飯,每份售$280,堪稱是全城最貴,不過一樣出事。話說一向識飲識食的黃秋生,甫知道君悅海南雞飯被譽為全港最好食,就立即去試,怎料翌日就在facebook出post話「真係食到火都嚟」,指完全沒有海南雞飯風味,九唔搭八。記者就此事致電秋生哥問個究竟,他說,「簡直是絕望,不是失望,是絕望!雞無味,飯沒有雞油及香料味。湯更加荒謬,以為有金華火腿,原來是乾葱頭!」他說吃完第一啖飯已經叫侍應來,怎料侍應很緊張,反問要否給他大廚電郵來個直接對話。「如叫君悅雞皇飯,沒問題,但那一定不是海南雞飯。如果純以雞飯來看也不算精彩,你收這樣高價錢,是矮仔又扮高佬。說到是全香港最貴或最美味,應要將這名字拿下來。」

不過,秋生說這麼多,其實只是希望餐廳能有所改進。而坊間亦很多平靚正海南雞飯推介,如中環的海南寶寶$60外賣海南雞飯,是由曾在君悅任職的大民哥及Chef Eddy所炮製,日日吸引大批中環OL排隊買。想當年,大民哥亦有份調配君悅浸雞的白滷水秘方,不過他們的飯價錢較相宜,夠抵食。而大角嘴的文華雞飯(新加坡),老闆曾在新加坡賣雞飯十多年,會先炒香南薑、蒜頭、乾葱及香茅等,加少許湯、雞油及斑蘭葉煲飯,飯粒粒分明又入味。而由80後開的海南雞小店「聚寶食軒」,就選用較貴的麻黃雞,用大量冰將雞急凍,令雞皮中間脂肪變成箒喱狀,不會油淋淋。
黃秋生試過君悅$280全城最貴海南雞飯後,說簡直是絕望。
秋生在fb出post說完全沒有海南雞飯風味,真係食到火都嚟!
坊間還有不少平靚正海南雞飯,可以一試,如海南寶寶的$60海南雞飯。
文華雞飯(新加坡)的文華白雞飯套餐 $68,連時菜一碟。
聚寶食軒的海南雞飯套餐 $42
記者︰黃依情
|
|
|
|
|
我都麻麻地海南雞飯,唔係話唔啱味,係啲雞凍冰冰,我唔似得西人,食慣凍嘢,都係要食啲熱辣辣嘅嘢,好似吊燒雞或者貴妃雞就啱喇。
|
|
|
戰後經濟復興,好多內地來的師傅,好用心的製做食物,而且打出名堂,這樣以後好似識印銀紙咁,發咗達。現在急功近利,老字號都不能夠維持水準了,好像賣粥的生生記(戰後老字號),我以前經常有捧場(幾乎日日),現在覺得d清湯牛腩河,都幾難食。
簡單如油炸鬼,間間舖頭都有參差,食過一間的,好像買咗個法國長飽,或者豬仔飽,咬到牙都甩。大位是好似炸過嘅麵飽。油炸鬼的要求是要脆的,最近我祇在荃灣食到一間有水準的。
|
|
|
燒鵝都有成功失敗,這次去中山食過兩次燒鵝,其中一次,店家標榜用荔枝柴燒,不知是否配料唔用,果然有d特殊香味。其餘一間就平平無奇,而且d皮稍硬。在香港食過一次仲恐怖,燒鵝皮好似食柴皮,硬到咬唔入,要退貨。原因是風乾過度,皮的水份被抽乾,變成死硬,如此隻鵝係冇得救番,呢d就係今日的師傅不用心做,得過且過。名店師傅話食鵝最好食鵝腩同鵝背,我就首選鵝腩。
|
|
10.
Tony lam |
2017-05-15 11:03 |
|
十哥 肯定隻燒鵝係賣剩入過雪櫃、一夜乾、吊得過乾皮唔會韌、老細慳哥、唔關師傅事。
以前做飲食、一定乖乖…跟過師傅、各家都有唔同功夫風味、而家都用大路貨味料、大家都係咁溝就得、㗎啡奶茶如是、魚旦燒賣腸粉亦如是、想做就開舖…上網大把流流專家教…邊洗學師在行、阿Yan咁都話can cook、用菜刀擂鼓叫刀章……笑死哥哥…
|
|
|
十一哥,我都懷疑入過雪櫃,抽乾咗水,不過寫野唔可以太侵氣,由你講出來,更證明我冇估錯。
|
|
12.
Tony lam |
2017-05-15 12:12 |
|
admin可否指點一下、呢度點先改到綽號呢?十一哥個朵型仔又帶少少浪漫…想攞嚟行走江湖、重要嘅係唔好比老友估到…當笑料。
|
|
|
才飲長沙水,又食武昌魚。 萬里長江橫渡,極目楚天舒。 不管風吹雨打,勝似閑庭信步, 今日得寬余。.................. 一橋飛架南北,天塹變通途, 更立西江石壁,截斷巫山雲雨, 高峽出平湖。神女應無恙, 當驚世界殊。 毛澤東
我睇完,好奇甚麼是武昌魚?能夠令毛主席心動,上網一睇,你估是什麼魚?原來是鯿魚(邊魚),街市好多,唔駛去武昌。鯿魚肉甜幾好食,壞在多骨。
|
|
14.
Tony lam |
2017-05-15 22:02 |
|
十哥 老毛詩詞氣勢前無古人…暫時未見來者、但食就未必、老毛最愛紅燒肉、但始終海鮮勝河鮮、撻沙方脷幼滑鮮甜完勝邊魚、最名大於實就數鰣魚、埋單實晾住揼、咁嘅價銀…是旦食條海魚都正好多。
|
|
|
十一哥,在下絕對贊成你講食海魚。我從小嗜好唔食淡水魚的,河鮮好多骨,我祇淺嘗。母親節食條白魚,真真晾dum。
毛澤東詩詞,我成本讀過,忘記好多了,他一介書生,成就95之專,所以他譏笑秦皇漢武。搵一個可以跟他比較的,我選宋朝辛棄疾。
|
|
|
|
|
十一哥,在下絕對贊成你講食海魚。我從小嗜好唔食淡水魚的,河鮮好多骨,我祇淺嘗。母親節食條白魚,真真晾dum。
毛澤東詩詞,我成本讀過,忘記好多了,他一介書生,成就95之專,所以他譏笑秦皇漢武。搵一個可以跟他比較的,我選宋朝辛棄疾。
|
|
|
|
19.
向飯民說不 |
2017-05-16 09:37 |
|
大佬,老毛是湖南人,边有海鲜食,到了50几先到北京,对海鲜肯定无甘兴趣。 仲有当你物资缺乏,有肉食已经好幸福。红烧肉就是今日的上菜。
|
|
|
唔係叫老毛食海魚,係講現在香港食海魚抵過食什麼有名氣嘅河鮮。
|
|