地產論壇
登入名稱
密碼
頁數:
趁市旺推地才是高地價政策
瀏覽人次:26857    回應:7

趁市旺推地才是高地價政策

 

湯文亮博士

紀惠集團行政總裁
2017年5月8日

  政府在海航高價奪得四幅土地之後,似乎偃旗息鼓,沒有繼續推出大型土地,有分析員話,政府想延續高地價政策,所以,不再推出大型土地,我反而覺得政府要維持高地價政策,一定要乘勝追擊,否則會惹人誤會,認為落高標的只得海航一間公司,所以政府不敢繼續推出土地,免得隊冧地價,其實推地反而有利地價繼續上升,過了一段時間,政府在土地的收益有足夠儲備,當招標價不理想,政府有能力拒絕接受,不但可以維持高地價,而且供應量亦有所保證,不會為了害怕供應量不足而接受低落標價,可惜政府官員不是賭徒,對賭博學問沒有研究,否則,就會知道,贏要谷,輸要縮的道理。

  一般人都會接受窮寇莫追的概念,毛澤東就否定這個概念,他說宜將剩勇追窮寇,不可沽名學霸王,當日項羽如果不與劉邦妥協,放生劉邦,就不會被劉邦兜篤將軍,不會烏江自刎,秦朝之後就會是楚朝,不是漢朝,今日香港政府不趁大好形勢高價賣地,到他日經濟轉壞,地產商落標可能連下限都未能達到,但政府可能要維持足夠供應量而被迫接受,官員們千祈唔好以為低價賣地,地產商可以低價賣樓,絕對不會,生意人就算執到黃金都只會以市價賣,低價賣地只會令到地產商更有能力持貨,如果地產商以高價買入土地,就會從速售樓,以便資金可以儘快回籠,大家唔信的話,就一齊睇海航未來的售樓策略,我估計是有咁快得咁快,結果是直接提高供應量,所以,政府宜趁高價時積極推地,不可沽名學霸王。

  在賭場上,那些贏了大錢的人都只會細細注,那些賭得大甚至賭命的人都是輸了大錢,甚至走頭無路,政府如果在市旺時盡量以高價推地,到市況淡靜時可以因應地產商要求減少推地,以便維持高地價,所以,趁市旺推地才是高地價政策。

趁市旺推地才是高地價政策
1. 真真薯片
2017-05-08 10:25
博士講得好, 但係港豬邏輯太弱, 覺得地價跌就係正苦做到野, 其實地價貴先係做到野, 可惜
2. Tony lam
2017-05-08 10:26
老表洗濕咗個頭…再推多D地都要…焗去、通街平錢揾出路…比到成分息過外…大把人爭住借比老表…一定穩陣過借比人創業、咁政府點解唔趁有價…索多D水呢?嗱…呢個就叫拿捏嘞、真係隊到老表梗唔落窒息…就一拍兩散、而家計過數…老表勉強都轉到數輸得起…停一停、亦免得做勢…比陀地高價散哂水…袋咗銀食花生。

見唔見呢幾日…集中講攞地起公屋呀?
3. 浪子心聲
2017-05-08 11:08
百分百認同湯博士的建議,港府應趁地價高多賣地,香港要有一個健康的房地產市場,政府必須提供穩定土地供應,其策略應為地價高即需求高就多賣地,而地價低即需求少就少賣地。

港府在穩定土地供應政策下運作,長遠賣地收入必然會大幅度下降,如能在現階段趁地價高而能大幅度增加庫房收入,就令政府有更多本錢面對未來市場的波動,尤如湯博士的見解在地產市度低迷時,可減少賣地。 

4. 真真薯片
2017-05-08 11:29
不過中資貴價搶地, 背後係咪執行緊中央既洗牌政策呢?如果係, 就盤買貴左都唔洗驚, 港苦唔敢比佢死, 所以中資搶左貴地未必要急賣, 呢樣野真係要放長雙眼睇
5. 湯瑪斯
2017-05-08 11:55
汪敦敬話:「香港人仍視新界為偏遠地方」,其實發展商早就當新界係市區,所以沙頭角禁區都賣一萬蚊一呎。早前湯文亮博士話佢個仔換樓,兩萬蚊一呎,都只係俾沙頭角貴兩成。我諗湯博士計錯數,應該貴一倍至係。不過我上網睇下,沙頭角新盤有兩個特色單位,折實後都成萬七蚊一呎。咁湯博士又冇計錯數喎,佢個仔買既係豪宅大單位,應該同沙頭角特色單位比。沙頭角呢個價,直情同市區差唔多啦!
6. Ben 仔
2017-05-08 12:41
班官心中有句格言,少做少錯,唔做無錯。連班問責官員都是咁心態,唉!
7. 真真薯片
2017-05-08 13:18
賣地價越貴, 資金壓力越中, 越要早賣樓

早期正苦所謂加大土地供應, 比發展商做藉口壓低地價, 結果利潤率更高, 同時防守力亦更高, 做成今日囤貨唔憂賣既局面

但係面包賣得好, 面粉就有人搶, 面粉價高, 應該就要推多d, 貴面粉會比平面粉更急推出市場, 打破囤貨局面

不過貴面粉係賣比中資, 到底中資買地係咪用黎賣樓, 要過多幾年先知
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。